Read ახალი ქართულით, Modern Georgian Bible, 1982 ეკლესიასტე 5 Bible Online

ეკლესიასტე 5 - ახალი ქართულით, Modern Georgian Bible, 1982 bible

ეკლესიასტე 5

¹ნუ გისწრებს ენა და გული შენი ნუ გაჩქარის სიტყვის წარმოთქმას ღვთის წინაშე, რადგან ღმერთი ცაშია, შენ კი - მიწაზე. ამიტომ იკმარე ცოტა სიტყვები.

²როგორც მრავლადაა სიზმარში ამბები, ისე მრავალსიტყვააუგუნურის ნაუბარი.

³თუ ღმერთს აღთქმას მისცემ, ნუ დააყოვნებ მის აღსრულებას,რადგან უპირონი არად ვარგანან. რასაც აღუთქვამ, აღუსრულე.

⁴სჯობს არ აღუთქვა, ვიდრე აღთქმული არ აღუსრულო.

⁵ნუ ათქმევინებ შენს ბაგეებს ისეთ სიტყვას, რომ ცოდვაშიჩაიგდო თავი; ნურც იმართლებ თავს ანგელოსის წინაშე, შევცდიო. რად უნდაგანრისხდეს ღმერთი შენს ხმაზე და დაღუპოს შენი ხელით ქმნილი?

⁶რადგან ბევრს სიზმრებს ბევრი ამაო სიტყვა ახლავს; შენ კიღვთისა გეშინოდეს.

⁷თუ სადმე ქვეყნად იხილავ ღატაკთა შევიწროებას დასიმართლისა და ჭეშმარიტების შერყვნას, ნუ გაიკვირვებ, რადგან მაღალსუთვალთვალებს მასზე მაღალი; ხოლო მათ ზემოთ კიდევ არის უფრო მაღალი.

⁸უკეთესია ის ქვეყანა, სადაც მეფე ქვეყნისთვის იღწვის.

⁹ფულის მოყვარული ფულით ვერ გაძღება, და არც სიმდიდრისმოყვარული თავის შემოსავლით. ესეც ამაოებაა.

¹⁰ბევრ დოვლათს ბევრი მჭამელი ჰყავს; რაღა დარჩება პატრონს მისას? მხოლოდ ყურება.

¹¹ტკბილია ძილი მშრომელი კაცის, გინდ ცოტა ჭამოს, გინდ ბევრი; ხოლო სიმაძღრე ძილს უფრთხობს მდიდარს.

¹²არის, მიხილავს მტანჯველი ბოროტება ამ მზისქვეშეთში: პატრონის საზიანოდ დამარხული სიმდიდრე.

¹³დაიკარგება ეს სიმდიდრე უბედური შემთხვევის გამო და შვილიმისი ხელცარიელი დარჩება;

¹⁴ისევ შიშველი გაბრუნდება, როგორც მოვიდა დედის მუცლიდანდა ვეღარაფერს მოიხვეჭს შრომით.

¹⁵ესეც მტანჯველი ბოროტებაა: როგორც მოვიდა, ისე რომ წავა.რა სიკეთეა, ფუჭად რომ შრომობს?

¹⁶თან თავის დღეებს ბნელში ამოჭამს, დარდით, ტკივილითგულგასენილი.

¹⁷აი, სად ვხედავ მე სიკეთეს, შესაფერ საქმეს: ჭამოს კაცმა,სვას და იხაროს თავისი ღვაწლით ამ მზისქვეშეთში დღენი მისნი, ღმერთმა რომმისცა; რადგან ესაა მისი ხვედრი.

¹⁸კაცს ღმერთი აძლევს ქონებასა და სიმდიდრეს და იმისშნოსაც, რომ მოიხმაროს, მიიღოს წილი და გაიხაროს თავისი შრომით; ესყველაფერი ღვთის წყალობაა.

¹⁹და რაკი ბევრს ვეღარაფერს გაიხსენებს კაცი თავისსიცოცხლეში, ღმერთი მისცემს მას გულის სიხარულს.