Read ახალი ქართულით, Modern Georgian Bible, 1982 ეკლესიასტე 6 Bible Online

ეკლესიასტე 6 - ახალი ქართულით, Modern Georgian Bible, 1982 bible

ეკლესიასტე 6

¹არის ბოროტება, რომელიც ვიხილე მზისქვეშეთში და მძიმეა იგი კაცთათვის.

²მისცემს კაცს ღმერთი ქონებას, სიმდიდრეს და დიდებას, დააჰა, ყველაფერი აქვს, რაც კი ინატრა, მაგრამ ღმერთი არ მოახმარებს და სხვა,უცხო ვინმე, მოიხმარს. ამაოება არის ეს და უბედურება.

³კიდეც რომ შვას კაცმა ასი შვილი და იცოცხლოს მრავალიწელი, მაგრამ ვერ იგემოს სიამე და საფლავიც აღარ ეღირსოს, ვიტყვი, უჯობდადედის მუცელს მოწყვეტილიყო.

⁴ფუჭად რომ მოვიდა და ბნელში წავიდა, ბნელში რომ დაინთქასახელი მისი;

⁵ვისაც მზე არ უნახავს და არც გაუგია, იმ კაცზე უფრომოსვენებულია.

⁶თუნდაც იცოცხლოს ორი ათას წელს და ვერაფერი სიკეთე ნახოს,რა ბედენაა, მაინც ყველა ერთ ადგილს მივა.

⁷ადამიანის ყოველი შრომა პირისთვისაა, მაგრამ სული არაღივსება.

⁸რადგან რა უპირატესობა აქვს ბრძენს უგუნურზე? ან დაღატაკს, რომელმაც იცის, როგორ გაუძლოს ცხოვრებას?

⁹სჯობს თვალით ნახო, ვიდრე გულს აჰყვე - ამაოება არის ესეცდა ქარის დევნა.

¹⁰რაც კი არსებობს, ყოველივეს დიდი ხანია სახელი ჰქვია; არ არის კაცი, ესეც ცნობილია: ძლიერთან დავა კაცს არ შეუძლია.

¹¹ბევრი რამეა, ამაოებას რომ ამრავლებს; რა უპირატესობა აქვს კაცს?

¹²რადგან ვინ უწყის, რა არის კარგი კაცისთვის მის ამაო წუთისოფელში, რომელსაც აჩრდილივით ატარებს? ვინ აუწყებს კაცს, რა მოხდება მის შემდეგ მზის ქვეშ.