Read ახალი ქართულით, Modern Georgian Bible, 1982 ეკლესიასტე 8 Bible Online

ეკლესიასტე 8 - ახალი ქართულით, Modern Georgian Bible, 1982 bible

ეკლესიასტე 8

¹ბრძენს ვინ შეედრება და ვინ შეიცნობს საგანთა ბუნებას? სიბრძნე ადამიანს სახეს უნათლებს და მისი სახის სიტლანქე იცვლება.

²გეუბნები, ასრულებდე მეფის ბრძანებას, თუნდაც ღვთისადმიმიცემული ფიცის გამო.

³ნუ ისწრაფვი მისგან წასვლას და ბოროტ საქმეს ნუ დაადგები,რადგან რასაც ისურვებს, ყველაფერს გააკეთებს.

⁴ვინაიდან სიტყვა მეფისა კანონია; ვინ ჰკადრებს მას, რასაკეთებო?

⁵ცნების შემნახველს ავი საქმე არ შეემთხვევა; ჟამსაც დაწესსაც ბრძენკაცის გული გრძნობს.

⁶ვინაიდან ყველაფერს ჟამი და წესი აქვს, ადამიანისუბედურება კი ის არის,

⁷რომ მან არ იცის; რა მოხდება; ან ვინ ეტყვის მას, როგორმოხდება?

⁸არავის ძალუძს ქარის შეჩერება, ვერავინ განაგებს დღესსიკვდილისას, ვერვის დაითხოვენ ბრძოლის ველიდან, ვერ იხსნის სიბოროტე მისპატრონს.

⁹ეს ყველაფერი ვიხილე და დავაკვირდი ყველა საქმეს, რაცმზისქვეშეთში მომხდარა; და ის დროც ვნახე, როცა კაცი კაცზე მძლავრობდათავისდა საზიანოდ.

¹⁰კიდევაც ვნახე ბოროტეულნი დამარხულნი, ადრე რომ მოდიოდნენ წმიდა ადგილას და ბრუნდებოდნენ; დავიწყებულ იქმნენ იმ ქალაქში, სადაც ამგვარად იქცეოდნენ. ესეც ამაოებაა.

¹¹რაკი სწრაფადვე არ ისჯება ბოროტი საქმე, ამიტომ ბედავს კაცი ბოროტების ჩადენას.

¹²ცოდვილმა კაცმა ასჯერაც რომ ჩაიდინოს ბოროტი საქმე, მიეტევება; მე ისიც ვიცი, რომ მიეგებათ მადლი ღვთისმოსავთ, რომელთაც ეშინიათ ღვთისა.

¹³არ მიეგებათ მადლი ბოროტეულთ და ლანდივით დღემოკლე იქნება ყველა, ვისაც ღვთისა არ ეშინია.

¹⁴არის კიდევ ამაოება, ქვეყნად რომ ხდება: მართლებს ბოროტეულთა საქმეთაებრ მიეგებათ; და არიან ბოროტეულნი, რომელთაც მართალთა საქმეთაებრ მიეგებათ. ვთქვი: ესეც ამაოებაა.

¹⁵და შევაქე მე მხიარულება, რადგან არ ყოფილა სხვა სიკეთე ადამიანისთვის მზისქვეშეთში, გარდა იმისა, რომ სვას, ჭამოს და იმხიარულოს; ეს ყოველივე ახლავს მას მის საშრომელში დღენი მისნი, ღმერთმა რომ უბოძა მზისქვეშეთში.

¹⁶როცა გულს ვიდევ, შემეცნო სიბრძნე და მომეხილა ყოველი საქმე, რაც ქვეყნად ხდება, ჩემს თვალებს ძილი არ უნახავთ არც დღე, არც ღამე.

¹⁷ვიხილე ღვთის ყოველი საქმე, რომ ვერ მიხვდება ადამიანი ვერაფერ საქმეს, რაც მზის ქვეშ ხდება; რაც უნდა დაშვრეს და იძიოს, ვერას მიხვდება; თუნდაც ბრძენკაცმა თქვას: მივხვდიო, ვერას მიხვდება.