Read ახალი ქართულით, Modern Georgian Bible, 1982 ეკლესიასტე 9 Bible Online

ეკლესიასტე 9 - ახალი ქართულით, Modern Georgian Bible, 1982 bible

ეკლესიასტე 9

¹ეს ყოველივე გულში ჩავიდევი და გამოვიკვლიე ეს ყველაფერი, რომ მართალნი, ბრძენნი და მათი ნამოქმედარნი ღვთის ხელთაა; არც სიყვარული, არც სიძულვილი არ უწყის კაცმა და არც სხვა რამე, რაც მის წინაა.

²ერთი ხვედრი აქვს ყველას: მართალს და უკუღმართს, კეთილსდა ბოროტს, სუფთას და მირეულს, მსხვერპლის შემწირველს და მსხვერპლისარშემწირველს, როგორც კეთილს, ისე ცოდვილს, როგორც მოფიცარს, ისე ფიცისმოშიშს.

³უბედურებაა მზისქვეშეთში, რომ ყველას ერთი ხვედრი აქვს;ადამის ძეთა გულებიც აღსავსეა სიბოროტით და სიშლეგეა მათ გულებში, ვიდრეცოცხლობენ; ამის შემდგომ კი მკვდრებში გადავლენ.

⁴რადგან ცოცხლებში შერაცხილს კიდევ აქვს იმედი; რადგანცოცხალი ძაღლი მკვდარი ლომის უმჯობესია.

⁵რადგან ცოცხალმა იცის, რომ მოკვდება; მკვდრებმა კიარაფერი იციან და აღარც საზღაური მიეზღვებათ, რადგან მათი ხსოვნადავიწყებას მიეცა.

⁶წარხდა მათი სიძულვილიც, შურიც და ტრფობაც; აღარ ექნებათ,აწ და მარადის წილი იმაში, რაც მზის ქვეშ ხდება.

⁷წადი, მხიარულად ჭამე შენი პური და გულის სიხარულით სვიშენი ღვინო, რაკი ღმერთმა მოგიწონა ნამოქმედარი.

⁸მუდამ სპეტაკი გქონდეს სამოსელი და ზეთი არ მოაკლდეს თავსშენსას.

⁹დატკბი სიცოცხლით ქალთან ერთად, რომელიც გიყვარს შენსწუთისოფელში, და რომელიც მოგცა ღმერთმა მზისქვეშ შენს წუთისოფელში, რადგანესაა შენი ხვედრი სიცოცხლეში და იმ შრომაში, რასაც შენ მზისქვეშ ეწეოდი.

¹⁰რისი კეთების ძალაც შესწევს შენს ხელებს, აკეთე; რადგან არც საქმე, არც საფიქრალი, ცოდნა, ან სიბრძნე არ გაგყვება შავეთში, სადაც მიდიხარ.

¹¹ისიც შევიტყვე ამ მზისქვეშეთში, რომ მკვირცხლთა ნებაზე არაა რბოლა, არც მამაცთა ნებაზეა ომი, არც ბრძენთა ნებაზეა პური, არც გონიერთა ნებაზეა სიმდიდრე, არც მცოდნეთა ნებაზეა მადლი; რადგან დრო და შემთხვევა განაგებს ყველაფერს.

¹²რადგან ადამიანმა არ უწყის თავისი ჟამი; ავ ბადეში გახვეული თევზებივით და მახეში გაბმული ჩიტებივით იქნებიან შეპყრობილნი ადამის ძენი ავბედით ჟამს, რომელიც მოულოდნელად ეწევა მათ.

¹³ეს სიბრძნეც შევიტყვე მზისქვეშეთში და საგულისხმოდ შევრაცხე იგი:

¹⁴იყო ქალაქი მცირე და ხალხიც ცოტა; მოადგა ქალაქს დიდი მეფე, ალყა შემოარტყა და შემოაშენა დიდი სიმაგრეები.

¹⁵აღმოჩნდა იქ კაცი ვინმე უპოვარი, მაგრამ ბრძენი და იხსნა ქალაქი თავისი სიბრძნით, მაგრამ უპოვარი იგი არავის აღარ გახსენებია.

¹⁶ვთქვი: სიბრძნე ძალზე უპირატესია, მაგრამ უპოვარის სიბრძნეს აბუჩად იგდებენ და მის სიტყვებს ყურს არავინ უგდებს.

¹⁷ბრძენთა სიტყვები, წყნარად ნათქვამი, უმჯობესია, ვიდრე სულელთა მთავრის ყვირილი.

¹⁸ბრძოლის საჭურველს სიბრძნე სჯობია, ერთი ცოდვილი კი ბევრ სიკეთეს დაღუპავს.