Read ახალი ქართულით, Modern Georgian Bible, 1982 ქებათა-ქება 2 Bible Online

ქებათა-ქება 2 - ახალი ქართულით, Modern Georgian Bible, 1982 bible

ქებათა-ქება 2

¹მე ვარ ნარგიზი შარონისა და ღელეთა შროშანი.

²როგორც შროშანი ეკალთა შორის, ასეა სატრფო ჩემი ასულთაშორის!

³როგორც ხე ვაშლისა ტყიურ ხეთა შორის, ასეა მეტრფე ჩემიჭაბუკთა შორის! მის ჩრდილში ჯდომა მიყვარდა და ვზივარ კიდეც, ნაყოფი მისიეტკბო ჩემს სასას.

⁴შემიყვანა მან ღვინის სახლში და აღმართა ჩემზე სიყვარულადთავის ალამი.

⁵გამამაგრეთ ღვინით, გამაგრილეთ ვაშლებით, რადგანდავსნეულდი სიყვარულისგან.

⁶ნეტავ თავქვეშ მედოს მისი მარცხენა და მარჯვენა მეხვეოდესმისი!

⁷გაფიცებთ თქვენ, ასულნო იერუსალიმისა, ველის ნიამორებს დაირმებს გაფიცებთ, არ გააღვიძოთ, არ აღძრათ სიყვარული, ვიდრემდის თავად არინებოს.

⁸აჰა, გაისმის ხმა ჩემი მეტრფისა, აჰა, მოდის იგი, მორბისმთებზე, მოხტის ბორცვებზე.

⁹ვამსგავსე მეტრფე ჩემი ნიამორს ანუ ირმის ნუკრს. აჰა,დგას იგი ჩვენს ზღუდის უკან, სარკმელში იჭვრიტება და ილანდება ცხაურებსშორის.

¹⁰მომიგებს მეტრფე ჩემი და მეტყვის: ადექი, სატრფოვ ჩემო, მშვენიერო ჩემო, და წამოდი!

¹¹რადგან აჰა, მიიწურა ზამთარი, ჟამი ნიაღვრისა გრდახდა,თავისთვის წავიდა.

¹²ყვავილები დაჩნდნენ მიწის პირზე, ჟამი გალობისა მოიწია და ხმა გვრიტისა ისმის ჩვენს მხარეში.

¹³ლეღვმა გამოიღო თავისი ყვავილი, ვაზის ყვავილი სურნელებითფშვენს. ადექი, სატრფოვ ჩემო, მშვენიერო ჩემო, და წამოდი!

¹⁴შენ, ჩემო მტრედო, შეხიზნულო ხეობის კლდეთა შორის!მიჩვენე პირი შენი, მასმინე ხმა შენი! რადგან ტკბილია ხმა შენი და პირიშენი - მშვენიერი.

¹⁵დაგვიჭირეთ პატარა მელიები, ვენახთა მომსპობი, რადგანჰყვავის ვენახები ჩვენი.

¹⁶ჩემი მეტრფე ჩემია და მე მისი ვარ, ის მწყემსავს შროშანთაშორის!

¹⁷ვიდრეღა სუნთქავს დღე და ჩრდილნი იძვრიან, მოიქეც,ემსგავსე, მეტრფევ ჩემო, ნიამორს, ანუ ირმის ნუკრს, ნაპრალოვან მთებზემოარულთ!