Read ახალი ქართულით, Modern Georgian Bible, 1982 ქებათა-ქება 4 Bible Online

ქებათა-ქება 4 - ახალი ქართულით, Modern Georgian Bible, 1982 bible

ქებათა-ქება 4

¹აჰა, მშვენიერი ხარ, სატრფოვ ჩემო, აჰა, მშვენიერი ხარ! შენი თვალები ორი მტრედია შენს პირბადის ქვეშ. შენი თმა არვეა თხათა, გალაადის მთიდან დაშვებული.

²შენი კბილები გაპარსული ცხვარია, საბანელით ამომავალი,თითოეული ტყუბ-ტყუბად მსხმელი და ბერწი არ არის მათ შორის.

³შენი ბაგეები ძოწის ძაფია და შენი პირი - საამური. შენიღაწვები ბროწეულის ლებნებია შენს პირბადის ქვეშ.

⁴შენი ყელი დავითის გოდოლია, აგებული საჭურველთათვის.ათასი ფარი ჰკიდია მასზე, ძლევამოსილთა ყოველი ფარი.

⁵ორი ძუძუ შენი ორი თიკანია ნიამორისა, მარჩბივი, მძოვარიშროშანთა შორის.

⁶ვიდრეღა სუნთქავს დღე და იძვრიან ჩრდილები, ავალ მურრისმთაზე და გუნდრუკის ბორცვზე.

⁷ყოვლად მშვენიერი ხარ, სატრფოვ ჩემო, და უბიწო!

⁸წამო, ლიბანიდან, სძალო! წამო ლიბანიდან ჩემთან! წამოდიამანას მწვერვალით, სენირისა და ჰერმონის მწვერვალით, ლომთა ბუნაგთაგან,ვეფხთა მთებიდან.

⁹შენ დაატყვევე ჩემი გული, ო, სძალო, დაო ჩემო! ერთიშეხედვით, შენი ყელსაბამის ერთი მძივით!

¹⁰რაოდენ საამოა შენი ალერსი, სძალო, დაო ჩემო! რაოდენ ტკბილია შენი ალერსი, ღვინის უმჯობესი!

¹¹გოლი მოსწვეთს შენს ბაგეებს, სძალო! თაფლი და რძეა შენიენის ქვეშ; შენი სამოსელის სურნელი ლიბანის სურნელია!

¹²ბაღი ხარ დახშული, სძალო, დაო ჩემო, ჭა დაგმანული, წყაროდაბეჭდილი.

¹³შენი ნარგავები ბროწეულის ბაღია, რჩეული ნაყოფებით -ქოფერითა და ნარდიონით,

¹⁴ნარდით და ზაფრანით, ლერწმით და კინამოთი, ყოველგვარიგუნდრუკის ხითურთ, მურრით და ალოეთი, ყოველგვარი რჩეული სურნელებით.

¹⁵ბაღების წყარო, ჭა ცხოველი წყლისა და ნაკადულნი,ლიბანიდან მომდინარენი.

¹⁶აღდეგ ჩრდილოდან, ქარო, მოვედ სამხრით, ქარო, მოჰბერებაღსა ჩემსა, დაე, სურნელებით ფშვენდნენ! მოვიდეს თავის ბაღში მეტრფე ჩემიდა იგემოს მისი სანატრელი ხილი!