Read ახალი ქართულით, Modern Georgian Bible, 1982 ქებათა-ქება 8 Bible Online

ქებათა-ქება 8 - ახალი ქართულით, Modern Georgian Bible, 1982 bible

ქებათა-ქება 8

¹ნეტავ ჩემი ძმა ყოფილიყავი, დედაჩემის ძუძუნაწოვი! გარეთ გიპოვნიდი, გაკოცებდი და არ დამძრახავდნენ.

²წაგიძღვებოდი და, ვინც გამზარდა, დედაჩემის სახლშიშეგიყვანდი, სურნელოვან ღვინოს - ჩემი ბროწეულის წვენს შეგასმევდი.

³მისი მარცხენა ჩემს თავქვეშ იქნებოდა, მარჯვენამომეხვეოდა მისი!

⁴გაფიცებთ თქვენ, ასულნო იერუსალიმისა, არ გააღვიძოთ, არაღძრათ სიყვარული, ვიდრემდის თავად არ ინებოს!

⁵ვინ არის იგი, უდაბნოდან ამომავალი, თავისი მეტრფის მხარსდაყრდნობილი? ვაშლის ხის ქვეშ გაგაღვიძე შენ. იქ გშვა დედამ შენმა, იქ გშვამშობელმა შენმა.

⁶დამდევდი, როგორც ბეჭედი შენს მკერდზე, როგორც ბეჭედიშენს მკლავზე; რადგან ძლიერია სიკვდილივით სიყვარული, სასტიკია ჯოჯოხეთივითშური; არმური მისი ცეცხლის არმურია, უფლის ალი.

⁷ვერ დაშრეტს სიყვარულს წყალი მრავალი და მდინარე ვერწარხოცავს მას. კიდეც რომ გასცეს კაცმა სახლის მთელი დოვლათი სიყვარულისწილ, მაინც არ ასცდება სიძულვილი.

⁸პატარაა დაი ჩვენი და ჯერ არ დამჩნევია ძუძუები. რა ვუყოთჩვენს დას იმ დღეს, როცა დაუდგება ნიშნობის ჟამი?

⁹ზღუდე რომ იყოს, ვერცხლის ქონგურებს დავუშენებდით; კარირომ იყოს, ნაძვის ფიცრებს მივუდგამდით.

¹⁰მე ზღუდე ვარ და გოდლებივით მაქვს ძუძუები. ახლა კი მოწიფული ვჩანვარ მის თვალში.

¹¹ჰქონდა ბაალ-ჰამონში ვენახი ხოლომონს და ჩააბარა მცველებსვენახი. თითოეულს ათასი მოჰქონდა ვერცხლი ყურძნის სანაცვლოდ.

¹²ჩემი ვენახი კი ჩემს წინაშეა. ათასი შენია, სოლომონ,ორასი - ნაყოფთა მცველების.

¹³ბაღების მკვიდრო, მეგობრები ისმენენ შენს ხმას - მასმინემეცა!

¹⁴გაიქეცი, მეტრფევ ჩემო! ემსგავსე ნიამორს ანუ ირმისნუკრს, სურნელოვან მთებზე მოარულთ.