Read ახალი ქართულით, Modern Georgian Bible, 1982 ესაია წინასწარმეტყველი 31 Bible Online

ესაია წინასწარმეტყველი 31 - ახალი ქართულით, Modern Georgian Bible, 1982 bible

ესაია წინასწარმეტყველი 31

¹ვაი ეგვიპტეში ჩამავალთ შემწეობისთვის, ცხენებისა და ეტლების მოიმედეთ, რადგან ბევრია, და მხედრებზე დანდობილთ, რადგან ძალზე ძლიერები არიან. არ უყურებენ ისრაელის წმიდას და უფალს არ ეკითხებიან.

²მაგრამ ბრძენია ის და უბედურება მოაქვს. არ გადათქვამს თავის სიტყვებს, წინ აღუდგება უკეთურთა სახლს და ავისმქმნელთა შემწეობას.

³კაცნია ეგვიპტელნი, არა ღმერთნი; მათი ცხენები ხორცია,არა სული. როცა უფალი მოიქნევს ხელს, წაიფორხილებს შემწე და დაეცემაშეწევნილიც. და ყველანი ერთიანად დაიღუპებიან.

⁴რადგან ასე მითხრა უფალმა: როგორც ბრდღვინავს ლომი ანლომის ბოკვერი თავის მსხვერპლზე, თუნდაც შემოადგეს მწყემსების გუნდი, არეშინია მათი ყვირილისა და არც მათ სიმრავლეს უფრთხის - ასე ჩამოვა ცაბაოთუფალი საომრად სიონის მთაზე და მის გორაკზე.

⁵როგორც ჩიტი ბარტყებს, ასე დაიფარავს ცაბაოთ უფალიიერუსალიმს, დაიფარავს და იხსნის, მოუფრთხილდება და გადაარჩენს.

⁶დაუბრუნდით მას, ისრაელიანებო, ვისაც ღრმად განუდექით!

⁷რადგან მოისვრის იმ დღეს ყოველი კაცი თავის ვერცხლისკერპებს და თავის ოქროს კერპებს, რომლებიც თქვენმა ცოდვილმა ხელებმაგააკეთეს.

⁸არკაცური მახვილით დაეცემა აშური და არაადამიანურიმახვილი შეჭამს მას; მახვილს გაექცევა, მის ჭაბუკებს კი დაიმონებენ.

⁹შიშით ჩაუვლის თავის კლდეს და დაფრთხებიან მისი მთავრებიდროშის წინაშე, ამბობს უფალი, რომელსაც ცეცხლი აქვს სიონზე და სახმილი -იერუსალიმში.