Read ახალი ქართულით, Modern Georgian Bible, 1982 ესაია წინასწარმეტყველი 39 Bible Online

ესაია წინასწარმეტყველი 39 - ახალი ქართულით, Modern Georgian Bible, 1982 bible

ესაია წინასწარმეტყველი 39

¹ამ დროს გამოუგზავნა მეროდახ-ბალადან ბალადანის ძემ, ბაბილონის მეფემ, ხიზკიაჰუს წერილები და ძღვენი, რადგან გაგებული ჰქონდა, რომ ავად იყო და მომაგრდა.

²გაიხარა ხიზკიაჰუმ და დაათვალიერებინა მათ თავისი საუნჯე - ოქრო-ვერცხლი, ნელსურნელებანი, ძვირფასი ზეთი, საჭურველის სახლი და ყველაფერი, რაც კი მის საგანძურებში იპოვებოდა. ერთი ნივთიც არ დარჩენილა არც მის სახლში და არც მთელს მის სამფლობელოში, რომ არ ეჩვენებინოს მათთვის ხიზკიაჰუს.

³მივიდა ესაია წინასწარმეტყველი ხიზკიაჰუსთან და უთხრა: რათქვეს ამ კაცებმა და საიდან მოვიდნენ შენთან? მიუგო ხიზკიაჰუმ: შორიქვეყნიდან მოვიდნენ, ბაბილონიდან.

⁴თქვა: რა ნახეს შენს სახლში? მიუგო ხიზკიაჰუმ: ყველაფერინახეს, რაც სახლში მაქვს. არაფერი დარჩენილა ჩემს საგანძურებში, რომ არმეჩვენებინოს მათთვის.

⁵უთხრა ესაიამ ხიზკიაჰუს: ისმინე ცაბაოთ უფლის სიტყვა:

⁶აჰა, დადგება ჟამი და ყველაფერს, რაც სახლში გაქვს, დარაც შენს მამა-პაპას დღემდე მოუხვეჭავს, ბაბილონში წაიღებენ. აღარაფერიდარჩება, ამბობს უფალი.

⁷წაასხამენ შენს შვილებსაც, რომელნიც შენგან გამოვლენ,რომელთაც შენ წარმოშობ, და საჭურისებად გახდიან ბაბილონის მეფის სასახლეში.

⁸უთხრა ხიზკიაჰუმ ესაიას: კარგია უფლის სიტყვა, შენ რომწარმოთქვი. დასძინა: რადგან ჩემს დროში მაინც იქნება მშვიდობა და სიმტკიცე.