Read ახალი ქართულით, Modern Georgian Bible, 1982 ესაია წინასწარმეტყველი 46 Bible Online

ესაია წინასწარმეტყველი 46 - ახალი ქართულით, Modern Georgian Bible, 1982 bible

ესაია წინასწარმეტყველი 46

¹ჩაიღუნა ბელი, მოიკაკვა ნებო; მათი კერპები მხეცებს და პირუტყვებს აჰკიდეს. მძიმეა თქვენი სატარებელი, როგორც დაქანცული ცხოველის ტვირთი!

²მოიკაკვნენ, ჩაიღუნენ ერთიანად, ვერ შეძლეს ტვირთის გადარჩენა და თავადაც ტყვეობაში წავიდნენ.

³მისმინე, იაკობის სახლო და ისრაელის სახლის მთელონარჩომო, ჩემო აყვანილო მუცლიდანვე, საშოდანვე ჩემო ნატარებო:

⁴შენს სიბერემდე მე იგივე ვარ და მოხუცობამდე მე გატარებ,მე შეგქმენი და მე აგიყვან, მე გატარებ და მე გადაგარჩენ.

⁵ვის შემადარებთ, რომ გამისწოროთ? ვის გამიტოლებთ, რომვემსგავსო?

⁶ქისიდან ჰყრიან ოქროს და ვერცხლს სასწორზე წონიან;ქირაობენ ოქრომჭედელს, რომ მისგან ღმერთი გააკეთებინონ. მერე ქედს უხრიანდა თაყვანს სცემენ.

⁷მხარზე შეიდგამენ და ატარებენ, მერე ჩამოდგამენ თავისადგილზე. დგას და ადგილიდან არ იძვრის, შესძახიან და პასუხს არა სცემს,გასაჭირში ვერ ეშველება.

⁸ეს გაიხსენეთ და გამაგრდით, გულთან მიიტანეთ, ცოდვილნო!

⁹გაიხსენეთ წინანდელნი, დასაბამიერნი, რადგან მე ღმერთივარ და არ არის სხვა ღმერთი, არავინაა ჩემი მსგავსი.

¹⁰დასაბამითვე ვაცხადებ მომავალს და ძველიდანვე, რაც ჯერ არმომხდარა. ვამბობ: აღსრულდება ჩემი განზრახული და ყოველ სურვილს ავასრულებ.

¹¹გამოვიხმობ აღმოსავლეთიდან ონავარ ფრინველს, შორიქვეყნიდან - ჩემი განზრახულის აღმსრულებელს; ვთქვი და დიაღაც მოვახდენ;დავსახე და დიაღაც გავაკეთებ.

¹²მისმინეთ მე, გულგაკერპებულნო, სიმართლეს განშორებულნო!

¹³მოვაახლოვე ჩემი სიმართლე, შორს არ არის, და ჩემეული ხსნაარ დააყოვნებს. მე მივცემ ხსნას სიონს, და ისრაელს - ჩემს დიდებას!