Read ახალი ქართულით, Modern Georgian Bible, 1982 ესაია წინასწარმეტყველი 50 Bible Online

ესაია წინასწარმეტყველი 50 - ახალი ქართულით, Modern Georgian Bible, 1982 bible

ესაია წინასწარმეტყველი 50

¹ასე ამბობს უფალი: სად არის დედაშენის გაყრის წიგნი, რომლითაც გავუშვი იგი? ან რომელი ჩემი მევალისთვის მიმიყიდიხართ? აჰა, თქვენი ცოდვების გამო ხართ გაყიდულნი და თქვენს დანაშაულთა გამოა გაშვებული დედათქვენი.

²რატომ არავინ იყო, როცა მოვედი; როცა ვიძახდი და არავინ იყო პასუხის გამცემი? მოკლე ხომ არ არის ჩემი ხელი და იქნებ არ ძალუძს გამოსყიდვა? ან იქნებ არ არის ჩემში ძალა დასახსნელად? აჰა, ზღვებს ვაშრობ ჩემი დამუქრებით, უდაბნოდ ვაქცევ მდინარეებს, მისი თევზები ლპებიან უწყლობით და წყურვილით იხოცებიან.

³მე ვმოსავ ცას წყვდიადით და ჯვალოს ვაფარებ მოსასხამად.

⁴უფალმა ღმერთმა მომცა სწავლულთა ენა, რომ შემეძლოსდამაშვრალის სიტყვით გამხნევება. ის აღვიძებს, ყოველი დილით აღვიძებს ჩემსყურს, რომ მესმოდეს, როგორც სწავლულებს ესმით.

⁵უფალმა ღმერთმა გამიხსნა სასმენელი და მე არგავურჩებულვარ, უკან არ მივქცეულვარ.

⁶ზურგი მქონდა მიშვერილი ჩემი მცემელისთვის და ყბები -წვერების მგლეჯელისთვის; არ დამიფარავს პირისახე დამცირებისგან დაფურთხებისგან.

⁷მაგრამ უფალი ღმერთი შემეწეოდა მე, ამიტომაც არდავმცირებულვარ; ამიტომაც კაჟად ვაქციე ჩემი პირისახე და ვიცი, რომ არშევრცხვები.

⁸ახლოს არის ჩემი გამმართლებელი. ვინ არის, რომ მედავება?დავდგეთ ერთად, ვინ არის ჩემი მომჩივანი? ახლოს მოვიდეს.

⁹აჰა, უფალი შემეწევა; ვინ გამამტყუნებს? აჰა, სამოსელივითგაცვთებიან ყველანი, ჩრჩილი შეჭამთ მათ.

¹⁰ვინ არის თქვენში უფლის მოშიში, ყურისმგდებელი მისიმორჩილის ხმისა, ვინ დადის ბნელში და არა აქვს ნათელი? ესავდეს უფლისსახელს.

¹¹აჰა, ცეცხლის წამკიდებლებო, კოცონების გამჩაღებლებო,ყველანი შემოდით თქვენი ცეცხლის ალში და თქვენს გაჩაღებულ კოცონებში. ესდაგემართებათ ჩემი ხელით: კერპებისთვის შეიწირებით.