Read ახალი ქართულით, Modern Georgian Bible, 1982 ესაია წინასწარმეტყველი 59 Bible Online

ესაია წინასწარმეტყველი 59 - ახალი ქართულით, Modern Georgian Bible, 1982 bible

ესაია წინასწარმეტყველი 59

¹აჰა, არ დამოკლებულა უფლის ხელი რომ ხსნა არ შეეძლოს, და არ დამძიმებულა მისი ყური, რომ ვერ ისმინოს.

²მხოლოდ თქვენი უკეთურებანი იყო გამყოფი თქვენსა და თქვენს ღმერთს შორის და თქვენმა ცოდვებმა დაფარეს მისი სახე თქვენგან და აღარ ესმოდა მას,

³რადგან თქვენი ხელები სისხლით არის შებღალული და თითებითქვენი - უკეთურებით; თქვენი ბაგეები სიცრუეს მეტყველებენ, თქვენი ენასიბილწეს ლაპარაკობს.

⁴არავინ მოითხოვს სიმართლით და არავინ განიკითხვისჭეშმარიტებით; ფუჭია მათი საესავი და ცრუობენ; ჩაესახვით ამაოება და ტყუილსბადებენ.

⁵ასპიტის კვერცხებს ჩეკავენ და ობობას აბლაბუდას ქსოვენ;მათი კვერცხების მჭამელი კვდება და, თუ გატყდა, უნასი იჩეკება.

⁶მათი აბლაბუდა სამოსელისთვის არ ვარგა და თავიანთნაკეთებს ვერ ჩაიცვამენ; მათი ნაკეთები უკეთური ნაკეთებია და ძალადობაა მათხელებში.

⁷ფეხები სიავისკენ გაურბით და უბრალო სისხლის დასაღვრელადმიიჩქარიან; მათი ზრახვები უკეთური ზრახვებია, ნგრევა და პარტახია მათგზებზე.

⁸მშვიდობის გზები მათ არ უწყიან და მათ ბილიკებზე არ არისსამართალი; თავადვე გაიმრუდეს გზა-სავალი და მასზე მავალმა არავინ იცისმშვიდობა.

⁹ამიტომაც განგვშორდა სამართალი და ვერ გვწვდება სიმართლე.მოველით ნათელს და, აჰა, წყვდიადია! გაბრწყინებას - და ბნელში დავდივართ!

¹⁰ბრმებივით ვეპოტინებით კედლებს და ხელებს ვაცეცებთ,თითქოს თვალები არ გვქონდეს; ვფორხილობთ შუადღისას როგორც ბინდში, როგორცმკვდრები უკუნეთში.

¹¹დათვებივით ვღრიალებთ ყველანი და მტრედებივით ვკვნესით;მოველით სამართალს და არ ჩანს, ხსნას და შორს არის ჩვენგან.

¹²რადგან გამრავლდა ჩვენი დანაშაულები შენს წინაშე და ჩვენი ცოდვები ჩვენს წინააღმდეგ მოწმობენ; რადგან ჩვენთანაა ჩვენი დანაშაულები და ჩვენი შეცოდებანი ჩვენვე ვუწყით:

¹³უფლის ღალატი და უარყოფა, ჩვენი ღვთისაგან განრიდება,ავის და უკუღმართის ზრახვა, სიცრუის ჩაფიქრება და გულიდან აღმოთქმა.

¹⁴უკუიქცა სამართალი და სიმართლე შორს გადგა, რადგანწაფორხილდა ქუჩაში ჭეშმარიტება და სიწრფელე ვეღარ შემოდის.

¹⁵გამქრალია ჭეშმარიტება და სიავეს განრიდებული ძლეულია;უფალი ხედავს და თვალში ავად უჩანს, რომ არ არის სამართალი.

¹⁶ხედავს, რომ არ არის კაციშვილი, და უკვირს, რომ არავინააქომაგი. მაშინ მისი მკლავი ეშველება და მისი სიმართლე განამტკიცებს მას.

¹⁷ჯავშანივით შეიმოსა სიმართლე და ხსნის მუზარადი დაირქვათავზე; ნაცვალგების სამოსელი ჩაიცვა და მოსასხამივით მოისხა შური.

¹⁸საქმეთაებრ მიუზღავს ყველას: მტრებს - რისხვას, მოძულეთ -საქმეთაებრ, ზღვისპირელებს, საქმეთაებრ მიუზღავს.

¹⁹შეუშინდებიან დასავლეთში უფლის სახელს და მზისაღმოსავლეთში - მის დიდებას, რადგან ნიაღვარივით მოვა მტერი, უფლის ქარიგამორეკავს მათ.

²⁰მოუვა გამომსყიდველი სიონს და მათ, ვინც ცოდვასგანერიდნენ იაკობში, ამბობს უფალი.

²¹აჰა, ეს არის ჩემი აღთქმა მათთვის, ამბობს უფალი: ჩემისული, რომელიც შენზეა, და ჩემი სიტყვები, რომლებიც ჩავდევი შენს ბაგეებში,არ მოსცილდება შენს ბაგეებს, შენი ნაშიერის ბაგეებს, შენი ნაშიერისნაშიერის ბაგეებს, ამბობს უფალი ამიერიდან და უკუნისამდე.