Read ახალი ქართულით, Modern Georgian Bible, 1982 ესაია წინასწარმეტყველი 62 Bible Online

ესაია წინასწარმეტყველი 62 - ახალი ქართულით, Modern Georgian Bible, 1982 bible

ესაია წინასწარმეტყველი 62

¹სიონის გამო არ დავდუმდები და იერუსალიმის გამო არ დავმშვიდდები, ვიდრე ნათელივით არ გამოჩნდება მისი სიმართლე და ანთებული ლამპარივით მისი ხსნა.

²დაინახავენ ხალხები შენს სიმართლეს - და ყოველი მეფე შენს დიდებას; გიწოდებენ ახალ სახელს, რომელსაც უფლის ბაგეები გამოკვეთენ.

³იქნები მშვენების შარავანდად უფლის ხელში და სამეფოგვირგვინად შენი ღვთის მარჯვენაში.

⁴აღარ დაგიძახებენ მიტოვებულს და შენს ქვეყანას აღარდაერქმევა უკაცრიელი, რადგან გეწოდება ჩემი სასურველი და შენს ქვეყანას -დაპატრონებული, რადგან შენ ჰსურხარ უფალს და ქვეყანას პატრონი ეყოლება.

⁵როგორც ყმაწვილი ეპატრონება ქალწულს, ასე დაგეპატრონებიანშენი შვილები; როგორც ხარობს სიძე დედოფლით, ასე გაიხარებს შენით შენიღმერთი.

⁶შენს გალავანზე, იერუსალიმო, დავაყენე ყარაულები;არასოდეს დადუმდებიან, არც დღისით, არც ღამით. უფლის გამახსენებელნო, ნუდაიდუმებთ!

⁷ნუ მოასვენებთ მას, ვიდრე არ დაამყარებს იერუსალიმს და არგახდის მას სადიდებლად ქვეყანაზე.

⁸დაიფიცა უფალმა თავისი მარჯვენა და მკლავი თავისძლიერების. თუ მივცე კვლავ ხორბალი საზრდოდ შენს მტრებს და თუ შესვანუცხოთა შვილებმა შენი ღვინო, შენი ჭირნახული!

⁹რადგან მისი მომკალნი თავად შეჭამენ მას და იტყვიან უფლისქებას; მისი მკრეფელნი თავად შესვამენ ჩემი საწმიდარის ეზოებში.

¹⁰შედით, შედით, კარიბჭეებში, გაუმზადეთ სავალი ხალხს!მოასწორეთ, მოასწორეთ გზა, გაწმიდეთ ქვებისგან! დროშა აღუმართეთ ხალხებს.

¹¹აჰა, გამოუცხადა უფალმა ქვეყნის კიდეებს: უთხარით სიონისასულს: აჰა, მოდის შენი ხსნა. აჰა, მასთანვეა მისი საზღაური და მის წანაამისი გასამრჯელო!

¹²დაარქმევენ მას: წმიდა ერი, უფლის გამოსყიდული. შენ კიდაგერქმევა: მოძებნილი ქალაქი, მიუტოვებელი.