Read ახალი ქართულით, Modern Georgian Bible, 1982 ესაია წინასწარმეტყველი 66 Bible Online

ესაია წინასწარმეტყველი 66 - ახალი ქართულით, Modern Georgian Bible, 1982 bible

ესაია წინასწარმეტყველი 66

¹ასე ამბობს უფალი: ცა ტახტია ჩემი და ქვეყანა კვარცხლბეკი ჩემი. სად არის სახლი, რომელსაც მიშენებთ მე და სად არის ადგილი, ჩემი დასავანებელი?

²ჩემმა ხელმა შექმნა ეს ყველაფერი და ასე გაჩნდა ეს ყველაფერი, ამბობს უფალი. აი, ვის მივაპყრობ მზერას - გლახაკს და სულგამწარებულს, ჩემი სიტყვების მოშიშს.

³არის ხარის დამკვლელი და არის კაცის მკვლელი, ცხვრის შემწირველი და ძაღლის კისრის მომგრეხელი, ძღვენის აღმავლენი და ღორის სისხლის დამღვრელი, გუნდრუკის მკმეველი და კერპის მაკურთხეველი. როგორც თითოეულს თავისი გზა აქვს არჩეული და თითოეულის სული თავის სიბილწეში პოულობს ნეტარებას,

⁴მეც ავარჩევ მათთვის უბედურებებს და შიშისზარს მოვუვლენმათ, რადგან ვეძახდი და არავინ იყო პასუხის გამცემი, ვლაპარაკობდი დაარავის ესმოდა, სიავეს სჩადიოდნენ ჩემს თვალში და, რაც არ მომწონდა, იმასირჩევდნენ.

⁵ისმინეთ უფლის სიტყვა, მისი სიტყვის მოშიშნო: ამბობენთქვენი ძმები - თქვენი მოძულენი და ჩემი სახელისთვის თქვენი უარისმყოფელნი:გამოაჩინოს უფალმა თაეისი დიდება, რომ ვიხილოთო თქვენი სიხარული. მაგრამშერცხვებიან ისინი.

⁶აჰა, ხმა განგაშისა ქალაქიდან, ხმა სასახლიდან, ხმაუფლისა, თავისი მტრებისთვის საზღაურის მიმგებელისა.

⁷ვიდრე ასტკივდებოდა, დაბადა; ვიდრე კრუნჩხვადაემართებოდა, ვაჟი გააჩინა.

⁸ვის სმენია ასეთი ამბავი, ვის უნახავს ასეთი საქმე? თუშობილა მიწა ერთ დღეში, თუ დაბადებულა ხალხი ერთბაშად, როგორც ასტკივდასიონს და დაბადა თავისი ვაჟები?

⁹მე ვარ გამღები საშოსი და როგორ არ ვაშობიებ? ამბობსუფალი. როგორ ჩავკეტავ, როცა მე ვარ მამშობიარებელი? ამბობს შენი ღმერთი.

¹⁰იმხიარულეთ იერუსალიმთან ერთად და ყველამ გაიხარეთ მისით,მისმა მოყვარულებმა! ლხენით ილხინეთ მასთან ერთად, ყველამ, ვინც მოთქვამდამასზე!

¹¹რათა მოსწოვოთ და გაძღეთ მისი მანუგეშებელი ძუძუებით;რათა მოსწოვოთ და დატკბეთ მისი დიდების სიუხვით.

¹²რადგან ასე ამბობს უფალი: აჰა, მოვაფენ მასზე მშვიდობას,მდინარესავით და ხალხთა დოვლათს მოვარდნილი ნიაღვარივით. გამოიზრდებით,მკლავზე იქნებით აყვანილი და მუხლებზე ნასათუთები.

¹³როგორც დედა ანუგეშებს კაცს, ისე განუგეშებთ მეც და იერუსალიმში იქნებით ნუგეშცემულნი.

¹⁴დაინახავთ და გაიხარებს თქვენი გული, ჯეჯილივით აყვავდებათქვენი ძვლები და უფლის ხელი გამოეცხადება მის მორჩილთ, რისხვა კი - მისმტრებს.

¹⁵რადგან, აჰა, ცეცხლში მოდის უფალი და ქარიშხალივითაა მისიეტლი, რომ გიზგიზში მოაქციოს თავისი რისხვა და ცეცხლის ალში - თავისიბრაზი.

¹⁶რადგან ცეცხლით განსჯის უფალი და თავისი მახვილით ყოველხორციელს, და ბევრნი იქნებიან უფლის დახოცილნი.

¹⁷ისინი, ვინც იწმიდებიან და სუფთავდებიან საკერპო ჭალებშიშესასვლელად, სადაც ერთმანეთის გვერდით მდგარნი ჭამენ ღორის ხორცს,უსურმაგს და თაგვებს, ერთიანად დაიღუპებიან, ამბობს უფალი.

¹⁸რადგან მე ვუწყი მათი საქმენი და ზრახვანი. მოდის ჟამიყველა ხალხისა და ენათა შეკრებისა; მოვლენ და იხილავენ ჩემს დიდებას.

¹⁹დავადებ მათ ნიშანს და მათ ნატამალს გავგზავნი ხალხებთან:თარშიშში, ფულში, ლუდში, მშვიდლოსნებთან, თუხალში, იავანში, შორეულკუნძულებზე, სადაც არ სმენიათ ჩემი ამბავი და არ უხილავთ ჩემი დიდება.ისინი გაუცხადებენ ხალხებს ჩემს დიდებას.

²⁰წამოიყვანენ შენს ძმებს ყოველი ხალხიდან ძღვნადუფლისათვის ცხენებით და ეტლებით, ტახტრევნებით, ჯორებით და აქლემებით ჩემსწმიდა მთაზე, იერუსალიმში, ამბობს უფალი, როგორც ისრაელიანებს მიაქვთძღვენი სუფთა ჭურჭლებით საუფლო სახლში.

²¹მათგანაც ავიყვან მღვდლებად და ლევიანებად, ამბობს უფალი.

²²რადგან როგორც ახალი ცა და ახალი მიწა, რომელთაც შევქმნი,წარდგებიან ჩემს წინაშე, ამბობს უფალი, ასევე წარდგება თქვენი თესლი დათქვენი სახელი.

²³მაშინ იქნება, რომ ახალი მთვარიდან ახალ მთარემდე,შაბათიდან შაბათამდე, მოვა ყოველი ხორციელი ჩემს წინაშე სათაყვანოდ, ამბობსუფალი.

²⁴გამოვლენ და იხილავენ ჩემი შემცოდე ხალხის გვამებს,რადგან მათი მატლი არ მოკვდება და მათი ცეცხლი არ ჩაქრება. და შესაზიზღიიქნებიან ყოველი ხორციელისთვის.