Read ახალი ქართულით, Modern Georgian Bible, 1982 ლევიანნი 23 Bible Online

ლევიანნი 23 - ახალი ქართულით, Modern Georgian Bible, 1982 bible

ლევიანნი 23

²ელაპარაკე ისრაელიანებს და უთხარი: აჰა, საუფლოდღესასწაულები, როდესაც უნდა გამოაცხადო ისინი - წმიდა შეკრებულობანი. აჰა,ჩემი დღესასწაულები.

³ექვსი დღე აკეთეთ საქმე; მეშვიდე დღეს კი განსვენებისშაბათია, წმიდა შეკრებულობა. არაფერი საქმე არ აკეთოთ. ეს იყოს უფლისშაბათი მთელს თქვენს სცხოვრებლებში.

⁴აჰა, საუფლო დღესასწაულები, წმიდა შეკრებულობანი,რომლებიც უნდა გამოაცხადოთ თავ-თავის დროზე:

⁵პირველ თვეს, თვის მეთოთხმეტე დღეს საღამოხანს უფლისპასექია.

⁶ამავე თვის მეთხუთმეტე დღეს საუფლო ხმიადობისდღესასწაულია. შვიდ დღეს უფუარი კვერები ჭამეთ.

⁷პირველ დღეს წმიდა შეკრებულობა გქონდეთ. არაფერი საქმე არაკეთოთ.

⁸შესწირეთ საცეცხლო მსხვერპლი უფალს შვიდი დღისგანმავლობაში. მეშვიდე დღეს წმიდა შეკრებულობაა. არაფერი საქმე არ აკეთოთ.

⁹ელაპარაკა უფალი მოსეს და უთხრა:

¹⁰ელაპარაკე ისრაელიანებს და უთხარი: როდესაც შეხვალთ იმქვეყანაში, რომელსაც გაძლევთ, და სამკალს მკას დაუწყებთ, პირველმომკილი ძნამღვდელს მიუტანეთ.

¹¹შეარხევს მას მღვდელი უფლის წინაშე თქვენსდასამწყალობნებლად.

¹²მოამზადეთ ძნის შერხევის დღეს წელგამოვლილი საღი ცხვარიუფლისთვის აღსავლენად.

¹³სამაგისო საძღვნო - ეფის მეათედი გამტკიცული ფქვილი,ზეთში აზელილი საცეცხლო მსხვერპლად უფლისათვის, კეთილსურნელებად, დასამაგისო ზედაშე მეოთხედი ჰინი ღვინო.

¹⁴არც პური, არც ქუმელი, არც ბურღული არ ჭამოთ ამ დღემდე,ვიდრე უფალს შესაწირავს არ მიართმევთ. ეს გქონდეთ სამარადისო წესადთაობიდან თაობაში, ყველგან, სადაც კი იცხოვრებთ.

¹⁵გადაითვალეთ შაბათის მეორე დღიდან, იმ დღიდან, როცაშესარხევი ძნა მიიტანეთ, შვიდი სრული შაბათი.

¹⁶მეშვიდე შაბათის მეორე დღემდე, გადაითვალეთ ორმოცდაათიდღე და შესწირეთ ახალი საძღვნო უფალს.

¹⁷თქვენ-თქვენი საცხოვრებლებიდან მიიტანეთ შესარხეველიპური. ორი მეათედი ეფა გამტკიცული ფქვილისგან უნდა იყოს; საფუარიანი უნდაგამოცხვეს - პირველმოწეულ ნაყოფად უფლისათვის.

¹⁸მიაყოლეთ პურს შვიდი წელგამოვლილი საღი ცხვარი, ერთი ხბოდა ორი ვერძი. ესენი იქნება აღსავლენი უფლისათვის, საძღვნო და ზედაშე -საცეცხლო მსხვერპლად, კეთილსურნელებად უფლისათვის.

¹⁹გაამზადეთ ერთი თხა ცოდვის გამოსასყიდად და ორიწელგამოვლილი ცხვარი სამადლობელ მსხვერპლად.

²⁰შეარხევს მათ მღვდელი უფლის წინაშე პირველმოწეულ პურთანდა ორ ცხვართან ერთად. ეს იყოს საუფლო საწმიდარი მღვდლისათვის.

²¹გამოაცხადეთ, რომ სწორედ ამ დღეს გექნებათ წმიდაშეკრებულობა. არაფერი საქმე არ აკეთოთ. ეს გქონდეთ სამარადისო წესადთაობიდან თაობაში, ყველგან თქვენს საცხოვრებლებში.

²²როცა სამკალი გექნებათ თქვენს მიწაზე, ერთიანად ნუ მომკიშენს ყანას მკის დროს, სამკალში დაცვენილს ნუ აკრეფ, ღარიბ-ღატაკს დამდგმურს დაუტოვე. მე ვარ უფალი, თქვენი ღმერთი.

²³ელაპარაკა უფალი მოსეს და უთხრა:

²⁴უთხარი ისრაელიანებს: მეშვიდე თვეს, თვის პირველ დღესუქმე გქონდეს - გახსენება ბუკისცემისა, წმიდა შეკრებულობა.

²⁵არაფერი საქმე არ აკეთოთ და საცეცხლო მსხვერპლი შესწირეთუფალს.

²⁶ელაპარაკა უფალი მოსეს და უთხრა:

²⁷ამავე მეშვიდე თვის მეათე დღეს შენდობის დღეა, წმიდაშეკრებულობა გქონდეთ. დაიმდაბლეთ თავი და საცეცხლო მსხვერპლი შესწირეთუფალს.

²⁸არაფერი საქმე არ აკეთოთ ამ დღეს, რადგან შენდობის დღეაიგი, რათა მიგეტევოთ უფლის, თქვენი ღვთის წინაშე.

²⁹ვინც ამ დღეს თავს არ დაიმდაბლებს, მოიკვეთება თავისიხალხიდან.

³⁰ვინც ამ დღეს რაიმე საქმეს გააკეთებს, გადავაშენებ მასთავისი ხალხიდან.

³¹არაფერი საქმე არ აკეთოთ. ეს გქონდეთ სამარადისო წესადთაობიდან თაობაში, ყველგან თქვენს საცხოვრებლებში.

³²უქმის შაბათია ეს თქვენთვის და დაიმდაბლეთ თავი. თვისმეცხრე დღეს საღამოდან საღამომდე იუქმეთ, თქვენი შაბათი.

³³ელაპარაკა უფალი მოსეს და უთხრა:

³⁴ელაპარაკე ისრაელიანებს და უთხარი: ამ მეშვიდე თვისმეთხუთმეტე დღიდან კარვობის დღესასწაულია შვიდი საუფლო დღე.

³⁵პირველ დღეს წმიდა შეკრებულობაა. არაფერი საქმე არაკეთოთ.

³⁶შვიდი დღის მანძილზე შესწირავდეთ საცეცხლო მსხვერპლსუფალს; მერვე დღეს წმიდა შეკრებულობა გქონდეთ. საცეცხლო მსხვერპლი შესწირეთუფალს. ეს სადღესასწაულო შეკრებულობაა. არაფერი საქმე არ აკეთოთ.

³⁷აჰა, საუფლო დღესასწაულები, რომლებიც უნდა გამოაცხადოთთქვენ - წმიდა შეკრებულობანი, რომ შესწიროთ საცეცხლო მსხვერპლი უფალს -აღსავლენი, საძღვნო საკლავი და ზედაშე დაწესებულ დღეებში,

³⁸გარდა საუფლო შაბათებისა, გარდა თქვენი ძღვენისა, გარდაშეთქმული შესაწირავისა და გარდა სამოწყალო მისატანისა, რომელიც უფალთანმიგაქვთ ხოლმე.

³⁹მეშვიდე თვის მეთხუთმეტე დღეს, მიწის მოსავლის აღებისას,შვიდ დღეს - იდღესასწაულეთ საუფლო დღესასწაული. პირველ დღეს - უქმე დამეშვიდე დღეს - უქმე.

⁴⁰აიღეთ პირველ დღეს ჰადარის ხის ნაყოფი, ფინიკის მტევნები,ძეწნისა და ტირიფის რტოები და იმხიარულეთ უფლის, თქვენი ღვთის წინაშე შვიდდღეს.

⁴¹იდღესასწაულეთ იგი - საუფლო დღესასწაული შვიდ დღესწელიწადში. სამარადისო წესად გქონდეთ თაობიდან თაობაში. მეშვიდე თვეშიიდღესასწაულეთ იგი.

⁴²კარვებში იცხოვრეთ შვიდ დღეს. ისრაელის ყოველმა მკვიდრმაკარვებში იცხოვროს;

⁴³იმისათვის, რომ იცოდნენ თქვენმა შთამომავლებმა, რომკარვებში დავასახელე ისრაელიანები, როცა ეგვიპტის ქვეყნიდან გამოვიყვანე.მე ვარ უფალი, თქვენი ღმერთი.

⁴⁴გამოუცხადა მოსემ საუფლო დღესასწაულები ისრაელიანებს.