Read ახალი ქართულით, Modern Georgian Bible, 1982 ლევიანნი 24 Bible Online

ლევიანნი 24 - ახალი ქართულით, Modern Georgian Bible, 1982 bible

ლევიანნი 24

¹ელაპარაკა უფალი მოსეს და უთხრა:

²უბრძანე ისრაელიანებს, მოგიტანონ ზეთისხილის სუფთა ზეთი,დაწურული, გასანათებლად, რომ მუდმივად ენთოს ლამპარი.

³მოწმობის კრეტსაბმელის გარეთ სადღესასწაულო კარავშიდადგას იგი აარონმა, რომ მუდმივად იყოს უფლის წინაშე დილიდან საღამომდე.სამარადისო წესად გქონდეთ თაობიდან თაობაში.

⁴სუფთა სასანთლეზე უნდა ჰქონდეს მუდმივად დადგმულილამპრები უფლის წინაშე.

⁵აიღე გამტკიცული ფქვილი და გამოაცხვე თორმეტი პური;მეათედი ეფა უნდა იყოს თითოეული პური.

⁶ორ რიგად დააწყვე ისინი, თითოეულ რიგში ექვსი, სუფთატაბლაზე უფლის წინაშე.

⁷დადევი თითო რიგში გასუფთავებული საკმეველი და იყოსპურად, სამახსოვროდ, უფლის საცეცხლო მსხვერპლად.

⁸შაბათობით უნდა ჰქონდეთ დაწყობილი მუდმივად უფლის წინაშე.ეს არის სამარადისო აღთქმა ისრაელიანთაგან.

⁹აარონისთვის და მისი შვილებისთვის უნდა იყოს. ჭამონ იგიწმიდა ადგილას, რადგან წმიდათა წმიდაა იგი მათთვის უფლის საცეცხლომსხვერპლიდან. ეს არის სამარადისო წესი.

¹⁰მოვიდა ისრაელიანთა შორის ისრაელიანი დედაკაცის დაეგვიპტელი კაცის შვილი და წაეკიდნენ ბანაკში ისრაელიანი დედაკაცის შვილი დაისრაელიანები.

¹¹აგინებდა ისრაელიანი დედაკაცის შვილი უფლის სახელს დაილანძღებოდა. მიუყვანეს იგი მოსეს (დედა მისი იყო შელომითი, დიშრის ასული,დანის ტომიდან).

¹²და ჰყავდათ საპყრობილეში, ვიდრე უფლის განაჩენსგაიგებდნენ.

¹³ელაპარაკა უფალი მოსეს და უთხრა:

¹⁴გაიყვანეთ მაგინებელი ბანაკის გარეთ და ყველამ ვინცგაიგონა, დაადოს ხელი თავზე და ქვით ჩაქოლოს მთელმა საზოგადოებამ.

¹⁵ისრაელიანებს კი ასე უთხარი: ყველა, ვინც თავის ღმერთსლანძღავს, ცოდვას იდებს.

¹⁶უფლის სახელის მაგინებელი უნდა მოკვდეს, ქვებით უნდაჩაქოლოს მთელმა საზოგადოებამ, მდგმური იქნება თუ მკვიდრი, უფლის სახელისშეგინებისათვის უნდა მოკვდეს.

¹⁷ადამიანის მკვლელი უნდა მოკვდეს.

¹⁸პირუტყვის მკვლელმა სული სულის წილ უნდა ზღოს.

¹⁹ვინც რამე ზიანს მიაყენებს თავის თვისტომს, მასაც ისევეუნდა მოექცნენ, როგორც თავად მოიქცა.

²⁰მოტეხილობა მოტეხილობის წილ, თვალი თვალის წილ, კბილიკბილის წილ. რა ზიანიც მიაყენა ადამიანს, მასაც იგივე ზიანი უნდა მიაყენონ.

²¹პირუტყვის მკვლელმა უნდა ზღოს იგი; ადამიანის მკვლელიუნდა მოკვდეს.

²²ერთი სამართალი უნდა გქონდეთ მდგმურისთვის დამკვიდრისთვის. რადგან მე ვარ უფალი, თქვენი ღმერთი.

²³გამოუცხადა მოსემ ისრაელიანებს და გაიყვანეს მაგინებელიბანაკის გარეთ და ჩაქოლეს იგი ისრაელიანებმა, როგორც უბრძანა უფალმა მოსეს.