Read ახალი ქართულით, Modern Georgian Bible, 1982 იერემია წინასწარმეტყველი 11 Bible Online

იერემია წინასწარმეტყველი 11 - ახალი ქართულით, Modern Georgian Bible, 1982 bible

იერემია წინასწარმეტყველი 11

¹სიტყვა, რომელიც იყო იერემიას მიმართ უფლისგან ნათქვამი:

²ისმინე ამ აღთქმის სიტყვები და გამოუცხადე იუდას ხალხს დაიერუსალიმს.

³უთხარი მათ, ასე ამბობს უფალი, ისრაელის ღმერთი: წყეულიიყოს კაცი, ვინც არ გაიგონებს ამ აღთქმის სიტყვებს,

⁴რომელიც მივეცი თქვენს მამა-პაპას, როცა ეგვიპტისქვეყნიდან გამოვიყვანე, რკინის ქურიდან, და ვუთხარი: გაიგონეთ ჩემი ხმა დაყველაფერი შეასრულეთ, რასაც გიბრძანებთ, მაშინ იქნებით ჩემი ერი და მეთქვენი ღმერთი ვიქნები.

⁵რათა შესრულდეს ფიცი, რომელიც დავუდევი თქვენსმამა-პაპას, რომ მივცემდი მათ ქვეყანას, რძითა და თაფლით მდინარს, როგორცდღეს არის.

⁶მითხრა უფალმა: გამოაცხადე ეს სიტყვები იუდას ქალაქებშიდა იერუსალიმის ქუჩებში, უთხარი: გაიგონეთ ამ აღთქმის სიტყვები დაშეასრულეთ ისინი.

⁷რადგან ვაფრთხილებდი თქვენს მამა-პაპას, როცა გამომყავდაისინი ეგვიპტის ქვეყნიდან, და დღემდეც განუწყვეტლივ გაფრთხილებთ: გაიგონეთჩემი ხმა!

⁸მაგრამ არ გაიგონეს, ყური არ მომაპყრეს, ყველა თავისბოროტ გულისთქმას აჰყვა, და მეც მოვაწიე მათზე სიტყვები ამ აღთქმისა,რომლის შესრულება ვუბრძანე მათ და არ შეასრულეს.

⁹მითხრა უფალმა: შეთქმულნი არიან იუდაელნი და იერუსალიმისმკვიდრნი.

¹⁰კვლავ მიუბრუნდნენ უკეთურებებს მათი მამა-პაპისა, რომელთაც არ სურდათ ჩემი სიტყვების გაგონება; წაჰყვნენ სხვა ღმერთებს თაყვანისსაცემად. დაარღვიეს ისრაელის სახლმა და იუდას სახლმა ჩემი აღთქმა, რომელიც მივეცი მათ მამა-პაპას.

¹¹ამიტომ ასე ამბობს უფალი: აჰა, დავატეხ მათ გასაჭირს,რომელსაც თავს ვერ დააღწევენ; შემომღაღადებენ, მაგრამ არ მოვუსმენ.

¹²წავლენ იუდას ქალაქები და იერუსალიმის მკვიდრნი და შეჰღაღადებენ ღმერთს, რომელთაც უკმევენ, მაგრამ ისინი ვერ იხსნიან მათ გასაჭირის ჟამს.

¹³რადგან რამდენი ქალაქიც გაქვს, იმდენი ღმერთი გყავს, იუდავ! რამდენი ქუჩაც არის იერუსალიმში, იმდენი სამარცხვინო სამსხვერპლო გაქვს აღმართული, ბაალის შესაბოლებელი სამსხვერპლო.

¹⁴ნუ ილოცავ ამ ხალხისთვის, ნუ აღავლენ მათთვისლოცვა-ვედრებას, რადგან არ გავიგონებ მათ ღაღადისს ჩემდამი, როცა გასაჭირშიიქნებიან.

¹⁵რა უნდა ჩემს სატრფოს ჩემს სახლში, როცა ამდენი უკეთურებააქვს ჩადენილი? განა უბედურებას აგაშორებს სამსხვერპლო ხორცი, ბოროტებასრომ სჩადიხარ და ხარობ?

¹⁶ამწვანებული, მშვენიერი, ნაყოფსავსე ზეთისხილი გიწოდასახელად უფალმა, მაგრამ დიდი გრგვინვის ხმაზე ცეცხლი წაეკიდა და გაუფუჭდარტოები.

¹⁷ცაბაოთ უფალმა, შენმა დამნერგავმა, უბედურებაგიწინასწარმეტყველა ისრაელის სახლის და იუდას სახლის ბოროტების წილ,რომელსაც სჩადიოდნენ ჩემს გასაჯავრებლად, როცა ბაალს უკმევდნენ.

¹⁸უფალმა მაცოდინა და ვიცი, მაშინ დამანახვა მათი საქმეები.

¹⁹უბიწო კრავივით მივყავდი დასაკლავად, მე კი არ ვიცოდი,რას მიპირებდნენ: მოვსპოთ ხე, ვიდრე ნედლიაო, ამოვძირკვოთ ცოცხალთაქვეყნიდან, რომ აღარ იხსენიებოდესო მისი სახელი.

²⁰ცაბაოთ უფალო, მართალო მსაჯულო, გულთამხილავო, მომასწარიშენს შურისძიებას მათზე, რადგან ჩემი საქმე შენთვის მომინდვია.

²¹ამიტომ ასე ამბობს უფალი ყანათოთის ხალხზე, მოკვლას რომგიპირებს და გეუბნება: ნუ ქადაგობ უფლის სახელით, თორემ ჩვენი ხელითმოკვდებიო.

²²ამიტომ ასე ამბობს ცაბაოთ უფალი: ჰა, დავსჯი მათ,ჭაბუკები მახვილით გაწყდებიან, მათი ვაჟები და ასულები შიმშილითდაიხოცებიან.

²³არავინ დარჩება მათგან, რადგან უბედურებას მოვუტანყანათოთის ხალხს, როცა მათი განკითხვის წელიწადი დადგება.