Read ახალი ქართულით, Modern Georgian Bible, 1982 იერემია წინასწარმეტყველი 19 Bible Online

იერემია წინასწარმეტყველი 19 - ახალი ქართულით, Modern Georgian Bible, 1982 bible

იერემია წინასწარმეტყველი 19

¹ასე ამბობს უფალი: წადი, იყიდე მეთუნისგან თიხის დოქი, წაიყვანე ხალხის უხუცესნი და მღვდლების უხუცესნი.

²გადი ბენ-ჰინომის ველზე მეთუნეთა კარიბჭიდან დაგამოაცხადე იქ სიტყვები, რომელთაც გეტყვი.

³თქვი: გაიგონეთ უფლის სიტყვა, იუდას მეფენო დაიერუსალიმის მკვიდრნო: ასე თქვა ცაბაოთ უფალმა, ისრაელის ღმერთმა: აჰა,მომაქვს ამ ადგილისთვის უბედურება, რომლის გამგონეს ყველას ყურებიაუზრიალდება.

⁴ეს იმის გულისთვის, რომ დამივიწყეს და გააუცხოვეს ესადგილი; უკმევენ აქ უცხო ღმერთებს, რომელთაც არც თვითონ და არც მათიმამა-პაპანი - იუდას მეფეები იცნობდნენ. აავსეს უბრალოთა სისხლით ესადგილი.

⁵აღმართეს ბაალის საკერპოები, რათა ცეცხლში დაუწვანთავიანთი შვილები ბაალს აღსავლენ მსხვერპლად, რაც არ მიბრძანებია მათთვის,არც მითქვამს, ფიქრადაც არ მომსვლია.

⁶ამიტომ, აჰა, ახლოვდება ჟამი, ამბობს უფალი, და აღარერქმევა ამ ადგილს თოფეთი და ბენ-ჰინომის ველი, არამედ სასაკლაო ველი.

⁷ჩავშლი იუდას და იერუსალიმის თათბირს ამ ადგილას, დავცემმათ მახვილით მტრების თვალწინ, მათი ხელით, ვინც მოსაკლავად დასდევს მათ.გადავუყრი მათ გვამებს შესაჭმელად ცის ფრინველებს და ველის მხეცებს.

⁸საფრთხობელად და სასტვენელად ვაქცევ ამ ქალაქს. ყოველიჩამვლელი შეძრწუნდება და სტვენას მოჰყვება მისი ჭრილობების შემხედვარე.

⁹საკუთარი ვაჟებისა და ასულების ხორცს შევაჭმევ მათ;ერთმანეთის ხორცს დაუწყებენ ჭამას ალყაში და გაჭირვებაში, როცა მტრები დამათი მესისხლენი შეაჭირვებენ მათ.

¹⁰გატეხე დოქი იმ ხალხის თვალწინ, თან რომ წამოგყვნენ.

¹¹უთხარი მათ: ასე თქვა ცაბაოთ უფალმა: ასე გავტეხავ ამხალხს და ამ ქალაქს, როგორც ტეხს კაცი მეთუნის ჭურჭელს, რომელიც აღარგამრთელდება. თოფეთში დაუწყებენ დამარხვას, დასამარხავი ადგილი რომ აღარექნება.

¹²ასე მოვექცევი ამ ადგილს, ამბობს უფალი, და მის მცხოვრებლებს; თოფეთს დავამსგავსებ ამ ქალაქს.

¹³იერუსალიმის სახლები და იუდას მეფეთა სახლები თოფეთისადგილივით გაუწმიდურდება; ასევე ყველა სახლი, რომლის ბანზეც ცისვარსკვლავებს უკმევენ და უცხო ღმერთებს უღვრიან საღვრელს.

¹⁴წამოვიდა იერემია თოფეთიდან, სადაც გაგზავნა იგი უფალმასაქადაგებლად, და გაჩერდა უფლის სახლის ეზოში და გამოუცხადა მთელს ხალხს:

¹⁵ასე ამბობს ცაბაოთ უფალი, ისრაელის ღმერთი: აჰა, მომაქვსამ ქალაქისთვის და მისი დაბებისთვის უბედურება, რაც ნათქვამი მაქვს მათზე,რადგან გაჯიუტდნენ და არ გაიგონეს ჩემი სიტყვა.