Read ახალი ქართულით, Modern Georgian Bible, 1982 იერემია წინასწარმეტყველი 2 Bible Online

იერემია წინასწარმეტყველი 2 - ახალი ქართულით, Modern Georgian Bible, 1982 bible

იერემია წინასწარმეტყველი 2

¹იყო უფლის სიტყვა ჩემს მომართ ნათქვამი:

²წადი და ყურში ჩასძახე იერუსალიმს: ასე ამბობს-თქო უფალი:მე მახსოვს შენი ყმაწვილური ერთგულება და პატარძლური სიყვარული, როცამომყვებოდი უდაბნოში, უხნავ-უთეს მიწაზე.

³უფლის სიწმიდეა ისრაელი, მისი მოსავლის ნათავარი; ყოველიმისი მჭამელი დადანაშაულდება, უბედურება დაატყდება თავს, ამბობს უფალი,

⁴ისმინე უფლის სიტყვა, იაკობის სახლო, და ისრაელის სახლისყოველო საგვარეულოვ!

⁵ასე ამბობს უფალი: რა ნახა ჩემში ცუდი თქვენმამამა-პაპამ, რომ განმიდგა, ამაოებას რომ აჰყვა და თავადაც ამაოებაშიჩაეფლო?

⁶რომ არც უკითხავს, სად არისო უფალი, რომელმაც ამოგვიყვანაეგვიპტის ქვეყნიდან გვატარა უდაბნოში, შიშველ და დახრამულ მიწაზე, უწყლო დაპირქუშ ქვეყანაში, სადაც კაციშვილი არ გაჭაჭანებულა, სადაც ადამიანს არუცხოვრია?

⁷მოგიყვანეთ აყვავებულ მიწაზე, რომ მისი ნაყოფი და დოვლათიგეჭამათ. მოხვედით და შებღალეთ ჩემი მიწა, და ჩამი სამკვიდრო სიბილწედაქციეთ.

⁸არ უთქვამთ მღვდლებს: სად არისო უფალი? რჯულის კაცებმა არმიცნეს, მწყემსები განმიდგნენ, წინასწარმეტყველნი ბაალის სახელითგაქადაგდნენ და უსარგებლო კერპებს აეკიდნენ.

⁹ამიტომაც კიდევ მექნება თქვენთან დავა, ამბობს უფალი;თქვენს შვილთა შვილებთანაც ვიდავებ.

¹⁰რადგან, აბა, წადით ქითიელთა კუნძულებზე და ნახეთ, გააგზავნეთ კედარში და კარგად გამოიკვლიეთ, ნახეთ, თუ სადმე მომხდარა ამგვარი რამე.

¹¹თუ შეუცვლია რომელიმე ხალხს თავისი ღმერთები, თუმცა არ ყოფილან, ისინი ღმერთები? ჩემმა ერმა კი უსარგებლო კერპებზე გადაცვალა თავისი დიდება!

¹²შეძრწუნდი ამის გამო, ცაო, შეშფოთდი და გამოშრი, ამბობს უფალი.

¹³რადგან ორი დანაშაული ჩაიდინა ჩემმა ერმა: მიმატოვეს მე,ცოცხალი წყაროსთვალი და ამოკვეთეს თავისთვის ჭები, დანგრეული ჭები, წყალსრომ ვერ იკავებენ.

¹⁴მონაა ისრაელი თუ სახლისშვილი? აბა, რატომ იქცა ნადავლად?

¹⁵თავს დაღრიალებდნენ ლომები, ხმამაღლა ბდღვინავდნენ,უდაბნოდ უქციეს ქვეყანა; გადამწვარია მისი ქალაქები, გაუკარციელებული.

¹⁶თვით ნოფელებმა და თახფანესელებმაც კი ჩაგიმტვრიეს თავისქალა.

¹⁷იმის გამო ხომ არ მოიწიე ეს, რომ მიატოვე უფალი, შენიღმერთი, როცა გზად მიჰყავდი?

¹⁸ახლა რად დასდგომიხარ ეგვიპტის გზას? - ნილოსის წყლისდასალევად? რად დასდგომიხარ აშურის გზას? - ევფრატის წყლის დასალევად?

¹⁹ჭკუაზე მოგიყვანს შენი დანაშაული და შენი განდგომილებაგამხილებს შენ. იფიქრე და იცოდე, რა მძიმეა და მწარე უფლის, შენი ღვთის,მიტოვება. აღარა გაქვს ჩემი შიში, ამბობს უფალი, ცაბაოთ ღმერთი.

²⁰როცა დიდიხნის წინათ დავლეწე შენი უღელი, დავწყვიტე შენიაპეურები, შენ თქვი: აღარ გემორჩილებითო. რადგან ყოველ მაღალ გორაკზე დაყოველი ხემხვივანის ქვეშ წვებოდი მეძავივით.

²¹მე დაგრგე რჩეულ ვენახად, ჭეშმარიტ თესლად დაგთესე. როგორ გადაჯიშდი და უცხო ვაზად როგორ შემეცვალე!

²²ნაცარტუტითაც რომ იხეხო, რამდენი საპონიც არ უნდა იხმარო,შენი შეცოდება მაინც ლაქად და რჩება ჩემს წინაშე, ამბობს უფალი ღმერთი.

²³როგორ ამბობ: არ წამიბილწავს თავი, ბაალებს არავკიდებივარო? გაიხსენე შენი საქციელი ველზე, დაფიქრდი, რა გააკეთე,გარეულო დედალო აქლემო, აქეთ-იქით რომ დაჭენაობ?

²⁴ვინ დააკავებს უდაბნოზე შეჩვეულ კანჯარს, როცასუნთქვაშეკრული გარბის? ნუ დაშვრებიან მისი მძებნელნი; ერთ თვეშიც ვერმიაგნებენ.

²⁵დაინდე შიშველი ფეხები და წყურვილისგან გამომშრალი ყელი!შენ კი ამბობ: არა, ამაოა! რადგან უცხოები მიყვარს და მათ ავეკიდებიო!

²⁶როგორც ქურდს შერცხვება ხოლმე, როცა წაასწრებენ, ასეშეირცხვინა თავი ისრაელის სახლმა, მისმა მეფეებმა, მთავრებმა, მღვდლებმა,წინასწარმეტყველებმა,

²⁷ხეს რომ ეუბნებიან: მამა ხარო ჩემი, და ქვას: შენ მშობეო,რადგან ზურგი მომაქციეს მათ და არა სახე. გასაჭირში კი ამბობენ: ადექი დაგვიხსენიო.

²⁸სად არიან შენი ღმერთები, რომლებიც შენთვის გაიკეთე?ადგნენ, თუკი შეუძლიათ შენი ხსნა გასაჭირში. რადგან რამდენი ქალაქიც გაქვს,იმდენი ღმერთი გყავს შენ, იუდა!

²⁹რიღასთვის მედავებით? ხომ ყველანი განმიდექით მე, ამბობსუფალი.

³⁰ამაოდ მიცემია თქვენი შვილები: ჭკუა ვერ ისწავლეს.თქვენმა მახვილმა შეჭამა თქვენი წინასწარმეტყველნი, როგორცგამანადგურებელმა ლომმა.

³¹ეჰა, მოდგმავ! შეიგონე უფლის სიტყვა! განა უდაბნო ვიყავი ისრაელისთვის ან ბნელეთი? რატომ ამბობს ჩემი ერი: თავისუფალნი ვართ, შენთან აღარ მოვალთო?

³²როდის ყოფილა, ქალწულს თვისი სამკაული დაევიწყებინოს ანპატარძალს - თვისი მორთულობანი? ჩემმა ერმა კი რა ხანია, დამივიწყა მე.

³³როგორ გაგიმზადებია შენი გზა სიყვარულის საძებრად?ბოროტებანიც კი შეაჩვიე შენს გზებს!

³⁴შენი კაბის კალთებს ამჩნევია უდანაშაულო ბეჩავთა სისხლი.ხომ არ წაგისწრია მათთვის სახლის გამოთხრისას?

³⁵და მაინც ამბობ: უბრალო ვარ, ამცდება მისი რისხვაო.მაგრამ, აჰა, გაგიმართავ დავას, რაკი ამბობ, არ შემიცოდავსო.

³⁶რამდენს დაეხეტები და იცვლი გზებს! ეგვიპტისგანაც ისევეშერცხვები, როგორც აშურისგან შერცხვი.

³⁷მისგანაც გახვალ თავში ხელისცემით, რადგან გაგიცრუებსუფალი იმედებს და ვერაფერს გამორჩები მათ.