Read ახალი ქართულით, Modern Georgian Bible, 1982 იერემია წინასწარმეტყველი 3 Bible Online

იერემია წინასწარმეტყველი 3 - ახალი ქართულით, Modern Georgian Bible, 1982 bible

იერემია წინასწარმეტყველი 3

¹ნათქვამია: თუ ქმარი თავის ცოლს გაუშვებს, ისიც წავა მისგან და სხვა კაცს გაჰყვება, განა უკან დაიბრუნებს ქმარი? ხომ წაიბილწება ეს ქვეყანა? შენ ბოზობდი ბევრ საყვარელთან, მაგრამ დამიბრუნდიო, გეუბნება უფალი.

²აბა, აჰხედე გორაკებს და მონახე ადგილი, სადაც არგაუპატიურებულხარ. გზის პირას ეჯექი, მათ, როგორც არაბი უდაბნოში, დაბილწავდი მიწას შენი ბოზობით და სიბოროტით.

³შეკავდა წვიმები და გაზაფხულის წვიმაც არ მოსულა. მეძავისშუბლი გქონდა, არ გახსოვდა სირცხვილი.

⁴წეღან არ იყო, რომ მეძახდი: მამაჩემო, ჩემი სიყმაწვილისწინამძღვარი ხარო.

⁵განა სამუდამოდ იმრისხანებს, ბოლომდე ხომ არ ჩაიმარხავსო!აჰა, თქვი და ჩაიდინე ბოროტება, გაბედე.

⁶მითხრა უფალმა მეფე იოშიას დროს: ნახე, რა ჩაიდინაგანმდგარმა ისრაელმა? დადიოდა ყველა მაღალ გორაკზე და ყველა ხემხვივანისქვეშ და ბოზობდა იქ.

⁷მე ვთქვი მას შემდეგ, რაც ყოველივე ეს ჩაიდინა: ჩემკენმოიქეცი-მეთქი! მაგრამ არ მოქცეულა. ხედავდა ამას მისი მოღალატე დაჲ იუდა.

⁸დაინახა, რომ გარყვნილების გამო გავუშვი განმდგარიისრაელი და მივეცი გაყრის წიგნი, მაგრამ არ შეშინებია მოღალატე იუდას, მისდას, და ისიც საბოზაოდ წავიდა.

⁹მოხდა ისე, რომ თავისი საქვეყნო ბოზობით წაბილწა ქვეყანა.ბილწობდა ქვასთან და ხესთან.

¹⁰ყოველივე ამის შემდგაც არ მოქცეულა ჩემკენ წრფელი გულით მოღალატე დაჲ იუდა, არამედ მხოლოდ მოჩვენებით, ამბობს უფალი.

¹¹მითხრა უფალმა: განდგომილი ისრაელი უფრო წრფელი გამოდგა,ვიდრე მოღალატე იუდა.

¹²წადი და ჩრდილოეთით გასძახე ეს სიტყვები, ამცნე: მოიქეცი, განდგომილო ისრაელო, ამბობს უფალი. არ მოვაწევ თქვენზე რისხვას, რადგან მოწყალე ვარ, ამბობს უფალი, არ ვიმრისხანებ სამუდამოდ.

¹³ოღონდ აღიარე დანაშაული, რომ შესცოდე უფალს, შენს ღმერთს,და გზებს მიიკვლევდი უცხო თესლისკენ ყოველი ხემხვივანის ქვეშ, და არგაიგონეთ ჩემი ხმა, ამბობს უფალი.

¹⁴მოიქეცით, გაქცეულო შვილებო, ამბობს უფალი, რადგან მე ვარ თქვენი პატრონი. სათითაოდ გამოგიყვანთ ქალაქიდან, ორ-ორს - საგვარეულოდან, და მიგიყვანთ სიონში.

¹⁵დაგიყენებთ ჩემი გულით ამორჩეულ მწყემსს და ისდაგმწყემსავთ თქვენ გონივრულად და ბრძნულად.

¹⁶როცა გაბევრდებით და იმრავლებთ ქვეყანაზე, იმ დროს,ამბობს უფალი, აღარ იტყვიან: უფლის აღთქმის კიდობანიო. გულშიაც არგაივლებენ, არც გაიხსენებენ, არც მოისაკლისებენ, აღარ გაკეთდება.

¹⁷იმხანად უფლის ტახტად იქნება წოდებული იერუსალიმი; მასთანმოიყრის თავს ყველა ხალხი იერუსალიმში უფლის სახელით და აღარ აჰყვებიანბოროტ გულისთქმას.

¹⁸იმჟამად მივა იუდას სახლი ისრაელის სახლთან და ერთადწავლენ ჩრდილოეთის ქვეყნიდან იმ ქვეყნისაკენ, რომელიც თქვენს მამა-პაპასდავუმკვიდრე.

¹⁹ვთქვი: როგორ ჩაგთვალო ჩემს შვილებად და მოგცე სანატრელიქვეყანა, ხალხთა სამკვიდრო, მშვენიერზე მშვენიერი? ვთქვი: მამას დამიძახებთდა აღარ გაბრუნდებით ჩემგან.

²⁰ჭეშმარიტად, როგორც ცოლი ღალატობს თავის მეგობარს, ასემიღალატე შენც, ისრაელის სახლო, ამბობს უფალი.

²¹ხმა ისმის შიშველ გორაკებზე, ისრაელიანთა საწყალობელიმოთქმა; რადგან გაიმრუდეს გზა და დაივიწყეს უფალი, თავიანთი ღმერთი.

²²მოიქეცით ჩემკენ, გაქცეულო შვილებო! მე განვკურნავ თქვენსგანდგომილებას. აჰა, მოვედით შენთან, რადგან შენ უფალი ხარ, ჩვენი ღმერთი.

²³ჭეშმარიტად, სიცრუეა გორაკები და ხალხმრავალი მთები!ჭეშმარიტად უფალში, ჩვენს ღმერთშია ისრაელის ხსნა!

²⁴მაგრამ სირცხვილმა შეჭამა ჩვენი მამა-პაპის ნაჭირნახულევისიყმაწვილის დროიდან - მათი ცხვარი და ძროხა, ვაჟები და ქალიშვილები.

²⁵ჩვენს სირცხვილში ვწევართ და ჩვენივე შერცხვენა გვახურავსზედ, რადგან ვცოდავთ უფალს, ჩვენს ღმერთს, ჩვენ და ჩვენი მამა-პაპასიყმაწვილიდან დღემდე და არ გვესმის უფლის, ჩვენი ღვთის სიტყვა.