Read ახალი ქართულით, Modern Georgian Bible, 1982 იერემია წინასწარმეტყველი 35 Bible Online

იერემია წინასწარმეტყველი 35 - ახალი ქართულით, Modern Georgian Bible, 1982 bible

იერემია წინასწარმეტყველი 35

¹სიტყვა, რომელიც იყო იერემიას მიმართ უფლისგან იუდას მეფის იეჰოაკიმ იოშიას ძის დროს:

²წადი რექაბიანთა თემში, ელაპარაკე და მოიყვანე ისინიუფლის სახლში, ერთ-ერთ სენაკში და ღვინო შეასვი.

³წამოვიყვანე იაზანია, ძე იერემიასი, ძისა ხაბაცინიასი,მისი ძმები, მისი შვილები და რექაბიანთა მთელი თემი,

⁴და მივიყვანე ისინი უფლის სახლში ღვთისკაცის, ხანანიგდალიას, სენაკში, რომელიც მთავართა სენაკის გვერდით იყო, მაყასეიაშალუმის ძის, ზღურბლის მცველის, სენაკის ზემოთ.

⁵წინ დავუდგი რექაბიანთა თემის შვილებს ღვინით სავსეთასები და ფიალები და ვუთხარი მათ: შესვით ღვინო.

⁶თქვესა ღვინოს არა ვსვამთ, რადგან იონადაბ რექაბის ძემ,ჩვენმა წინაპარმა გვიანდერძა, ღვინოს ნუ დალევთ ნურასოდეს, ნურც თქვენ დანურც თქვენი შვილებიო.

⁷სახლებს ნუ ააშენებთ, თესლს ნუ დათესავთ, ვენახს ნუგააშენებთ, ნურაფერს იქონიებთ; მხოლოდ კარვებში იცხოვრეთ მთელი სიცოცხლე,რათა დიდხანს იცოცხლოთ დედამიწის ზურგზე, სადაც მდგმურებად ხართო.

⁸ჩვენც ვემორჩილებით იონადაბ რექაბის ძეს, ჩვენს წინაპარს,ყველაფერში, რაც გვიანდერძა: არ დავლიოთ ღვინო მთელი ჩვენი სიცოცხლე, არცჩვენ, არც ჩვენმა ცოლებმა, არც ჩვენმა ვაჟებმა და არც ჩვენმა ასულებმა,

⁹არ ვაშენოთ სახლები საცხოვრებლად. არა გვაქვს არც ვენახი,არც ყანა, არც ნათესები;

¹⁰ვცხოვრობთ კარვებში და ვემორჩილებით იონადაბს, ჩვენს წინაპარს, და ყველაუერს ისე ვაკეთებთ, როგორც გვიანდერძა.

¹¹როცა ნაბუქოდონოსორი, ბაბილონის მეფე, მოადგა ქვეყანას, ჩვენ ვთქვით: წამო, წავიდეთ იერუსალიმში, გავეცალოთ ქალდეველთა და არამელთა ლაშქარს. და ვცხოვრობთ იერუსალიმში.

¹²იყო უფლის სიტყვა იერემიას მიმართ ნათქვამი.

¹³ასე ამბობს ცაბაოთ უფალი, ისრაელის ღმერთი: წადი, უთხარი იუდას ხალხს და იერუსალიმის მცხოვრებლებს, ნუთუ აღარ ისწავლით ჭკუას და არ გაიგონებთ ჩემს ნათქვამს? ამბობს უფალი.

¹⁴სრულდება იონადაბ რექაბის ძის ნაანდერძევი სიტყვები თავისი შთამომავლებისადმი, რომ არ დალიონ ღვინო, და დღემდე არ სვამენ, რადგან ემორჩილებიან თავიანთი წინაპრის ანდერძს. მე კი გამუდმებით გელაპარაკებოდით, მაგრამ ჩემი გაგონებაც არ გინდოდათ.

¹⁵გამუდმებით ვაბარებდი თქვენთან ჩემს მორჩილთ - წინასწარმეტყველებს: მოიქეცით ბოროტი გზიდან, გამოისწორეთ საქციელი, ნუ მისდევთ სხვა ღმერთებს თაყვანსაცემად და დარჩებით ამ მიწაზე, რომელიც თქვენთვის და თქვენი მამა-პაპისთვის მომიცია-მეთქი, მაგრამ თქვენ ყური არ მათხოვეთ და არ გამიგონეთ.

¹⁶ასეა, ასრულებენ იონადაბ რექაბის შთამომავლები თავიანთი წინაპრის ნაანდერძევს. ამ ხალხს კი ჩემი გაგონება არ უნდა.

¹⁷ამიტომ ასე ამბობს უფალი, ცაბაოთ ღმერთი, ისრაელის ღმერთი: აჰა, მოვუვლენ იუდას და იერუსალიმის მცხოვრებლებს ყველა ბოროტებას, რითაც დავემუქრე მათ, იმის გამო, რომ ველაპარაკებოდი და არ მიგონებდნენ, ვუხმობდი და ხმას არ მცემდნენ.

¹⁸რექაბიანთა თემს უთხრა იერემიამ: ასე ამბობს ცაბაოთ უფალი, ისრაელის ღმერთი, რაკი დაემორჩილეთ თქვენი წინაპრის, იონადაბის ნაანდერძევს, იცავთ მის ყოველ ნაანდერძევს და ყველაფერს ისე აკეთებთ, როგორც მან გიანდერძათ,

¹⁹ამიტომაც, ასე ამბობს ცაბაოთ უფალი, ისრაელის ღმერთი: არასოდეს მოაკლდეს იონადაბ რექაბის ძეს ჩემს წინაშე მდგომელი კაცი.