Read ახალი ქართულით, Modern Georgian Bible, 1982 გოდება იერემიასი 1 Bible Online

გოდება იერემიასი 1 - ახალი ქართულით, Modern Georgian Bible, 1982 bible

გოდება იერემიასი 1

¹როგორ მარტო დარჩა ქალაქი, ოდესღაც ხალხმრავალი, ზის ქვრივი ქალივით; ხალხთა ქალბატონი და მხარეთა დედოფალი მოხარკე შეიქნა.

²ტირის ღამ-ღამობით, ღაწვებზე ცრემლი სდის, არავინა ჰყავსნუგეშისმცემელი, ყველამ უღალატა, მტრად გადაეკიდნენ მეგობრები.

³გადაიხვეწა იუდა, დაბეჩავებული და დამონებული; დასახლდაუცხოთა შორის, ვერ უპოვნია მოსვენება; ვიწროებში დაეწივნენ მისი მდევრები.

⁴მოთქვამენ სიონის გზები; დღესასწაულზე არავინ დადის,დაცარიელდა მისი ჭიშკრები; ოხრავენ მღვდლები, დანაღვლიანდნენ მისიქალწულები, თავადაც გამწარებულია სიონი.

⁵მისი მეტოქენი თავში მოექცნენ, ზეიმობენ მტრები, რადგანუფალმა დასაჯა იგი ბევრი ცოდვებისთვის; მის პატარებს ტყვეებად მირეკავენმტრები.

⁶გავიდა სიონის ასულისგან მთელი დიდება; მისი მთავრებიქურციკებს გვანან, საძოვრისთვის რომ ვერ მიუგნიათ; და მდევრის წინ მიდიანღონემიხდილნი.

⁷გაიხსენა იერუსალიმმა თავისი ტანჯვისა და დევნილობისდღეებში თავისი განძი, ძველად ნაქონი; რომ დაეცა მისი ხალხი მცტრის ხელითდა არავინ არის მისი მშველელი; შეჰყურებენ მას მტრები და საცინლად იგდებენმის შაბათებს.

⁸მძიმედ შესცოდა იერუსალიმმა, ამიტომაც შესაზიზღი შეიქნა,შეიძულა იგი ყოველმა მისმა მადიდებელმა, რადგან დაინახეს მისი სიშიშვლე;თავადაც ოხრავს და უკან იხევს.

⁹კალთაწაბილწულმა არ იფიქრა, რა ბოლო ექნებოდა, და დაეცასაარაკოდ, არა ჰყავს ნუგეშისმცემელი. მოჰხედე ჩემს ტანჯვას, უფალო, რადგანგანდიდდა მტერი.

¹⁰მის საგანძურზე მტერმა გაიწოდა ხელი, რადგან ხედავს, რომ შედიან მის საწმიდარში წარმართნი, ვისზედაც ბრძანე, არ შესულიყვნენ შენს კრებულში.

¹¹ოხრავს შენი ერი, პურის მძებნელი; საჭმელში ცვლიან ძვირფასეულობას, რომ სული მოითქვან; მოიხედე, უფალო, და დაინახე, როგორ დავმცირდი.

¹²ნუმც დაგემართოთ ამგვარი რამ, გზად ჩამვლელნო! მოიხედეთ, შეხედეთ, თუ ყოფილა სატკივარი ჩემი სატკივრის მსგავსი, მე რომ მჭირს, უფალმა რომ შემყარა თავისი რისხვით!

¹³მაღლიდან ცეცხლი მოავლინა ჩემს ძვლებში; ფერხთა წინ ბადეგამიშალა, წამაქცია, დამაგდო ოხრად და სნეულად სამუდამოდ.

¹⁴შეკრულია მისი ხელით ჩემი ცოდვების უღელი, შეკაზმულია დაქედზე მადგას, ძალა წამართვა; მათ ხელში მიმცა უფალმა, ვისგანაც ვეღარწამოვდექი.

¹⁵უფალმა გათელა ჩემს წიაღში ჩემი ფალავნები, მომისია ურდო,რომ შეემუსრა ჩემი მოყმენი; უფალმა გათელა, როგორც საწნახელში, იუდასქალწული ასულები.

¹⁶ამას დავტირი, ცრემლად იღვრება ჩემი თვალები, რადგანგამშორდა ნუგეშისმცემელი, ჩემი სულის მომაბრუნებელი; ობლად დარჩნენ ჩემიშვილები, რადგან გამძლავრდა მტერი.

¹⁷სიონი ხელებს იწვდის, არავინაა ნუგეშისმცემელი; უფალმაბრძანა, გარშემოდგომოდნენ იაკობს მტრები; სიბილწედ შეირაცხა იერუსალიმი მათთვალში.

¹⁸მართალია უფალი, რადგან ვეურჩე მის ბაგეს; გაიგონეთ,ხალხებო, და შეხედეთ ჩემს სატანჯველს; ჩემი ქალწულები და მოყმენი ტყვეობაშიწავიდნენ.

¹⁹ვუხმე ჩემს მოყვარულთ, მაგრამ მომატყუეს; ჩემი მღვდლებიდა უხუცესები იხოცებიან ქალაქში, რადგან ეძებენ პურს სულის მიასაბრუნებლად.

²⁰მომხედე, უფალო, რადგან მიჭირს მე, მეწვის ნაწლავები;გული გადამიბრუნდა მკერდში, რადგან ავჯანყდი შენს წინააღმდეგ; გარეთმახვილისგან შვილმკვდარი შევიქენი, შინაც სიკვდილია.

²¹გაიგეს, როგორ ვკვნესი და არავინა მყავს ნუგეშისმცემელი;გაიგეს ჩემმა მტრებმა ჩემი უბედურება და ხარობენ, რომ შენგან არის მოწეული.ოჰ, ერთი მოაწევდე დღეს, შენ დათქმულს, რომ ჩემსავით გახდნენ ისინი!

²²ოჰ, ერთი მოაწევდეს შენამდე მათი სიბოროტის ამბავი, რომისევე მოექცე მათ, როგორც მე მომექეცი ჩემი ცოდვებისთვის, რადგან გამრავლდაჩემი ოხვრა-კვნესა და შემიღონდა გული.