Read ახალი ქართულით, Modern Georgian Bible, 1982 გოდება იერემიასი 4 Bible Online

გოდება იერემიასი 4 - ახალი ქართულით, Modern Georgian Bible, 1982 bible

გოდება იერემიასი 4

¹როგორ დაიბინდა ოქრო, ფერი იცვალა ბაჯაღლომ; გაფანტულია საწმიდრის ქვები ყოველ გზაჯვარედინზე;

²ოქროს სწორი, სიონის ძვირფასი ძენი, როგორ შეირაცხნენმექოთნის ნაზელ თიხის ნამტვრევებად!

³ტურებიც კი აწვდიან ძუძუს და აწოვებენ თავიანთ ლეკვებს;ჩემი ერის ასული კი გულქვა გახდა, როგორც სირაქლემა უდაბნოში.

⁴მწოველის ენა სასას მიეკრა წყურვილისგან; ბავშვები პურსითხოვენ, მაგრამ არ არის მიმწოდებელი.

⁵ნუგბართა მჭამელნი ქუჩებში სულს ღაფავენ; ძოწეულშინახვევნი ნაკელში ყრიან.

⁶ჩემი ერის ასულის ბრალი აღემატა სოდომის ცოდვას, წამშირომ დაიქცა და ვერა ხელმა ვერ დაიხსნა.

⁷მათი მთავრები თოვლზე სპეტაკები იყვნენ, რძეზე თეთრები,მათი ტანი ბადახშზე წითელი, მათი გამოხედვა - საფირონი.

⁸ახლა კი ნახშირის უშავესია მათი სახე, ვერავინ იცნობს მათქუჩაში; ძვლებს ეკვრის მათი კანი, ხესავით არის გამომშრალი.

⁹ხმლით გაწყვეტილნი უფრო ბედნიერნი არიან, ვიდრე შიმშილითგაწყვეტილნი, რომლებიც დაილივნენ მინდვრის საკვებს მოკლებულნი.

¹⁰გულმოწყალე ქალები საკუთარი ხელით ხარშავდნენ თავიანთ შვილებს, საზრდოდ რომ ჰქონოდათ ჩემი ერის ასულის დაღუპვის ჟამს.

¹¹გადმოსცალა უფალმა თავისი რისხვა, გადმოაფრქვია თავისი წყრომის ალი, ცეცხლი წაუკიდა სიონს და შეაჭმევინა მისი საძირკველნი.

¹²არ სჯეროდათ ქვეყნის მეფეებს ან მკვიდრებს ამა სოფლისა, თუ მტერი და მომხდური შევიდოდა იერუსალიმის კარიბჭეებში;

¹³ეს მოხდა მის წინასწარმეტყველთა ცოდვების და მის მღვდელთაშეცოდებების გამო, მართალთა სისხლს რომ ღვრიდნენ მის წიაღში.

¹⁴ქუჩებში დაძრწოდნენ, როგორც ბრმები, სისხლში გასვრილნი,და ვერაფერს ეკარებოდნენ სამოსელით.

¹⁵შორს უწმიდურნო! უყვიროდნენ, შორს, შორს, არ მოგვეკაროო!ასე გარბოდნენ და დაწანწალებდნენ, ხალხში ამბობდნენ: მეტს აღარ ვაცხოვრებთოაქ.

¹⁶თავად უფალმა გაფანტა ისინი, მეტად აღარ მოხედავს მათ;მღვდლებს პატივს არ სცემენ, მოხუცებულთ არ იბრალებენ.

¹⁷და კიდევ: დაგვევსო თვალები შემწეობის ამაო მოლოდინში;სათვალთვალო კოშკიდან ვუმზერდით ხალხს, რომელსაც ჩვენი შველა არ შეეძლო.

¹⁸ზვერავდნენ ჩვენს ნაბიჯებს, ჩვენს ქუჩებში რომ არ გვევლო.მოაწია ჩვენმა ბოლომ, გასრულდა ჩვენი დღეები, დადგა ჩვენი ბოლო.

¹⁹ცის არწივთა უსწრაფესნი იყვნენ ჩვენი მდევრები, მთებზეგვედევნებოდნენ, უდაბნოში გვისაფრდებოდნენ.

²⁰სუნთქვა ჩვენს ნესტოთა - უფლის ცხებული მათ ორმოშიაგამომწყვდეული; ჩვენ კი ვფიქრობდით, მის ჩრდილქვეშ ვიცოცხლებდით ხალხთაშორის.

²¹იხარე და იმხიარულე, ედომის ასულო, ყველა ქვეყანაშიმცხოვრებო! შენთანაც ჩამოივლის თასი: დაითვრები და გაშიშვლდები!

²²გათავდა შენი სასჯელი, სიონის ასულო; მეტს აღარ დაგტოვებსდევნილებაში. შენ კი მოგკითხავს დანაშაულს, ედომის ასულო, და გაამჟღავნებსშენს ცოდვებს.