Read ახალი ქართულით, Modern Georgian Bible, 1982 გოდება იერემიასი 5 Bible Online

გოდება იერემიასი 5 - ახალი ქართულით, Modern Georgian Bible, 1982 bible

გოდება იერემიასი 5

¹გაიხსენე, უფალო, რაც დაგვემართა; მოგვხედე და დაინახე ჩვენი შეგინება.

²ჩვენი სამკვიდრო უცხომ დაიმკვიდრა, ჩვენი სახლები -გადამთიელმა.

³ობლები გავხდით: მამა არა გვყავს, დაქვრივდნენ ჩვენიდედები;

⁴ჩვენსავე წყალს ვერცხლის ფასად ვსვამთ, შეშას ვყიდულობთ;

⁵კისრით მიგვათრევენ, ქანცი გაგვიწყდა, არა გვაქვსმოსვენება;

⁶ეგვიპტეს ვუშვერთ ხელს, აშურს, რომ გავძღეთ პურით;

⁷ჩვენმა მამებმა შესცოდეს და აღარ არიან, ჩვენ კი მათსასჯელს ვიხდით;

⁸მონები ხელმწიფობენ ჩვენზე, არა ჩანს მხსნელი მათიხელიდან;

⁹სიცოცხლის ფასად ვშოულობთ პურს, უდაბნოში მახვილის შიშით;

¹⁰თონესავით გვიხურს კანი, შიმშილის ხვატისგან.

¹¹ქალებს ნამუსს ხდიან სიონში, ქალწულებს - იუდას ქალაქებში;

¹²ხელებით ჰკიდებენ მთავრებს, შეურაცხყოფენ მოხუცებულთ;

¹³მოყმენი დოლაბებს ეზიდებიან, ბიჭები ფორხილებენ შეშისტვირთის ქვეშ;

¹⁴მოხუცებულნი კარიბჭესთან აღარ სხდებიან, მოყმენი აღარმღერიან;

¹⁵შემწყდარია ჩვენი გულის სიხარული, გლოვად გადაიქცა ჩვენიფერხულები;

¹⁶თავზეით გვირგვინი მოგვეხადა; ვაი ჩვვნ, რადგან შევცოდეთ!

¹⁷ამიტომ შეღონებული გვაქვს გული, ამიტომაც დაგვიბნელდათვალისჩინი;

¹⁸გაუკაცრიელდა სიონის მთა და ტურები დარბიან იქ;

¹⁹შენ კი საუკუნოდ მყოფობ, უფალო, შენი ტახტი ჰგიეს უკუნითიუკუნისამდე!

²⁰სამუდამოდ რისთვის დაგვივიწყე, ასე ხანგრძლივად რისთვისმიგვატოვე?

²¹შენკენ მოგვაქციე, უფალო, და მოვიქცევით; განგვიახლედღეები, როგორც ძველად იყო!

²²ნუთუ საბოლოოდ შეგვიძულე და უსაზომოდ გაჯავრდი ჩვენზე?