Read ახალი ქართულით, Modern Georgian Bible, 1982 ეზეკიელ წინასწარმეტყველი 20 Bible Online

ეზეკიელ წინასწარმეტყველი 20 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 20

¹მეშვიდე წელს, მეხუთე თვის ათში, მოვიდნენ კაცები ისრაელის უხუცესთაგან, რომ შეკითხოდნენ უფალს, და დასხდნენ ჩემს წინაშე.

³ადამის ძევ! ელაპარაკე ისრაელის უხუცესებს და უთხარი მათ, ასე ამბობს-თქო უფალი ღმერთი: ჩემს შესაკითხად არ მოხვედით? ვფიცავ, თუ შეგეკითხვინოთ, ამბობს უფალი ღმერთი.

⁴განსჯი მათ, განსჯი, ადამის ძევ? ჯერ გააგებინე მათიმამების სისაძაგლენი.

⁵და უთხარი, ასე ამბობს-თქო უფალი ღმერთი: იმ დღეს, როცაავირჩიე ისრაელი და ხელი აღვმართე იაკობის სახლის მოდგმისთვის, გამოვუცხადეთავი ეგვიპტის ქვეყანაში და ხელი აღვმართე მათთვის და ვთქვი: მე ვარ უფალი,თქვენი ღმერთი-მეთქი,

⁶იმ დღეს აღვმართე მათთვის ხელი, რომ წამეყვანა ისინიეგვიპტის ქვეყნიდან ქვეყანაში, რომელიც შევიგულე მათთვის, სადაც მოედინებარძე და თაფლი, და ყოველი ქვეყნის მშვენებაა.

⁷ვუთხარი მათ: მოიშოროს თითოეულმა თქვენგანმა სიბილწენი,თვალწინ რომ აქვს, და ეგვიპტის კერპებით ნუ გაიუწმიდურებს თავს! მე ვარუფალი, თქვენი ღმერთი-მეთქი.

⁸მაგრამ ამიჯანყდნენ და არ უნდოდათ ჩემი მოსმენა; არავისმოუშორებია სიბილწენი, თვალწინ რომ ჰქონდათ, და არ მიუტოვებიათ ეგვიპტისკერპები. ვთქვი, რისხვას გადმოვანთხევ მათზე, რომ ჩემი ბრაზი მოვიკლა-მეთქიეგვიპტის ქვეყანაში.

⁹მაგრამ ჩემი სახელის გულისთვის, რომ არ შელახულიყო იმხალხის თვალში, რომლის შორისაც იყვნენ ისინი და რომლის თვალწინაც გავუცხადემათ ჩემი თავი, ისე მოვიქეცი, რომ ეგვიპტის ქვეყნიდან გამომეყვანა ისინი.

¹⁰გამოვიყვანე ეგვიპტის ქვვყნიდან და უდაბნოში მივიყვანე;

¹¹მივეცი ჩემი წესები და გამოვუცხადე ჩემი სამართალი,რომელიც უნდა შეასრულოს ადამიანმა, რომ ცოცხალი დარჩეს.

¹²მივეცი შაბათებიც, რომ ჰქონოდათ ნიშნად ჩემსა და თავიანთ შორის, რომ სცოდნოდათ, რომ უფალი ვარ, მათი განმწმედელი.

¹³მაგრამ ამიჯანყდა ისრაელის სახლი უდაბნოში, არ მიჰყვებოდაჩემს წესებს და შეიძულა ჩემი სამართალი, რომელიც უნდა შეესრულებინა, რომეცოცხლა; და შელახა მეტისმეტად ჩემი შაბათები. ვთქვი, გადმოვანთხევ-მეთქიმათზე რისხვას უდაბნოში მათ დასაღუპად.

¹⁴მაგრამ ჩემი სახელის გულისათვის ვმოქმედებდი, რომ არშელახულიყო იმ ხალხის თვალში, რომელთა თვალწინ გამოვიყვანე ისინი.

¹⁵მაინც აღვმართე ხელი უდაბნოში მათ წინააღმდეგ, რომ არმიმეყვანა იმ ქვეყანაში, სადაც მოედინება რძე და თაფლი, და ყოველი ქვეყნისმშვენებაა;

¹⁶რაკი შეიძულეს ჩემი სამართალი და ჩემს წესებს არმიჰყვებოდნენ, და შელახეს ჩემი შაბათები, რადგან მათი კერპებისკენმიუწევდათ გული.

¹⁷მაგრამ ვერ გაიმეტა ისინი ჩემმა თვალმა დასაღუპავად დავერ გავწყვიტე ისინი უდაბნოში.

¹⁸ვუთხარი მათ შვილებს უდაბნოში: თქვენი მამების წესებს ნუმიჰყვებით, მათ სამართალს ნუ იცავთ, მათი კერპებით თავს ნუიუწმიდურებთ-მეთქი.

¹⁹მე ვარ უფალი, თქვენი ღმერთი; ჩემს წესებს მიჰყევით, ჩემისამართალი დაიცავით და შეასრულეთ-მეთქი;

²⁰წმიდად შეინახეთ ჩემი შაბათები, რომ გქონდეთ ნიშნად ჩემსადა თქვენს შორის, და იცოდეთ, რომ მე უფალი ვარ, თქვენი ღმერთი.

²¹მაგრამ ამიჯანყდნენ შვილები, ჩემს წესებს არმიჰყვებოდნენ, არ იცავდნენ და არ ასრულებდნენ ჩემს სამართალს, რომელიც უნდაშეასრულოს ადამიანმა, რომ იცოცხლოს, და შელახეს ჩემი შაბათები. ვთქვი,გადმოვანთხევ მათზე ჩემს რისხვას და მათზე მოვიკლავ-მეთქი ჩემს ბრაზსუდაბნოში;

²²მაგრამ უკან შევაბრუნე ხელი და ვმოქმედებდი ჩემი სახელისგულისთვის, რომ არ შელახულიყო იმ ხალხის თვალში, რომელთა თვალწინგამოვიყვანე ისინი.

²³მაინც აღვმართე ხელი მათ წინააღმდეგ უდაბნოში, რომ გამეფანტა ისინი ხალხებში და სხვადასხვა ქვეყნებში გამებნია;

²⁴რაკი ჩემს სამართალს არ ასრულებდნენ და ჩემი წესებიშეიძულეს, ჩემი შაბათები შელახეს და თავიანთი მამების კერპებისკენ ეჭირათთვალი,

²⁵მეც მივეცი მათ უვარგისი წესები და სამართალი, რომლითაცვერ იცოცხლებდნენ;

²⁶გავაუწმიდურე ისინი შესაწირავებით, ყოველი პირველშობილისგატარებით ცეცხლში, რომ გამეჩანაგებინა ისინი, რომ მიმხვდარიყვნენ, რომუფალი ვარ.

²⁷ამიტომ ელაპარაკე ისრაელის სახლს, ადამის ძევ, და უთხარი:ასე ამბობს-თქო უფალი ღმერთი: კიდევ ამით შემბღალეს თქვენმა მამებმა,ვერაგულად რომ იქცეოდნენ ჩემს მომართ.

²⁸მივიყვანე იმ ქვეყანაში, რომლის მიცემას ხელის აღმართვითდავპირდი მათ; მათ კი მონახეს ყველა მაღალი გორაკი და ყველა ხემხვივანი დასწირავდნენ იქ თავიანთ მსხვერპლს, მიჰქონდათ იქ თავიანთი შესაწირავი ჩემსგასაჯავრებლად, აკმევდნენ იქ ამოდსაყნოსელს და ღვრიდნენ იქ თავიანთსაღვრელს.

²⁹ვუთხარი, ეს რა გორაკია, სადაც დადიხართ-მეთქი? დადღევანდლამდე გორაკი ეწოდება სახელად.

³⁰ამიტომ უთხარი ისრაელის სახლს, ასე ამბობს-თქო უფალიღმერთი: ხომ იუწმიდურებთ თავს თქვენი მამა-პაპის გზით? ხომ ირყვნებით მათისიბლწეების კვალზე?

³¹როცა მიგაქვთ თქვენი შესაწირავი, როცა ცეცხლში ატარებთთქვენს შვილებს, თავს იუწმიდურებთ ყველა თქვენი კერპით დღევანდლამდე, დაკიდევ გინდათ, რომ შეგეკითხვინოთ, ისრაელის სახლო? ვფიცავ, ამბობს უფალიღმერთი, თუ შეგეკითხვინოთ.

³²არ ახდება, რაც ფიქრში მოგდით, რომ ამბობთ: ვიქნებით,როგორც სხვა ხალხები არიან, როგორც სხვა ქვეყნების ტომები არიან, რომ ხესადა ქვას ვემსახუროთო.

³³ვფიცავ, ამბობს უფალი ღმერთი, თუ მაგარი ხელით და გაშლილიმკლავით, რისხვის გადმონთხევით არ ვიმეფო თქვენზე!

³⁴გამოგიყვანთ ხალხებიდან და შეგკრებთ ქვეყნებიდან, სადაც გაფანტული ხართ, მაგარი ხელით და გაშლილი მკლავით, რისხვის გადმონთხევით,

³⁵და მიგიყვანთ ხალხთა უდაბნოში და იქ პირისპირ მოგიწყობთგანკითხვას.

³⁶როგორც თქვენს მამა-პაპას განვიკითხავდი ეგვიპტის ქვეყნისუდაბნოში, ისევე განგიკითხავთ თქვენც, ამბობს უფალი ღმერთი.

³⁷კვერთხის ქვეშ გაგატარებთ და აღთქმის ბორკილში შეგიყვანთ.

³⁸გამოვყოფ თქვენგან მოჯანყეებს და ჩემს ურჩებს, და მათიმდგმურობის ქვეყნიდან გამოვიყვან მათ, მაგრამ ისრაელის მიწაზე ვერ მივლენდა მიხვდებით, რომ უფალი ვარ.

³⁹თქვენ კი, ისრაელის სახლო, ასე ამბობს უფალი ღმერთი:წადით, ემსახურეთ თქვენ-თქვენ კერპებს; და ამიერიდან თუ არ მომისმენთ,მეტად მაინც ნუღა შელახავთ ჩემს წმიდა სახელს თქვენი შესაწირავებით დათქვენი კერპებით.

⁴⁰რადგან ჩემს წმიდა მთაზე, ისრაელის მაღალ მთაზე, ამბობსუფალი ღმერთი, უნდა მემსახუროს მთელი ისრაელის სახლი, ყველა ერთობლივ, ვინცკი არის ქვეყანაზე; იქ შევიტკბობ მათ, იქ მოვიკითხავ თქვენს შესაწირავებსდა თქვენი ძღვენის ნათავარებს თქვენს სიწმიდეებთან ერთად.

⁴¹კეთილსურნელებად შეგიტკბობთ, როცა გამოგიყვანთ ხალხებიდანდა შეგკრებთ ქვეყნებიდან, სადაც ხართ გაფანტული, და ჩემს სიწმიდესგამოვაჩენ თქვენში ხალხების თვალწინ.

⁴²მიხვდებით, რომ უფალი ვარ, როცა მიგიყვანთ ისრაელისმიწაზე, ქვეყანაში, რომლის მიცემასაც შევპირდი ხელის აღმართივით თქვენსმამა-პაპას.

⁴³იქ გაიხსენებთ თქვენს საქციელს და ნამოქმედარს, რითაცუწმიდურდებოდით, და შეგზარავთ თქვენი თავი იმ სიავეთა გამო, რასაცსჩადიოდით.

⁴⁴მიხვდებით, რომ უფალი ვარ, როცა ჩემი სახელის გულისთვისმოგექცევით, არა თქვენი ბოროტი გზებისა და უზნეო საქციელის მიხედვით,ისრაელის სახლო, ამბობს უფალი ღმერთი.