Read ახალი ქართულით, Modern Georgian Bible, 1982 ეზეკიელ წინასწარმეტყველი 21 Bible Online

ეზეკიელ წინასწარმეტყველი 21 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 21

¹იყო უფლის სიტყვა ჩემს მომართ ნათქვამი:

²ადამის ძევ! თემანის გზისკენ მიაქციე პირი და უქადაგესამხრეთს, ნეგების ველის ტყეს უწინასწარმეტყველე.

³უთხარი ნეგების ტყეს: ისმინე უფლის სიტყვა, ასე ამბობს-თქო უფალი ღმერთი: აჰა, ცეცხლს წაგიკიდებ და შეგიჭამს ცეცხლი ყველა ნედლ ხეს და ყველა ხმელ ხეს; არ ჩაქრება აბრიალებული ალი და გადაიბუგება ყოველი სახე სამხრეთიდან ჩრდილოეთამდე.

⁴დაინახავს ყოველი ხორციელი, რომ მე, უფალმა, დავანთეცეცხლი და არ ჩაქრება.

⁵ვთქვი: ეჰა, უფალო ღმერთო! ჩემზე ამბობენ, იგავებისმთხზველი არ არისო?

⁶იყო უფლის სიტყვა ჩემს მომართ ნათქვამი:

⁷ადამის ძევ! მიაქციე პირი იერუსალიმისკენ და იქადაგესაწმიდარებზე, უწინასწარმეტყველე ისრაელის მიწას.

⁸უთხარი ისრაელის მიწას, ასე ამბობს-თქო უფალი ღმერთი:აჰა, მოვდივარ შენზე, ამოვიწვდი მახვილს ქარქაშიდან და მოვკვეთავ შენგანმართალს და ბოროტეულს.

⁹რადგან უნდა მოვკვეთო შენგან მართალი და ბოროტეული,ამიტომაც ამოიწვდება ჩემი მახვილი ქარქაშიდან ყოველი ხორციელის წინააღმდეგსამხრეთიდან ჩრდილოეთამდე.

¹⁰მიხვდება ყოველი ხორციელი, რომ მე, უფალმა, ამოვიწვადეჩემი მახვილი ქარქაშიდან და აღარ ჩაეგება.

¹¹შენ კი, ადამის ძევ, იკვნესე წელმოტეხილმა და გამწარებულმა, იკვნესე მათ თვალწინ!

¹²თუ გეტყვიან, რაზე კვნესიო, უთხარი, ავ ამბავზე, რომელიც მოდის-თქო, და დადნება ყოველი გული, დაუძლურდება ყოველი ხელი, შეღონდება ყოველი სული, წყლად წავა ყოველი მუხლი. აჰა, მოვიდა და ახდა, ამბობს უფალი ღმერთი.

¹³იყო უფლის სიტყვა ჩემს მომართ ნათქვამი:

¹⁴ადამის ძევ! იწინასწარმეტყველე და თქვი, ასე ამბობს-თქოუფალი. თქვი: მახვილი, მახვილი გალესილია და გაფერილიც!

¹⁵გალესილია დასაკლავის დასაკლავად; გაფერილია, რომ ელავდესელვასავით! ანთუ გვიხაროდეს, ჩემი ძის კვერთხს რომ სძულს ყოველი ხე?

¹⁶მიცემულია გასაფერად, რომ ხელმა ჩაბღუჯოს; გალესილია ესმახვილი და გაფერილი, რომ მკვლელს ჩაბარდეს ხელში.

¹⁷იყვირე და ივალალე, ადამის ძევ! რადგან ის მოღერებულიაჩემს ხალხზე, ისრაელის ყველა მთავარზე; მახვილს არიან მიცემულნი ჩემსხალხთან ერთად. ამიტომ ირტყი თეძოებზე.

¹⁸რადგან განსაცდელი გამოვლილია და რა იქნება, თუ მოძულეკვერთხიც აღარ იარსებებს, ამბობს უფალი ღმერთი.

¹⁹შენ კი, ადამის ძევ, იწინასწარმეტყველე და ხელი ხელსშემოჰკარი და სამგზის გაორკეცდება მახვილი. მუსვრის მახვილია ეს, დიდიშემუსვრის მახვილი, მათი მდევარი.

²⁰რომ შედრკეს გულები და მათ ჭიშკრებთან დაცემულნიგამრავლდნენ, მივუშვებ სასტიკ მახვილს, ვაგლახ, გასაელვებლად შექმნილს,საკლავად წამახულს!

²¹უკან შეტრიალდი, მარჯვნივ გადი, წინ წადი, მარცხნივ გადი! ყოველი მხრისკენ არის მიმართული შენი პირისახე.

²²მეც შემოვკრავ ხელს ხელზე და რისხვას დავიცხრობ. მე,უფალი ვლაპარაკობ.

²³იყო უფლის სიტყვა ჩემს მომართ ნათქვამი:

²⁴შენ კი, ადამის ძევ! დაისახე ორი გზა ბაბილონის მეფისმახვილის მოსასვლელად; ერთი ქვეყნიდან გამოვა ორივე. ქმენი ნიშანი, ქალაქისმთავარ გზაზე ქმენი.

²⁵დასახე გზა მახვილის მოსასვლელად რაბათში, ყამონიანთაქალაქში, და იუდაში, გამაგრებულ იერუსალიმში;

²⁶რადგან შეჩერდა ბაბილონის მეფე გზაჯვარედინზე, ორი გზისთავში, სამკითხაოდ ისვრის ისრებს, ეკითხება თერაფიმებს, ღვიძლსათვალიერებს.

²⁷მის ხელმარჯვნივ იერუსალიმზე იყო წილი, რომ განელაგებინათტარანები, ხოცვა-ჟლეტისთვის გაეხსნათ პირი, აეტეხათ საომარი ყიჟინა,ტარანები კარიბჭეებისკენ მიეშვირათ, აღემართათ მიწაყრილები და აეგოთგოდლები.

²⁸ეს ყალბ მისნობასავით იქნება მათ თვალში; ფიცით კიშეჰფიცეს, მაგრამ ეს ახსენებს მათ დანაშაულს, რომ შეპყრობილ იქნან.

²⁹ამიტომ ასე ამბობს უფალი ღმერთი: რაკი თავად იხსენებთთქვენს დანაშაულს თქვენი შეცოდებების გამოაშკარავებით და თქვენი ცოდვებისჩვენებით ყველა თქვენს საქმეში, რაკი თავად იხსენებთ, ხელით იქნებითშეპყრობილნი.

³⁰შენ კი, ურჯულო, ბოროტეულო მთავარო ისრაელისა, რომელსაცდაუდგა ჟამი, როცა უნდა მოეღოს ბოლო დანაშაულს,

³¹ასე ამბობს უფალი ღმერთი: მოიშორე ჯიღა და მოიხადე გვირგვინი; ყოველთვის ასე არ იქნება: მდაბალი აღზევდება, აღზევებული დამდაბლდება.

³²დამხობას, დამხობას, დამხობას ვუწილხვედრებ და ესეც აღარიქნება, სანამ ის არ მოვა, ვის ხელშიც არის სამართალი, რომ მას ჩავაბარო.

³³შენ კი, ადამის ძევ, იწინასწარმეტყველე და თქვი: ასეამბობს-თქო უფალი ღმერთი ყამონიანებზე და მათ სირცხვილზე. თქვი: მახვილი,მახვილია გაშიშვლებული დასახოცავად, გაფერილია შესამუსრად, რომ ელვარებდეს.

³⁴ყალბი ხილვებით, ცრუ მისნობით მიგაგდებენ გვამებთან დახოცილ ბოროტეულთა, რომელთაც დაუდგათ ჟამი, როცა ბოლო უნდა მოეღოს დანაშაულს.

³⁵ჩააგე თავის ქარქაშში; შენი გაჩენის ადგილას, შენი შობისქვეყანაში განგსჯი შენ.

³⁶გადმოვანთხევ შენზე ჩემს რისხვას, ჩემი ბრაზის ცეცხლსმოგასუნთქავ და ხელთ მიგცემ ხალხს, გამძვინვარებულს, განადგურებაშიგაწაფულს.

³⁷ცეცხლს მიეცემი შესაჭმელად, შენი სისხლი ქვეყნის შუაგულშიიდგება და არავინ გაგიხსენებს, რადგან მე, უფალმა ვთქვი.