Read ახალი ქართულით, Modern Georgian Bible, 1982 ეზეკიელ წინასწარმეტყველი 22 Bible Online

ეზეკიელ წინასწარმეტყველი 22 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 22

¹იყო უფლის სიტყვა ჩემს მომართ ნათქვამი:

²ადამის ძევ! შენ განსჯი, განსჯი სისხლიან ქალაქს?გამოუცხადე ყოველი მისი სისაძაგლე.

³და თქვი, ასე ამბობს-თქო უფალი ღმერთი: ქალაქო, სისხლის მღვრელო შენს შუაგულში (მოვა მისი დროც!) და, კერპთა მკეთებელო, საკუთარი თავის წასაბილწად!

⁴შენი დაღვრილი სისხლით დადანაშაულდი და შენი გაკეთებულიკერპებით გაუწმიდურდი; მოიახლოვე შენი ჟამი და მიეწურე შენს წელიწადებს.ამიტომაც ხალხების საგინებლად გაგხდი და ყოველი ქვეყნის სამასხარაოდ.

⁵მახლობელნი და შორებელნი გაგამასხრებენ სახელგატეხილს დამრავალღელვილს.

⁶აჰა, ისრაელის მთავარნი - თითოეული თავის ძალას იკრებდა,რომ სისხლი დაეღვარა შენს შორის!

⁷მამას და დედას ამცირებენ თქვენში, ხიზანს უპატიოდექცევიან თქვენს შორის, ქვრივ-ობლებს ჩაგრავენ თქვენში.

⁸ჩემი სიწმიდენი მოძულებული გაქვს და ჩემი შაბათებიშელახული.

⁹ცილისმწამებელნი არიან თქვენში, რომ სისხლი ღვარონ,ნამსხვერპლავს ჭამენ მთებზე თქვენში და გარყვნილებას ეწევიან თქვენს შორის.

¹⁰მამის სიშიშვლეს ააშკარავებენ თქვენში, მირეულ ქალთანძალადობენ თქვენში;

¹¹ზოგი თავის მოყვასის ცოლთან სისაძაგლეს სჩადის და ზოგი თავის რძალს აუპატიურებს გარყვნილებით, ზოგიც თავის დასთან, თავისი მამის ასულთან, ძალადობს თქვენში.

¹²ქრთამებს იღებენ თქვენში, რომ სისხლი დაღვარონ; ვახშს და სარგებელს იღებ და ძალმომრეობით ყვლეფ შენს მოყვასს, მე კი დამივიწყე, ამბობს უფალი ღმერთი.

¹³აჰა, ხელი ხელს შემოვკარი შენი სიხარბის გამო, რასაცსჩადიხარ, და სისხლის გამო, რომელიც იღვრება თქვენს შორის.

¹⁴თუ გაგიძლებს გული ან თუ შერჩება ძალა შენს ხელებს იმდღეებში, როცა აღვიძრები შენს წინააღმდეგ? მე, უფალმა, ვთქვი და გავაკეთებ.

¹⁵გაგფანტავ ხალხთა შორის და გაგაბნევ ქვეყნებში, რომუწმიდურება წაგიშალო.

¹⁶შეილახები ხალხების თვალში და მიხვდები, რომ უფალი ვარ.

¹⁷იყო უფლის სიტყვა ჩემს მომართ ნათქვამი:

¹⁸ადამის ძევ! წიდასავით გამიხდა ისრაელის სახლი; ქურაშიყრიან ყველანი, როგორც სპილენძი, კალა, რკინა და ტყვია; ვერცხლის წიდა დახენჯი არიან.

¹⁹ამიტომ ასე ამბობს უფალი ღმერთი: რაკი წიდა და ხენჯიგახდით ყველანი, ამიტომაც, აჰა, შეგკრებთ ყველას იერუსალიმში.

²⁰როგორც აგროვებენ ვერცხლს, სპილენძს, რკინას, ტყვიას დაკალას ქურაში, რომ ცეცხლი მიუბერონ გადასადნობად, ასე შევაგროვებთ ჩემირისხვითა და წყრომით, ჩაგდებთ და გადაგადნობთ.

²¹შეგყრით და მოგბერავთ ჩემი რისხვის ცეცხლს და გადადნებით იერუსალიმში.

²²როგორც ვერცხლი დნება ქურაში, ასე გადადნებით იერუსალიმშიდა მისვდებით, რომ მე, უფალმა, დაგანთხიეთ ჩემი რისხვა.

²³იყო უფლის სიტყვა ჩემს მომართ ნათქვამი:

²⁴ადამის ძევ! უთხარი მას: შენ მიწა ხარ, გაუწმედელი,უწვიმარი, რისხვის დღეს.

²⁵შეთქმულან იქ მისი წინასწარმეტყველნი, ლომებივითბრდღვინავენ, ნადავლს გლეჯენ და ცოცხლად ჭამენ; საუნჯესა და განძეულსიტაცებენ, ქვრივებს ამრავლებენ იქ.

²⁶მისი მღვდლები აუკუღმართებენ ჩემს რჯულს და ბღალავენ ჩემსსიწმიდეებს; წმიდას ნალახისგან არ განარჩევენ, უწმიდურს გაწმედილისგან არასხვავებენ; უგულებელყვეს ჩემი შაბათები და მე შევილახე მათ გარემოში.

²⁷მათი მთავრები მგლებივით გლეჯენ ნადავლს, სისხლს ღვრიან,სიცოცხლეს უსწრაფებენ ანგარებისთვის.

²⁸მისი წინასწარმეტყველნი ეპირფერებიან მათ, ფუჭადმხილველნი და ცრუმისანნი, ეუბნებიან: ასე ამბობსო უფალი ღმერთი, უფალს კიარ უთქვამს.

²⁹მდაბიორნი ძალადობენ და მტაცებლობენ, ღარიბ-ღატაკსჩაგრავენ, ხიზანს უსამართლოდ ავიწროებენ.

³⁰ვეძებდი კაცს, ზღუდის მშენებელს, რომ დამდგარიყონანგრევთან ჩემს წინაშე და ეხსნა ქვეყანა დაღუპვისგან, მაგრამ ვერ მოვნახე.

³¹გადმოვანთხევ მათზე ჩემს სიბრაზეს, და ჩემი რისხვისცეცხლით მოვსპობ; მათ თავზე მივაქცევ მათსავე ნამოქმედარს, ამბობს უფალიღმერთი.