Read ახალი ქართულით, Modern Georgian Bible, 1982 ეზეკიელ წინასწარმეტყველი 34 Bible Online

ეზეკიელ წინასწარმეტყველი 34 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 34

¹იყო უფლის სიტყვა ჩემს მომართ ნათქვამი:

²ადამის ძევ! იწინასწარმეტყველე ისრაელის მწყემსებზე,იწინასწარმეტყველე და უთხარი მათ მწყემსებს, ასე ამბობს-თქო უფალი ღმერთი:ვაი. ისრაელის მწყემსებს, რომლებიც საკუთარ თავს მწყესავენ! განა ცხვარს არუნდა მწყესავდნენ მწყემსები?

³ქონს ჭამთ, მატყლით იმოსებით, ნასუქალს ხოცავთ, ცხვარს კი არ მწყემსავთ!

⁴დაუძლურებულთ არ აძლიერებთ, დასნეულებულთ არ განკურნავთ,ჭრილობებს არ შეუხვევთ, გატაცებულს უკან არ აბრუნებთ, დაკარგულს არ ეძებთ,მძლავრობით და სისასტიკით ბატონობთ მათზე.

⁵გაიფანტნენ უმწყემსოდ დარჩენილნი, მინდვრის მხეცებისკერძნი გახდნენ, გაიფანტნენ!

⁶დაეხეტება ჩემი ცხვარი მთებზე და მაღალ გორაკებზე, მთელიქვეყნის პირზე გაიფანტა ჩემი ცხვარი და არავინაა მათი მომკითხავი, არცმძებნელი.

⁷ამიტომ ისმინეთ უფლის სიტყვა, მწყემსებო!

⁸ცოცხალიმც ვარ, ამბობს უფალი! რაკი მიტაცებულია ჩემიცხვარი და მიწის მხეცებას კერძი გამხდარა უმწყემსოდ დარჩენილი ჩემი ცხვარი,რაკი არ მოუკითხავთ ჩემს მწყემსებს ჩემი ცხვარი, რაკი საკუთარ თავსმწყემსავენ მწყემსები, ჩემს ცხვარს კი არ მწყემსავენ,

⁹ამიტომ ისმინეთ უფლის სიტყვა, მწყემსებო!

¹⁰ასე ამბობს უფალი ღმერთი: აჰა, ისევ მწყემსებს მოვკითხავჩემს ცხვარს და გადავაყენებ მათ ცხვრის მწყემსობისგან, რომ კვლავაღარასოდეს მწყემსავდნენ მათ. პირიდან გამოვგლეჯ მათ ჩემს ცხვარს, რომ მათიკერძი აღარ იყოს.

¹¹რადგან ასე ამბობს უფალი ღმერთი: აჰა, მე თავად მოვიკითხავ ჩემს ცხვარს და მოვძებნი!

¹²როგორც მწყემსი ეძებს თავის ცხვარს, როცა თავის გაფანტულ ფარაში ჩადგება, მეც ისე მოვძებნი ჩემს ცხვარს და დავიხსნი ყველა იმ ადგილიდან, სადაც კი გაიფანტნენ ნისლიან და ღრუბლიან დღეს.

¹³გამოვიყვან ხალხებიდან და გამოვკრებ ქვეყნებიდან,მივიყვან მათ საკუთარ მიწაზე და დავმწყესავ მათ ისრაელის მთებზე, ნაკადულთანაპირებზე და ყველგან, ქვეყნის დასახლებულ მხარეში.

¹⁴საუკეთესო საძოვრებზე დავმწყესავ მათ და ისრაელის მაღალმთებზე ექნებათ სადგომი; აქ დაბინავდებიან საუკეთესო სადგომებში და ნოყიერსაძოვრებზე მოძოვენ ისრაელის მთებში.

¹⁵მე თავად დავმწყესავ ჩემს ცხვარს და მე თავადდავაბინავებ, ამბობს უფალი ღმერთი.

¹⁶დაკარგულს მოვიძიებ, გატაცებულს დავაბრუნებ, დაჭრილსჭრილობებს შევუხვევ, დაუძლურებულს მოვაძლიერებ, მსუქანს და ძლიერს მოვუვლი;სამართლიანად დავმწყესავ მათ.

¹⁷თქვენზე კი, ჩემო ცხვარო, ასე ამბობს უფალი ღმერთი: აჰა,მე ვიქნები მსაჯული ცხვარსა და ცხვარს შორის, ვერძებსა და ვაცებს შორის!

¹⁸ნუთუ გეცოტავებათ საუკეთესო საძოვარი, სადაც დაბალახობთ,რომ თქვენი საძოვრის დანარჩენსაც ფეხით თელავთ? ანკარა წყალს რომ სვამთ დადანარჩენსაც ფეხით ამღვრევთ?

¹⁹თქვენი ფეხით განათელი უნდა ძოვოს ჩემმა ცხვარმა დათქვენი ფეხით ამღვრეული უნდა სვას?

²⁰ამიტომ ასე ამბობს უფალი ღმერთი: აჰა, მე ვიქნები მსაჯულიმსუქან ცხვარსა და მჭლე ცხვარს შორის!

²¹რაკი ფერდებით და მხრებით ეჯახებით, რქებით რქენთ დაუძლურებულთ, რომ გარეთ გაფანტოთ ისინი,

²²მე თავად გადავარჩენ ჩემს ცხვარს და აღარ იქნებადატაცებული. მე ვიქნები მსაჯული ცხვარსა და ცხვარს შორის.

²³ერთ მწყემსს დავუყენებ და ის დამწყესავს მათ; დავითს,ჩემს მორჩილს, დავუყენებ; თავად ის დამწყესავს ძათ და ის იქნება მათიმწყემსი.

²⁴მე, უფალი, ვიქნები მათი ღმერთი; ჩემი მორჩილი დავითი კიწინამძღოლი იქნება მათ შორის. მე, უფალმა, ვთქვი.

²⁵დავუდებ მათ მშვიდობის აღთქმას და გადავაშენებ ქვეყნიდანსასტიკ მხეცებს, რომ მშვიდად იცხოვრონ უდაბნოში და იძინონ მაღნარებში.

²⁶კურთხევად ვაქცევ მათ და ჩემი მაღლობის მიდამოებს,დროულად ვადინებ წვიმას და ჩემი წვიმა კურთხევა იქნება.

²⁷მინდვრის ხე თავის ნაყოფს გამოისხამს და მიწა მოსცემსთავის მოსავალს, და მშვიდად იქნებიან თავიანთ მიწაზე. მაშინ მიხვდებიან,რომ უფალი ვარ, როცა დავწყვეტ მათი უღლის საკვრელებს და მათი დამმონებლებისხელიდან დავიხსნი.

²⁸აღარ იქნებიან ნადავლად ხალხებისთვის და მიწის მხეცებიაღარ შეჭამენ მათ; მშვიდად იცხოვრებენ და აღარ ეყოლებათ დამაფრთხობელი.

²⁹აღვუდგენ სახელად ნერგს და აღარ გაწყდებიან შიმშილითამქვეყნად; აღარ ექნებათ დასათმენი შეურაცხყოფა ხალხებისგან.

³⁰მაშინ მიხვდებიან, რომ მე, უფალი მათი ღმერთი, მათთანავარ და ჩემი ერია ისინი - ისრაელის სახლი,ამბობს უფალი ღმერთი.

³¹თქვენ, ჩემო ცხვრებო, ჩემი საძოვრის ცხვრებო, ადამისმოდგმა ხართ, მე კი ღმერთი ვათ თქვენი! ამბობს უფალი ღმერთი.