Read ახალი ქართულით, Modern Georgian Bible, 1982 ეზეკიელ წინასწარმეტყველი 41 Bible Online

ეზეკიელ წინასწარმეტყველი 41 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 41

¹მიმიყვანა სასახლესთან და გაზომა სვეტები: სიგანე ექვსი წყრთა ერთ მხარეს და სიგანე ექვსი წყრთა მეორე მხარეს. ეს იყო კარვის სიგანე.

²შესასვლელის სიგანე ათი წყრთა; შესასვლელის ფრთა ხუთიწყრთა ერთ მხარეს და ხუთი წყრთა მეორე მხარეს; გაზომა მისი სიგრძე ორმოციწყრთა და სიგანე ოცი წყრთა.

³შევიდა შიგნით და გაზომა შესასვლელის სვეტი ორი წყრთა, და შესასვლელი ექვსი წყრთა, და შესასვლელის სიგანე შვიდი წყრთა.

⁴გაზომა მისი სიგრძე ოცი წყრთა და სიგანეც ოცი წყრთასასახლესთან და მითხრა: ეს არის წმიდათა წმიდა.

⁵გაზომა ტაძრის კედელი ექვსი წყრთა და გვერდითი სენაკებიირგვლივ ოთხი წყრთა, ტაძრის ირგვლივ.

⁶გვერდითი სენაკები ერთმანეთის ზემოთ იყო, სამ სართულად,თითო სართულში ოცდაათი; და მიუყვებოდა ტაძრის კედელს ირგვლივ, რომერთმანეთით ყოფილიყენენ გამაგრებული და ტაძრის კედელს არ დაყრდნობოდნენ.

⁷გვერდითი სენაკების სიგანე ფართოვდებოდა მაღლა და მაღლატაძრის გარშემო, რადგან ტაძარიც განივრდებოდა მაღლა და მაღლა, ისე რომქვედა სართულიდან ზედა სართულზე შუადან იყო ასასვლელი.

⁸დავინახე, სახლს ჰქონდა შემაღლებული ბაქანი ირგვლივ;გვერდითი სენაკების საძირკველი სრული ექვსი წყრთა ოყო.

⁹სენაკების კედლის სიგანე გარეთა მხარეს იყო ხუთი წყრთა,ხოლო ცარიელი ადგილი სენაკებს შორის ტაძრის იყო.

¹⁰მანძილი ოთახებს შორის ოცი წყრთა იყო ტაძრის ირგვლივ.

¹¹გვერდითი სენაკიდან ცარიელ ადგილზე იყო გასასვლელი, ერთიგასასვლელი ჩრდილოეთისკენ და ერთი გასასვლელი სამხრეთისკენ; ცარიელიადგილის სიგანე ხუთი წყრთა იყო ირგვლივ.

¹²შენობა, რომელიც შემოკავებული ადგილის წინ იდგა, დასავლეთისკენ, სიგანით სამოცდაათი წყრთა იყო; შენობის კედლის სიგანე ხუთი წყრთა იყო ირგვლივ და სიგრძე ოთხმოცდაათი წყრთა.

¹³გაზომა ტაძრის სიგრძე ასი წყრთა; შემოკავებული ადგილიშენობითურთ და მისი კედლები სიგრძით ასი წყრთა.

¹⁴ტაძრის სიგანე წინა მხარეს და შემოკავებული ადგილისა აღმოსავლეთისკენ ასი წყრთა.

¹⁵გაზომა ტაძრის სიგრძე შემოკავებულის მხარეს, მის უკან,თავისი სვეტნარით ორივე მხარეს ასი წყრთა; ასევე შიდა სასახლე და ეზოსსტოა.

¹⁶ზღურბლები, ცხაურიანი სარკმლები და სვეტნარი ირგვლივ სამსართულად, ზღურბლის წინ, ხით მოპირკეთებული ირგვლივ, იატაკიდანსარკმლებამდე (სარკმლები ყრუ იყო),

¹⁷შესასვლელის თავზე, ტაძრის შიდა და გარეთა მხარე, მთელიკედელი ირგვლივ, შიგნიდან და გარედან, თანაზომიერი იყო.

¹⁸ამოკვეთილი იყო ქერუბიმები და პალმები; პალმა ქერუბიმსადა ქერუბიმს შორის იყო, ორი სახე ჰქონდა ყოველ ქერუბიმს.

¹⁹კაცის სახე პალმისკენ იყო მიქცეული ერთ მხარეს და ლომისსახე პალმისკენ იყო მიქცეული მეორე მხარეს. ასე იყო გაკეთებული მთელსტაძარში, ირგვლივ.

²⁰იატაკიდან შესასვლელის თავამდე ქერუბიმები და პალმები იყოგამოხატული; ასევე ტაძრის კედელზე.

²¹სასახლის წყრთილები ოთხკუთხედი იყო, საწმიდარსაც იგივეშესახედაობა ჰქონდა.

²²ხის სამსხვერპლოს სიმაღლე სამი წყრთა იყო, სიგრძე ორიწყრთა; მისი კუთხეები, კვარცხლბეკი და კედლები ხისა იყო. მითხრა მან: ესსაკურთხეველია უფლის წინაშე.

²³ორ-ორი კარი ჰქონდა სასახლეს და საწმიდარს.

²⁴ორი ფრთა ჰქონდა თითო კარს, ორივე ფრთა მოტრიალე იყო; ორიფრთა ერთ კარს და ორი ფრთა მეორე კარს.

²⁵გამოსახული იყო მათზე, სასახლის კარებზე, ქერუბიმები დაპალმები ისევე, როგორც კედლებზე იყო გამოსახული; ხის ზღურბლი იყო სტოასწინ, გარეთ.

²⁶ცხაურიანი სარკმლები და პალმები აქეთ-იქით სტოასგვერდებზე, ტაძრის გვერდითი სენაკები და ზღურბლები.