Read ახალი ქართულით, Modern Georgian Bible, 1982 ეზეკიელ წინასწარმეტყველი 9 Bible Online

ეზეკიელ წინასწარმეტყველი 9 - ახალი ქართულით, Modern Georgian Bible, 1982 bible

ეზეკიელ წინასწარმეტყველი 9

¹ჩამძახა ყურში მაღალი ხმით და მითხრა: ახლოს მოდექით, ქალაქის დამსჯელნო, თითოეული თავისი დამღუპველი იარაღით ხელში!

²აჰა, ექვსი კაცი მოდის ზემო კარიბჭის გზით, ჩრდილოეთისკენრომ არის მიქცეული, და თითოეულს ხელში თავისი შემმუსვრელი იარაღი უჭირავს;ერთი მათგანი სელით არის შემოსილი და მწერლის სამელნე აქვს წელზე. მოვიდნენდა დადგნენ რვალის სამსხვერპლოსთან.

³ისრაელის ღვთის დიდება ასცილდა ქერუბიმს, რომელზედაც იყოის, და გაემართა ტაძრის ზღურბლისკენ; მოუწოდა სელით შემოსილ კაცს, რომელსაცმწერლის სამელნე ჰქონდა წელზე.

⁴უთხრა მას უფალმა: ჩაიარე ქალაქში, იერუსალიმში, დანიშანი დაადე შუბლზე იმ ხალხს, რომელიც კვნესის და მოთქვამს იქ ჩადენილსისაძაგლეთა გამო.

⁵სხვებს უთხრა ჩემს გასაგონად: მოიარეთ ქალაქი მათ კვალზედა მუსრეთ, ნუ შეიბრალებს თქვენი თვალი და ნუ დაინდობთ.

⁶მოხუცი და ჭაბუკი, ქალწული, ბავშვები და ქალები სრულიადამოხოცეთ; ვისაც ნიშანი ადევს, ხელი არ ახლოთ. ჩემი საწმიდარიდან დაიწყეთ.მათაც დაიწყეს ტაძრის წინ მყოფი უხუცესებიდან.

⁷უთხრა მათ: გააუწმიდურეთ ტაძარი და აავსეთ ეზოებიდახოცილებით და გადით. ისინიც გავიდნენ და ქალაქში დაიწყეს მუსვრა.

⁸როცა მათ გაავლეს მუსრი, მე კი გადავრჩი, პირქვე დავემხე,შევღაღადე და ვუთხარი: ვაგლახ, უფალო ღმერთო! ნუთუ გაწყვეტ ისრაელის მთელსნატამალს შენი რისხვის გადმოღვრით იერუსალიმზე?

⁹მითხრა: დიდზე დიდია ისრაელის და იუდას სახლის ეკეთურება;სისხლით აივსო ქვეყანა და ქალაქი უწმიდურებით არის სავსე, რადგან ამბობენ,მიატოვაო უფალმა ეს ქვეეანა და ვერაფერს ხედავსო უფალი.

¹⁰მეც ასე მოვიქცევი: არ შეიბრალებს ჩემი თვალი და არ დავინდობ. მათ თავზევე მოვაქცევ მათსავე საქმეებს.

¹¹აჰა, კაცმა, სელით შემოსილმა, რომელსაც მწერლის სამელნე ჰქონდა წელზე, მოიტანა პასუხად სიტყვა: შევასრულე, როგორც მიბრძანე.