ახალი ქართულით, Modern Georgian Bible, 1982 bible online

დანიელ წინასწარმეტყველი 3

¹გააკეთა მეფე ნაბუქოდონოსორმა ოქროს კერპი, სამოცი წყრთის სიმაღლისა და ექვსი წყრთის სიგანისა. დურას ველზე, ბაბილონის ქვეყანაში დადგა იგი.

²ხალხი დაგზავნა მეფე ნაბუქოდონოსორმა, რათა სატრაპნი,მთავარნი, მეფისნაცვალნი, მრჩეველნი, მეგანძურნი, მსაჯულნი, რჯულისკაცნი დამხარეთა განმგებელნი შეყრილიყვნენ და მოსულიყვნენ იმ კერპის კურთხევაზე,მეფე ნაბუქოდონოსორმა რომ აღმართა.

³მაშინ შეიკრიბნენ სატრაპნი, მთავარნი, მეფისნაცვალნი,მრჩეველნი, მეგანძურნი, მსაჯულნი, რჯულისკაცნი და მხარეთა განმგებელნი იმკერპის კურთხევაზე, რომელიც მეფე ნაბუქოდონოსორმა აღმართა. დადგნენ ისინიიმ კერპის წინაშე, მეფე ნაბუქოდონოსორმა რომ აღმართა.

⁴მაშინ მაწვევარმა ომახიანად დაიძახა: ხალხნო, ტომებო დაენანო! თქვენ გებრძანებათ!

⁵როგორც კი საყვირის, სალამურის, ბობღნის, სამბუკის,ქნარის, სტვირისა და ყველა სხვა სამუსიკო საკრავის ხმას გაიგონებთ, პირქვეუნდა დაემხოთ და თაყვანი სცეთ იმ ოქროს კერპს, მეფე ნაბუქოდონოსორმა რომაღმართა.

⁶ვინც არ დაემხობა და თაყვანს არა სცემს, იმწამსვე ცეცხლითგახურებულ ღუმელში იქნება ჩაგდებული.

⁷ამიტომ, როგორც კი ყველა ხალხმა გაიგონა საყვირის,სალამურის, ბობღნის, სამბუკის, ქნარისა და ყველა სამუსიკო საკრავის ხმა,ყველა ხალხი, ტომი და ენა დაემხო და თაყვანი სცა ოქროს კერპს, რომელიც მეფენაბუქოდონოსორმა აღმართა.

⁸ამ დროს იყო, რომ მოდგა ზოგიერთი ქალდეველი და იუდაელებსდაუწყეს ბრალის დადება.

⁹უამბეს მათ მეფე ნაბუქოდონოსორს და უთხრეს: მეფეო,იცოცხლე უკუნისამდე!

¹⁰მეფეო, შენ განკარგულება გაეცი, რომ ყოველი კაცი, რომელიც კი საყვირის, სალამურის, სამბუკის, ქნარის, სტვირისა და ყველა სხვა სამუსიკო საკრავის ხმას გაიგონებდა, უნდა დამხობილიყო და ოქროს კერპისთვის ეცა თაყვანი;

¹¹ხოლო ის, ვინც არ დაემხობოდა და თაყვანს არ სცემდა,ცეცხლით გახურებულ ღუმელში უნდა ჩაგდებულიყო.

¹²მაგრამ არიან იუდაელნი, რომელთაც შენ ბაბილონის ქვეყნის საქმეები ჩააბარე - შადრაქი, მეშაქი და ყაბედ-ნეგო. მეფეო, ეს ხალხი არ ემორჩილება შენს განკარგულებას. ისინი არც შენს ღმერთებს არ ემსახურებიან და არც იმ ოქროს კერპს სცემენ თაყვანს, შენ რომ აღმართე.

¹³მაშინ ბრაზითა და რისხვით ანთებულმა ნაბუქოდონოსორმაბრძანა შადრაქის, მეშაქისა და ყაბედ-ნეგოს მოყვანა. მოჰგვარეს მეფეს ესკაცები.

¹⁴მიუგო ნაბუქოდონოსორმა და უთხრა მათ: შადრაქ, მეშაქ დაყაბედ-ნეგო, ნუთუ განზრახ არ ემსახურებით ჩემს ღმერთებს და თაყვანს არსცემთ იმ ოქროს კერპს, მე რომ აღვმართე?

¹⁵ახლა კი მოემზადეთ და საყვირის, სალამურის, ბობღნის, სამბუკის, ქნარის, სტვირისა და სხვა ყველანაირი სამუსიკო საკრავის ხმის გაგონებაზე, დაემხეთ და თაყვანი ეცით იმ კერპს, მე რომ გავაკეთე: მაგრამ თუ თაყვანი არ გიციათ, იმწამსვე ცეცხლით გახურებულ ღუმელში იქნებით ჩაყრილი. რომელი ღმერთი დაგიხსნით მაშინ ჩემი ხელიდან?

¹⁶შადრაქმა, მეშაქმა და ყაბედ-ნეგომ მიუგეს და უთხრეს მეფეს: ნაბუქოდონოსორ, ძნელი არ არის ჩვენთვის მაგ კითხვაზე პასუხის გაცემა.

¹⁷აჰა, არსებობს ჩვენი ღმერთი, რომელსაც ვემსახურებით. მასშესწევს ძალა, რომ ცვცხლით გახურებული ღუმლიდანაც გადაგვარჩინოს და შენიხელიდანაც გვიხსნას, მეფეო!

¹⁸ასე რომც არ მოხდეს, იცოდე, მეფეო, ჩვენ მაინც არვემსახურებით შენს ღმერთებს და თაყვანს არ ვცემთ იმ ოქროს კერპს, შენ რომდადგი.

¹⁹მაშინ ნაბუქოდონოსორი რისხვით აღივსო; შადრაქზე, მეშაქზედა ყაბედ-ნეგოზე გაბრაზებულს სახის გამომეტყველება შეეცვალა და ბრძანებაგასცა, ღუმელი შვიდმაგად და უფრო მეტად გაეხურებინათ, ვიდრე ჩვეულებრივახურებდნენ.

²⁰უბრძანა თავისი მხედრობის უძლიერეს ვაჟკაცებს, შეეკრათშადრაქი, მეშაქი, ყაბედ-ნეგო და ცეცხლით გავარვარებულ ღუმელში ჩაეყარათ.

²¹მაშინ ეს კაცები, თავიანთი ქვედა და ზედა სამოსებით,მოსასხამებითა და სხვა შესამოსელით შემოსილნი, შეკრეს და ცეცხლით გახურებულღუმელში ჩაყარეს.

²²რაკი მკაცრი იყო მეფის ბრძანება და ღუმელი მეტისმეტად იყოგახურებული, ის კაცები, რომელნიც შადრაქს, მეშაქსა და ყბედ-ნეგოს ჰყრიდნენღუმელში, ცეცხლის ალმა დახოცა.

²³ხოლო ეს სამნი - შადრაქი, მეშაქი და ყაბედ-ნეგო ცეცხლითგახურებულ ღუმელში შებოჭილნი ჩაცვივდნენ.

²⁴[*] მიმოდიოდნენ ისინი შუაგულ ცეცხლში, უგალობდნენ ღმერთს დააკურთხებდნენ უფალს.

²⁵წამოიმართა ყაზარია, ილოცა შუა ცეცხლში, გახსნა პირი დაწარმოთქვა:

²⁶კურთხეული ხარ, უფალო, ჩვენი მამა-პაპის ღმერთო, ქებულიდა დიდებულია სახელი შენი უკუნისამდე.

²⁷რადგან ყველაფერში მართალი ხარ, რაც კი რამ ჩვენთვისგაგიკეთებია; ჭეშმარიტია ყოველი შენი საქმე, სწორია შენი გზები, ჭეშმარიტიაშენი სამართალნი;

²⁸შენ ყველაფერში ჭეშმარიტი სამართალნი აღასრულე ჩვენზე დაჩვენი მამა-პაპის წმიდა ქალაქზე - იერუსალიმზე, რადგან ჭეშმარიტებისა დასამართლის მიხედვით მოგვივლინე ყოველივე ჩვენი ცოდვების გამო;

²⁹რადგან ცოდვა ჩავიდინეთ და უკანონოდ მოვიქეცით შენგან განდგომილნი; ყველაფერში ვცოდავდით და ყურს არ ვუგდებდით შენს მცნებებს;

³⁰არ ვიცავდით მათ და არ ვასრულებდით ისე, როგორც შენგვიბრძანე, რათა სიკეთე მოგვნიჭებოდა.

³¹ყველაფერი, რაც კი ჩვენ შეგვამთხვიე და ყველაფერი, რაცგვიყავი, ჭეშმარიტი სამართლის მიხედვით მოგვიზღე;

³²ჩაგვყარე ურჯულო მტრების, უბილწეს განდგომილთა, უსამართლოდა მთელს ქვეყანაზე უბოროტესი მეფის ხელში.

³³და ახლა აღარ შეგვიძლია პირის გახსნა; შენს მორჩილთათვისდა შენს თაყვანისმცემელთათვის სამარცხვინო და საცინლად ასაგდებნიშევიქენით.

³⁴მაგრამ საბოლოოდ ნუ დაგვკარგავ შენი სახელის გულისთვის,რათა შენი აღთქმა არ დაირღვეს.

³⁵ნუ წაგვართმევ შენს მოწყალებას იმ აბრაამის გულისთვის,შენ რომ შეიყვარე, შენი მორჩილის, ისაკის გულისთვის და ისრაელის, შენიწმიდის გულისთვის;

³⁶რომელთაც უთხარი, ცის ვარსკვლავებივით და ზღვისქვიშასავით რომ გაამრავლებდი მათ თესლს.

³⁷უფალო, ჩვენ დავმდაბლდით ყველა ხალხზე მეტად და ახლადამცირებულნი ვართ მთელს ქვეყანაზე ჩვენი ცოდვების გამო.

³⁸აღარა გვყავს ამჟამად აღარც მთავარი, აღარცწინასწარმეტყველი, აღარც წინამძღოლი, აღარც აღსავლენი გვაქვს, აღარცმსხვერპლები, აღარც საძღვნები, აღარც საკმეველი და აღარც ადგილი, რომმსხვერპლი შემოგწიროთ და შენი წყალობა მოვიპოვოთ.

³⁹მაგრამ შემუსვრილი გულითა და მოთრგუნული სულით ისევევიქნებით შეწყნარებუღანი, როგორც კრავებისა და ხარების აღსავლენით, როგორცათასი პოხილი ცხვრით.

⁴⁰ეს იყოს ჩვენი მსხვერპლი შენს წინაშე სადღეისოდ, რათაწყალობა ვპოვოთ შენს თვალში, რადგან არ შერცხვებიან შენი მოიმედენი.

⁴¹ახლა ჩვენ მოგყვებით მთელი გულით, გვეშინია შენი დადავეძებთ შენს სახეს; ნუ შეგვარცხვენ,

⁴²არამედ მოგვექეცი შენი კაცთმოყვარეობისამებრ შენი უხვიმოწყალებისამებრ.

⁴³გვიხსენი შენი სასწაულებით და მიეცი დიდება შენს სახელს, უფალო.

⁴⁴დაე, შერცხვნენ ყველანი, ვინც შენს მორჩილებს ბოროტებასუკეთებენ; შერცხვნენ მთელი თავიანთი ძლიერებით და შეიმუსროს მათი ძალა.

⁴⁵დაე, შეიგნონ, რომ მხოლოდ შენა ხარ უფალი ღმერთი,განდიდებული მთელს ქვეყნიერებაზე.

⁴⁶მეფის მსახურები კი, რომლებმაც ჩაყარეს ისინი, განუწყვეტლივ უკეთებდნენ ღუმელში ნავთს, კუპრს, ძენძსა და ფიჩხს.

⁴⁷ღუმელის ზემოთ ალი ორმოცდაცხრა წყრთაზე ადიოდა.

⁴⁸შიგ ვარდებოდა ყველა და იბუგებოდა, ვინც კი ქალდეველთაგანმოხვდებოდა ღუმელის გვერდით.

⁴⁹მაგრამ უფლის ანგელოზი ჩამოეშვა ღუმელში ყაზარიასთან დამასთან მყოფებთან ერთად და ღუმელიდან გამოდევნა ცეცხლის ალი.

⁵⁰ისე გააკეთა, რომ ხმაურიანი და ნესტიანი ქარივით უბერავდაშუაგულ ღუმელში, ამიტომ ცეცხლი ვერ მიეკარა მათ, ვერც ავნო და ვერც შეაშინაისინი.

⁵¹მაშინ ამ სამმა იგალობეს, ადიდეს და აკურთხეს ღმერთიღუმლის წიაღში:

⁵²კურთხეული ხარ, უფალო, ჩვენი მამა-პაპის ღმერთო, ქებულიდა დიდებული ხარ უკუნისამდე; კურთხეულია შენი დიდების სახელი, წმიდა,ქებული და განდიდებულია უკუნისამდე!

⁵³კურთხეული ხარ შენი დიდების წმიდა ტაძარში; ქებული დადიდებული ხარ უკუნისამდე!

⁵⁴კურთხეული ხარ შენ, უფსკრულთა მხილველი, ქერუბიმებზემჯდომარევ, ქებული და დიდებული ხარ უკუნისამდე!

⁵⁵კურთხეული ხარ შენს სამეუფო ტახტზე, ქებული და დიდებულიხარ უკუნისამდე!

⁵⁶კურთხეული ხარ ცის მყარზე, ქებული და დიდებული ხარუკუნისამდე!

⁵⁷აკურთხეთ უფლის ყოველი საქმე, უგალობეთ და განადიდეთუკუნისამდე.

⁵⁸აკურთხეთ, უფლის ანგელოზნო, უფალი, უგალობეთ და განადიდეთუკუნისამდე!

⁵⁹აკურთხეთ, ცანო, უფალი, უგალობეთ და განადიდეთუკუნისამდე!

⁶⁰ადიდეთ, წყალნო ცის ზემოთ უფალი, უგალობედა განადიდეთუკუნისამდე!

⁶¹აკურთხეთ, უფლის ძალნო, უფალი, უგალობეთ და განადიდეთ იგიუკუნისამდე!

⁶²აკურთხეთ, მზეო და მთვარევ, უფალი, უგალობეთ და განადიდეთიგი უკუნისამდე!

⁶³აკურთხეთ, ცის ვარსკვლავნო, უფალი, უგალობეთ და განადიდეთიგი უკუნისამდე!

⁶⁴აკურთხეთ, ყოველო წვიმავ და ცვარ-ნამო, უფალი, უგალობეთ და განადიდეთ იგი უკუნისამდე!

⁶⁵აკურთხეთ, ყოველნო ქარნო, უფალი, უგალობეთ და განადიდეთიგი უკუნისამდე!

⁶⁶აკურთხეთ, ცეცხლო და სიცხევ, უფალი, უგალობეთ დაგანადიდეთ იგი უკუნისამდე!

⁶⁷აკურთხეთ, ყინვაო და ხვატო, უფალი, უგალობეთ და განადიდეთიგი უკუნისამდე!

⁶⁸აკურთხეთ, ცვარ-ნამნო და თოვლ-ჭყაპნო, უფალი, უგალობეთ დაგანადიდეთ იგი უკუნისამდე!

⁶⁹აკურთხეთ, ყინვავ და სიცივევ, უფალი, უგალობეთ დაგანადიდეთ იგი უკუნისამდე!

⁷⁰აკურთხეთ, ჭირხლნო და თოვლნო, უფალი, უგალობეთ დაგანადიდეთ უკუნისამდე!

⁷¹აკურთხეთ, დღეო და ღამევ, უფალი, უგალობეთ და განადიდეთიგი უკუნისამდე!

⁷²აკურთხეთ, ნათელო და ბნელო, უფალი, უგალობეთ და განადიდეთიგი უკუნისამდე!

⁷³აკურთხეთ, ელვავ და ღრუბელნო, უფალი, უგალობეთ დაგანადიდეთ იგი უკუნისამდე!

⁷⁴აკურთხოს დედამიწამ უფალი, უგალობოს და განდიდოს იგიუკუნისამდე!

⁷⁵აკურთხეთ, მთანო და ბორცვნო, უფალი, უგალობეთ დაგანადიდეთ იგი უკუნისამდე!

⁷⁶აკურთხეთ უფალი, ყოველნო მცენარენო დედამიწაზე, უგალობეთდა განადიდეთ იგი უკუნისამდე!

⁷⁷აკურთხეთ, წყაროსთვალნო, უფალი, უგალობეთ და განადიდეთიგი უკუნისამდე!

⁷⁸აკურთხეთ, ზღვანო და მდინარენო, უფალი, უგალობეთ დაგანადიდეთ იგი უკუნისამდე!

⁷⁹აკურთხეთ უფალი, ვეშაპნო და წყალში მოფუთფუთენო, უგალობეთდა განადიდეთ იგი უკუნისამდე!

⁸⁰აკურთხეთ, ცის ყოველნო ფრინველნო, უფალი, უგალობეთ დაგანადიდეთ იგი უკუნისამდე!

⁸¹აკურთხეთ, ოთხფეხნო და მიწის ყოველნო მხეცნო, უფალი,უგალობეთ და განადიდეთ იგი უკუნისამდე!

⁸²აკურთხეთ, ადამის ძენო, უფალი, უგალობეთ და განადიდეთ იგიუკუნისამდე!

⁸³აკურთხე, ისრაელ, უფალი, უგალობე და განადიდე იგიუკუნისამდე!

⁸⁴აკურთხეთ, მღვდელნო, უფალი, უგალობეთ და განადიდეთ იგი უკუნისამდე!

⁸⁵აკურთხეთ, უფლის მორჩილნო, უფალი, უგალობეთ და განადიდეთიგი უკუნისამდე!

⁸⁶აკურთხეთ, მართალთა სულნო და სამშვინველნო, უფალი,უგალობეთ და განადიდეთ იგი უკუნისამდე!

⁸⁷აკურთხეთ, წმიდანო და გულით გლახაკნო, უფალი, უგალობეთ დაგანადიდეთ იგი უკუნისამდე!

⁸⁸აკურთხეთ უფალი, ხანანია, ყაზარია და მისაელ, უგალობეთ დაგანადიდეთ იგი უკუნისამდე, რადგან მან გამოგვიყვანა ჯოჯოხეთიდან, მანგვიხსნა სიკვდილის ხელიდან, გამოგვტაცა გავარვარებული ღუმელის წიაღს,დაგვიხსნა შუაგულ ცეცხლიდან!

⁸⁹აქეთ უფალი, რადგან კეთილია, რადგან უკუნისამდეა წყალობამისი!

⁹⁰უფლის თაყვანისმცემელნო, აკურთხეთ ღმერთთა ღმერთი,უგალობეთ და აქეთ იგი, რადგან უკუნისამდეა წყალობა მისი!

⁹¹მაშინ გაოცდა მეფე ნაბუქოდონოსორი და შეშინებულიწამოვარდა. მიუგო და უთხრა თავის მრჩეველთ: ჩვენ სამი შეკრული კაცი არჩავაგდეთ ღუმელში? მიუგეს მათ და უპასუხეს მეფეს: ჭეშმარიტად ასე იყო,მეფეო!

⁹²მიუგო მან და თქვა: აჰა, ოთხ ხელ-ფეხ გახსნილ კაცსვხედავ, შუაგულ ცეცხლში მიმოდიან ისინი უვნებელად; მეოთხე შესახედაობითღვთის შვილს ჰგავს.

⁹³მაშინ მიუახლოვდა ნაბუქოდონოსორი გავარვარებული ღუმლისპირს, შეუძახა და უთხრა: შადრაქ, მეშაქ და ყაბედ-ნეგო, მაღალი ღმერთისმორჩილნო, გამოდით და აქ მოდით! მაშინ შადრაქი, მეშაქი და ყაბედნეგოგამოვიდნენ შუაგულ ცეცხლიდან.

⁹⁴შემოკრბენ სატრაპები, მთავარნი, მეფისნაცვალნი და მეფისმრჩეველნი და ნახეს, რომ ამ ვაჟებს ტანზე ცეცხლს თავისი ძალა ვერ მიეტანა:თავზე თმებიც არ შეტრუსვოდათ, სამოსელიც არ შეცვლოდათ და კვამლის სუნიც კიარ უდიოდათ.

⁹⁵მიუგო ნაბუქოდონოსორმა და თქვა: კურთხეულია ღმერთი შადრაქის, მეშაქისა და ყაბედ-ნეგოსი, რომელმაც თავისი ანგელოზი გამომიგზავნა და იხსნა თავისი მორჩილნი, რადგან მისი მოესავნი იყვნენ ისინი, არ დაემორჩილნენ მეფის განკარგულებას და საკუთარი ტანიც კი გასწირეს, რომ თავიანთი ღმერთის გარდა, სხვა ღმერთისთვის არ ემსახურათ და თაყვანი არ ეცათ.

⁹⁶ამიტომ ვიძლევი ბრძანებას: თუ ვინმე რომელიმე ხალხიდან,ტომიდან ან ენიდან შადრაქის, მეშაქის და ყაბედ-ნეგოს ღმერთზე აუგს იტყვის,ასო-ასო აიკუწება, მისი სახლი კი ნანგრევებად იქცევა. რადგან არ არსებობსსხვა ღმერთი, მის მსგავსად რომ შეეძლოს ხსნა.

⁹⁷მაშინ მეფემ კვლავ აღამაღლა ბაბილონის ქვეყანაში შადრაქი,მეშაქი და ყაბედ-ნეგო.

⁹⁸მეფე ნაბუქოდონოსორი ყველა ხალხს, ტომს, ენასა და მთელიდედამიწის ზურგზე მცხოვრებთ ასე უცხადებს: მშვიდობა გაგიმრავლდეთ!

⁹⁹ნიშნები და სასწაულები, რომელნიც მაღალმა ღმერთმა ჩემზემოახდინა, მსურს გაცხადებულ იქნას.

¹⁰⁰რაოდენ დიდია მისი ნიშები, რაოდენ ძლევამოსილია მისისასწაულები! მისი სამეფო სამარადისო სამეფოა, მისი ხელმწიფება კი უკუნითიუკუნისამდეა!

Read ახალი ქართულით, Modern Georgian Bible, 1982 დანიელ წინასწარმეტყველი 3 Bible Online

დანიელ წინასწარმეტყველი 3 - ახალი ქართულით, Modern Georgian Bible, 1982 bible

დანიელ წინასწარმეტყველი 3