Read ახალი ქართულით, Modern Georgian Bible, 1982 დანიელ წინასწარმეტყველი 4 Bible Online

დანიელ წინასწარმეტყველი 4 - ახალი ქართულით, Modern Georgian Bible, 1982 bible

დანიელ წინასწარმეტყველი 4

¹მე, ნაბუქოდონოსორი, მშვიდად ვიყავი ჩემს სახლში და ვყვაოდი ჩემს სასახლეში.

²ვნახე სიზმარი, რომელმაც თავზარი დამცა. ფიქრებმა და ჩემითავის ხილვებმა შემაძრწუნეს ჩემს სარეცელზე.

³განკარგულება გავეცი, რომ ჩემთან მოეყვანათ ყველაბაბილონელი ბრძენკაცი, რომ აეხსნათ სიზმარი.

⁴მაშინ მოვიდნენ ჯადოქრები, შემლოცველნი, ქალდეველნი დავარსკვლავთმრიცხველნი. ვუთხარი სიზმარი, მაგრამ ვერ შესძლეს მისი ახსნა.

⁵ბოლოს მოვიდა დანიელი, რომელსაც ჩემი ღმერთის სახელისმსგავსად ბელტეშაცარი ჰქვია და რომელშიც წმიდა ღმერთების სულია. მასაცვუამბე სიზმარი.

⁶ბელტეშაცარ, მთავარო! ვიცი, შენში წმიდა ღმერთების სულიადა არანაირი საიდუმლო არ არის შენთვის მიუწვდომელი; აჰა, ჩემი სიზმარი,რომელიც ვიხილე, და მითხარი მისი განმარტება.

⁷აჰა, თავი მედო ჩემს სარეცელზე და ვიხილე ხილვა: აჰა,დედამიწის შუაში მაღალი ხე დგას.

⁸გაიზარდა ეს ხე და გამაგრდა. მისი სიმაღლე ზეცას აღწევდადა დედამიწას ყველა კუთხიდან მოსჩანდა.

⁹მშვენიერი ფოთლები აქვს, ნაყოფიც უხვად ასხია. მასზეყველასათვის არის საზრდო, მის ჩრდილქვეშ მინდვრის მხეცები აფარებდნენ თავს.მის ტოტებში ცის ფრინველები ბუდობდნენ და მისგან საზრდოობდა ყოველიხორციელი.

¹⁰ვიხილე ხილვა, როცა თავი მედო ჩემს სარეცელზე: აჰა, ზეციდან ჩამოეშვა მღვიძარე და წმიდა.

¹¹მან ომახიანად დაიძახა და თქვა: მოკვეთეთ ეგ ხე, აკაფეთმისი ტოტები, დააცალეთ ფოთლები, გააბნიეთ მისი ნაყოფი. გაეცალონ მის ძირსმხეცები, ფრინველები - მის ტოტებს!

¹²ოღონდ მისი მთავარი ფესვი მიწაში ჩატოვეთ, რკინის და სპილენძის ბორკილებში, მინდვრის ბალახებს შორის ზეცის ცვარ-ნამით ირწყვებოდეს იგი და მხეცებთან ერთად მიწის ბალახით საზრდოობდეს.

¹³კაცის გული წაერთმევა მას და მხეცის გული მიეცემა; შვიდიწელიწადი გადაუვლის მას.

¹⁴ეს მღვიძარეთა განგებით არის დადგენილი და წმიდათაბრძანებით არის ეს დაწესებული, რათა ცოცხლებმა იცოდნენ, რომ უზენაესიხელმწიფებს კაცთა სამეფოზე; ვისაც უნდა, იმას აძლევს მას და კაცთაგანყველაზე დამცირებულს გააბატონებს მასზე.

¹⁵აჰა, ეს სიზმარი ვნახე მე, ნაბუქოდონოსორმა. შენ კი, ბელტეშეცარ, უნდა ამიხსნა იგი, რადგან ჩემს სამეფოში არცერთ ბრძენს არ შეუძლია მისი ახსნა, შენ კი შეგიძლია, რადგან შენშია წმიდა ღმერთების სული.

¹⁶მაშინ დანიელი, რომლის სახელია ბელტეშაცარი, ერთხანს შეცბუნებული იყო და ფიქრები აფორიაქებდა. მიუგო მეფემ და უთხრა: ბელტეშაცარ, ნუ გაღელვებს ეს სიზმარი და მისი ახსნა. მიუგო ბელტეშაცარმა და უთხრა: ჩემო ბატონო, შენს მოძულეთ ეს სიზმარი და შენს მტრებს მისი ახსნა!

¹⁷ის ხე, რომელიც შენ ნახე, რომ იზრდებოდა, მაგრდებოდა,სიმაღლით ზეცას სწვდებოდა და მთელ დედამიწაზე რომ მოჩანდა,

¹⁸მშვენიერი ფოთლები, მრავალი ნაყოფი და ყველასათვის საზრდორომ ჰქონდა; რომლის ქვეშაც ველის მხეცები იყვნენ და რომლის ტოტებშიც ცისფრინველები ბუდობდნენ,

¹⁹ეს შენა ხარ, მეფეო, განდიდებული და განმტკიცებული; შენისიდიადე გაიზარდა და ზეცას მისწვდა, შენი ხელისუფლება კი დედამიწისკიდეებამდე გავრცელდა.

²⁰მეფემ რომ მღვიძარი და წმიდა იხილა, რომელიც ზეციდანჩამოეშვა და თქვა: მოკვეთეთ და აჩეხეთ, ოღონდ მისი მთავარი ფესვი მიწაშიჩატოვეთო რკინისა და სპილენძის ბორკილებში, მინდვრის ბალახებს შორის, ზეცისცვარ-ნამით ირწყვებოდეს და მინდვრის მხეცებთან ჰქონდესო წილი, ვიდრე შვიდიწელიწადი გადაუვლიდესო.

²¹აჰა, მისი ახსნა, მეფეო: ეს უზენაესის განგებაა, რომელიცჩემს მეფე-ბატონს დაატყდება თავს.

²²მოიკვეთები კაცთაგან და მინდვრის მხეცებთან იცხოვრებ;ხარების მსგავსად ბალახს გაჭმევენ; ზეცის ცვარ-ნამს დალევ და შვიდიწელიწადი გადაივლის შენზე, ვიდრე მიხვდებოდე, რომ უზენაესი ხელმწიფებსკაცთა სამეფოზე და ვისაც უნდა, იმას აძლევს.

²³ხის მთავარი ფესვის დატოვება რომ იყო ნაბრძანები, ეს იმას ნიშნავს, რომ შენი სამეფო დაგიბრუნდება, როდესაც შენ ზეციერ ხელმწიფებას შეიცნობ.

²⁴ამიტომ, მეფეო, მიიღე ჩემი რჩევა და შენი ცოდვებისიმართლით გამოისყიდე, შენი უსამართლობანი კი - ღარიბებისადმიგულმოწყალეობით. ვინძლო გახანგრძლივდეს შენი სიმშვიდე.

²⁵ახდა ყოველივე ეს მეფე ნაბუქოდონოსორზე.

²⁶თორმეტი თვის შემდეგ, ბაბილონის სამეფო სასახლეშისეირნობისას

²⁷ალაპარაკდა მეფე და თქვა: ეს ის დიდებული ბაბილონი არარის, რომელიც მეფის სადიდებლად ავაშენე ჩემი ხელმწიფების ძალით ჩემისიდიადის საქებრად?

²⁸მეფეს ჯერ სიტყვა არ გაეთავებინა, რომ ზეციდან ხმაგაისმა: შენ გეუბნებიან, მეფე ნაბუქოდონოსორ, ხელიდან გეცლება სამეფო.

²⁹მოიკვეთები კაცთაგან, მინდვრის მხეცებთან იცხოვრებ, ხარების მსგავსად ბალახს გაჭმევენ და შვიდი წელიწადი გადაივლის შენზე, ვიდრე გაიგებდე, რომ უზენაესი ხელმწიფობს კაცთა სამეფოზე და ვისაც უნდა, იმას აძლევს.

³⁰მალედვე აღსრულდა ნაბუქოდრნოსორზე ეს განაჩენი. მოკვეთესიგი კაცთაგან; ხარების მსგავსად ბალახის ჭამა დაიწყო; მისი სხეული ზეცისცვარ-ნამით სველდებოდა, ისე რომ თმები არწივის ბუმბულივიი გაუხდა,ფრჩხილები კი - ფრინვგლის კლანჭებივით.

³¹ის დღეები რომ ჩამოთავდა, თვალები ზეცას მივაპყარ მე,ნაბუქოდონოსორმა, და გონება დამიბრუნდა. ვაკურთხე უზენაესი, ვაქე და ვადიდემარადცოცხალი, რომლის ხელმწიფებაც სამარადისო ხელმწიფებაა და ვისი სამეფოცუკუნითი უკუნისამდეა.

³²დედამიწის ყველა მკვიდრი არაფერია მის თვალში; თავისნებაზე იქცევა, როგორც ზეცის მხედრობაში, ისევე ქვეყნის მკვიდრებში, მისხელს წინ ვერავინ აღუდგება და ვერავინ ვერ ეტყვის: ამას რას შვრებიო?

³³მაშინ დამიბრუნდა გონება, ჩემი სამეფოს სადიდებლად დამიბრუნდა ჩემი დიდება და ჩემი უწინდელი სახე. მაშინ მომძებნეს ჩემმა მრჩევლებმა და დიდკაცებმა და კვლავ დადგენილი ვარ ჩემს სამეფოზე და ჩემი სიდიადე უფრო მეტად გაიზარდა.

³⁴ახლა მე, ნაბუქოდონოსორთ, ვაქებ, აღვამაღლებ და ვადიდებზეციერ მეფეს, რომლის ყოველი საქმე ჭეშმარიტია და გზანი სამართლიანია,რომელსაც ძალუძს დაამდაბლოს ამაყად მავალნი.