Read ახალი ქართულით, Modern Georgian Bible, 1982 დანიელ წინასწარმეტყველი 6 Bible Online

დანიელ წინასწარმეტყველი 6 - ახალი ქართულით, Modern Georgian Bible, 1982 bible

დანიელ წინასწარმეტყველი 6

¹დარიოს მიდიელმა სამოცდაორი წლის ასაკში მიიღო სამეფო.

²დარიოსმა გადაწყვიტა თავის სამეფოში ასთორმეტი სატრაპიდაეყენებინა, რათა მთელს სამეფოში ყოფილიყვნენ.

³მათ კი სამი მთავარი დაუნიშნა მათ შორის ერთი დანიელი,რათა სატრაპებს მათთვის წარედგინათ ანგარიში და მეფეს არ ეზარალა.

⁴მაშინ სხვა მთავრებზე და სატრაპებზე მეტად აღზევდადანიელი, რადგან მასში საკვირველი სული იყო, და მეფე ფიქრობდა მთელსამეფოზე დაეყენებინა იგი.

⁵მაშინ მთავრებმა და სატრაპებმა საბაბს დაუწყეს ძებნა, რომდანიელისთვის სამეფოს მართვის საქმეში ბრალი დაედოთ. მაგრამ რაიმე საბაბისადა შეცოდების პოვნა ვერ იქნა და ვერ მოახერხეს, რადგან ერთგული იყო იგი დარაიმე შეცდომა ან დანაშაული არ აღმოაჩნდა.

⁶მაშინ ამ კაცებმა თქვეს: დანიელს ვერავითარ ბრალს ვერვუპოვნით, მისი საწინააღმდეგო მისივე ღმერთის რჯულში თუ არ ვიპოვეთო.

⁷მთავრები და სატრაპები მიადგნენ მეფეს და უთხრეს: მეფედარიოს, იცოცხლე უკუნისამდე!

⁸სამეფოს ყველა დიდებულმა, მთავრებმა, სატრაპებმა,მრჩევლებმა და მეფისნაცვალებმა მოითათბირეს, რათა დადგენილ იქნას სამეფოდადგენილება და გაიცეს ბრძანება, რომ ყველა, ვინც კი ოცდაათი დღისგანზვლთბაში რომელიმე ღმერთს ან კაცს, შენს გარდა, მეფეო, თხოვნითმიმართავს, ლომების ხაროში იქნას ჩაგდებული.

⁹ახლა კი, მეფეო, დაამტკიცე ეს დადგენილება და ხელიმოაწერე სიგელს, რომ უცვალებელი იყოს, როგორც მიდიელთა და სპარსელთაკანონი, რომლის შეცვლა არ ეგების.

¹⁰ამიტომ დაწერა მეფე დარიოსმა სიგელი და ბრძანება.

¹¹როდესაც დანიელმა შეიტყო, რომ ასეთი სიგელი დაიწერა, შინ წავიდა და თავისი ქორედის სარკმლების წინ, რომლებიც იერუსალიმის მხარეს იყურებოდა დღეში სამჯერ იდრეკდა მუხლს, ევედრებოდა თავის ღმერთს და ჰმადლობდა, როგორც ამის წინ იქცეოდა.

¹²მაშინ ის კაცები თავს წაადგნენ და წაასწრეს დანიელს, როცა იგი ლოცულობდა და თავისი ღმერთის წინაშე წყალობას ითხოვდა.

¹³მერე მივიდნენ და მეფეს მოახსენეს მეფის ბრძანებისთაობაზე: განა შენ არ დაწერე ბრძანება, რომ ყველა ის კაცი, რომელიც ოცდაათიდღის განმავლობაში რომელიმე ღმერთს ან კაცს შენს გარდა, მეფეო, მიმართავსთხოვნით, ლომების ხაროში იქნებაო ჩაგდებული? მიუგო მეფემ და უთხრა:ჭეშმარიტია ეს სიტყვა, როგორც მიდიელთა და სპარსელთა კანონი, რომლისშეცვლაც არ ეგების.

¹⁴მაშინ მიუგეს მათ და უთხრეს მეფეს: მეფეო, დანიელი,იუდავლი ტყვე, არც შენ გაქცევს ყურადღებას და არც შენს მიერ დაწერილბრძანებას; დღეში სამჯერ ლოცულობს თავისი ლოცვებით.

¹⁵ეს რომ მეფემ გაიგო, ძალზე შეწუხდა და დანიელის ხსნა ჩაიდო გულში; მზის ჩასვლამდე ცდილობდა მის დახსნას.

¹⁶მაგრამ ის კაცები მიეახლნენ და უთხრეს: იცოდე, მეფეო, რომ მიდიელთა და სპარსელთა კანონით მეფის ყოველი ბრძანება და დადგენილება უცვალებელი უნდა იყოს.

¹⁷მაშინ მეფის ბრძანებით მოიყვანეს დანიელი და ლომებისხაროში ჩააგდეს. მიაძახა მეფემ დანიელს და უთხრა: იმ შენმა ღმერთმაგიშველოს, რომელსაც ასე ერთგულად ემსახურებოდი!

¹⁸მოიტანეს ლოდი და იმ ხაროს პირს დააფარეს. მეფემ იგითავისი ბეჭდითა და დიდკაცების ბეჭდებით დაბეჭდა, რათა დანიელის მიმართარაფერი შეცვლილიყო.

¹⁹მერე თავის სასახლეში წავიდა მეფე. ღამე მარხულმა გაატარადა თავშესაქცევი არაფერი მოუთხოვია, ძილიც არ მიკარებია.

²⁰დილით, განთიადისას ადგა მეფე და სასწრაფოდ ლომების ხაროსმიაშურა.

²¹ორმოს რომ მიუახლოვდა, ნაღვლიანი ხმით ჩასძახა მეფემ დანიელს და უთხრა: დანიელ, ცოცხალი ღმერთის მორჩილო, აბა, თუ შეძლო შენი ხსნა ლომებისგან იმ ღმერთმა, ერთგულად რომ ემსახურებოდი?

²²მაშინ გამოეპასუხა დანიელი მეფეს: მეფეო, იცოცხლეუკუნისამდე!

²³ჩემმა ღმერთმა თავისი ანგელოზი გამომიგზავნა, ლომებსპირები აუკრა და მათაც არ მავნეს მე, რადგან მე ღვთის წინაშეც სუფთააღმოვჩნდი და შენს წინაშეც. ბრალი არა მაქვს მე, მეფეო.

²⁴მაშინ დიდად გაიხარა მეფემ მასზე და დანიელის ხაროდანამოყვანა ბრძანა. ამოიყვანეს დანიელი ხაროდან. უვნებელი იყო იგი, რადგანმას სწამდა თავისი ღმერთისა.

²⁵მეფემ ბრძანა, მოეყვანათ ის კაცები, რომელნიც დანიელსაბეზღებდნენ, და ცოლ-შვილიანად ლომების ხაროში ჩაეყარათ. ჯერ ხაროს ძირამდეარც კი ჩაეღწიათ, რომ ლომებმა პირი სტაცეს და მათი ძვლები ნამსხვრევებადაქციეს.

²⁶ამის შემდეგ დარიოსმა ყველა ხალხს, ტომს და ენას - მთელიქვეყნის მკვიდრებს მისწერა: მშვიდობა გაგიმრავლდეთ!

²⁷ბრძანებას ვიძლევი, რომ ჩემი სამეფოს ყველა სამთავროშიძრწოდნენ და შიშში იყვნენ დანიელის ღმერთის წინაშე, როდგან იგი ცოცხალი დამარადმყოფელი ღმერთია, მისი სამეფო შეუმუსრავია და მისი ხელმწიფებადაუსრულებულია;

²⁸იგი შველის და იხსნის, სასწაულებსა და ნიშნებს ახდენსცაზე და დედამიწაზე. მან იხსნა დანიელი ლომების ხელიდან.

²⁹წარმატებული იყო დანიელი დარიოსისა და კიროს სპარსელის მეფობის დროს.