Read ახალი ქართულით, Modern Georgian Bible, 1982 დანიელ წინასწარმეტყველი 7 Bible Online

დანიელ წინასწარმეტყველი 7 - ახალი ქართულით, Modern Georgian Bible, 1982 bible

დანიელ წინასწარმეტყველი 7

¹ბელშაცარის, ბაბილონის მეფის, პირველ წელს დანიელმა ნახა სიზმარი და თავისი გონების ხილვა თავისავე სარეცელზე. მაშინ ჩაიწერა მან ეს სიზმარი და გადმოსცა მთავარი აზრი.

²ალაპარაკდა დანიელი და თქვა: ღამით ჩემს ხილვაში ვიხილე:აჰა, ზეცის ოთხი ქარი დიდ ზღვას აწყდებოდა;

³ზღვიდან ოთხი, ერთიმეორისგან განსხვავებული, ვეება მხეციგამოვიდა.

⁴პირველი ლომსა ჰგავდა და არწივის ფრთები ჰქონდა. ვნახე,ბოლოს როგორ დააგლიჯეს ეს ფრთები. იგი წამოყენებულ იქნა მიწიდან, კაცივითფეხზე იქნა დაყენებული და კაცისავე გული მიეცა.

⁵აჰა, ის მეორე მხეცი დათვსა ჰგავდა და ისე იდგა, რომპირველს ეყუდებოდა პირში, კბილებს შორის, სამი ეშვი ჰქონდა. უთხრეს მას:ადექ და ჭამე ბევრი ხორცი!

⁶შემდეგ დავინახე: აჰა, ავაზის მსგავსი მხეცი, ზურგზე ოთხიფრთა ჰქონდა, ფრინველისა; ოთხი თავი ჰქონდა ამ მხეცს და ხელმწიფება მიეცამას.

⁷ამის შემდეგ ჩემი ღამის ხილვაში ვნახე: აჰა, მეოთხემხეცი, საშინელი, საზარელი და ძალზე ღონიერი; რკინის ვეება კბილები ჰქონდა.იგი ნთქავდა, მუსრავდა და ნარჩენებს ფეხით თელავდა. გამოირჩეოდა ყველაწინამორბედი მხეცისგან და ათი რქა ჰქონდა.

⁸მე დავაცექრდი ამ რქებს და, აჰა, მათ შორის კიდევ ერთიმომცრო რქა ამოვიდა და სამი ძველი რქა ძირიანად ამოაგდო. აჰა, ამ რქასთვალები კაცის თვალებს მიუგავდა და პირი მისი ამპარტავნულად ლაპარაკობდა.

⁹ბოლოს ვნახე, რომ დაიდგა ტახტრევნები და დაჯდა ძველიდღეთა. მისი სამოსელი თოვლივით სპეტაკი იყო და სუფთა მატყლივით იყო თმებიმის თავზე. მისი ტახტი ცეცხლის ელვარება იყო, მისი ეტლის თვლები კი -მგზნებარე ცეცხლი.

¹⁰მოედინებოდა ცეცხლოვანი მდინარე და მის წინ გამოდიოდა. ათასის ათასნი ემსახურებოდნენ მას და ბევრის ბევრნი იდგნენ მის წინაშე. დაჯდა სამსჯავრო და გადაიშალა წიგნები.

¹¹მაშინ ვნახე: იმ ამპარტავნული სიტყვების გამო, რქა რომ ამბობდა, ჩემს თვალწინ მოკლულ იქნა ის მხეცი; მისი გვამი კი შეიმუსრა და ცეცხლს მიეცა დასაწველად.

¹²დანარჩენ მხეცებს ძალაუფლება წაერთვათ და სიცოცხლე მხოლოდ დროებით და ვადით გაუხანგრძლივდათ.

¹³ჩემს ღამის ხილვაში ვნახე: აჰა, ცის ღრუბლებზე მოდიოდაკაცის ძის მსგავსი; იგი ძველ დღეთასთან მოვიდა და წარდგენილ იქნა მისწინაშე.

¹⁴მიეცა მას ხელმწიფობა, დიდება და მეფობა, რათა ყველახალხი, ტომნი და ენანი მას ემსახურონ. მისი ხელმწიფება საუკუნოხელმწიფებაა, ბოლო არ ექნება მას და მისი სამეფო არ დაიქცევა.

¹⁵შემიშფოთდა დანიელს სული სხეულში და ჩემი თავის ხილვებმა შემაძრწუნეს.

¹⁶მივუახლოვდი ერთ-ერთ იქ მდგომს და ვკითხე ყოველივე ამის ნამდვილი მნიშვნელობის შესახებ. მითხრა მან და გამაგებინა ყოველივე ამის მნიშვნელობა.

¹⁷ის ოთხი ვეება მხეცი ოთხი მეფეა, რომელიც მიწიდანაღდგება.

¹⁸შემდეგ უზენაესის წმიდანები მიიღებენ სამეფოს და უკუნითიუკუნისამდე იმეფებენ ამ სამეფოზე.

¹⁹მაშინ მოვიწადინე სინამდვილის გაგება იმ მეოთხე მხეცზე,რომელიც ყველასგან გამორჩეული და საზარელი იყო, რომელიც რკინის კბილებითადა სპილენძის ბრჭყალებით ნთქავდა, მუსრავდა და ფეხებით თელავდა.

²⁰მოვიწადინე გამეგო იმ ათი რქის შესახებ, თავზე რომჰქონდა; იმ ახლადამოსული რქის შესახებ, რომლის წინაშეც სამი რქა ამოვარდა;იმ რქის შესახებ, რომელსაც თვალი და პირი ჰქონდა, ამპარტავნულადლაპარაკობდა და სხვებზე დიდი შეიქნა.

²¹მე ვიხილე, რომ ეს რქა წმიდანებს ებრძოდა და მანამდე ჯაბნიდა მათ,

²²სანამ ძველი დღეთა არ მოვიდა და სამსჯავრო უზენაესისწმიდანებს არ გადაეცა; - მაშინ დადგა ის ჟამი, როდესაც სამეფოს წმიდანებიდაეუფლნენ.

²³მან ასე მიპასუხა: მეოთხე მხეცი მეოთხე სამეფო იქნებაქვეყნად; გამორჩეული იქნება ყველა სამეფოსგან და გადაჭამს მთელ ქვეყანას,დათრგუნავს და შემუსრავს მას.

²⁴ათი რქა კი ის არის, რომ ამ სამეფოდან ათი მეფე აღდგება;მათ შემდეგ სხვა გამოვა; იგი განსხვავებული იქნება პირვანდელთაგან და სამმეფეს დაამხობს.

²⁵უზენაესის წინააღმდეგ სიტყვებს იტყვის და უზენაესისწმიდანებს შეავიწროვებს. განიზრახავს მათთვის დროთა და რჯულის შეცვლას.ისინი ხელში მიეცემიან მას, ვიდრე არ გავა დრო - ორი დრო და ნახევარი დრო.

²⁶შემდეგ დაჯდება სამსჯავრო და წაართმევს მას ხელმწიფებას,რათა საბოლოოდ მოისპოს და დაიღუპოს.

²⁷მეფობა, ხელმწიფება და ცისქვეშეთის ყველა სამეფოს დიდებაუზენაესის ერს მიეცემა. მისი სამეფო საუკუნო სამეფო იქნება და ყველახელმწიფე მისი მსახური და მორჩილი იქნება.

²⁸აქ არის ამ სიტყვების დასასრული. მე, დანიელი, ჩემმაფიქრებმა ძალზე შემაძრწუნა და სახეზე ფერი მეცვალა, მაგრამ ეს სიტყვებიგულში დავიმარხე.