Read ახალი ქართულით, Modern Georgian Bible, 1982 დანიელ წინასწარმეტყველი 9 Bible Online

დანიელ წინასწარმეტყველი 9 - ახალი ქართულით, Modern Georgian Bible, 1982 bible

დანიელ წინასწარმეტყველი 9

¹პირველ წელს, როცა დარიოს ქსერქსეს ძე, მოდგმით მიდიელი, ქალდეველთა სამეფოზე გამეფდა,

²მისი მეფობის პირველ წელს მე, დანიელმა, წიგნებიდანშევიტყვე იმ წლების რიცხვი, რომლის შესახებაც იყო უფლის სიტყვა იერემიაწინასწარმეტყველის მიმართ, რომ სამოცდაათი წელიწადი უნდა შესრულებოდაიერუსალიმის ნანგრევებს.

³პირი მივაქციე უფალი ღმერთისკენ და მივმართე ლოცვითა დავედრებით, მარხვაში, ჯვალოში და ნაცარში;

⁴ვილოცე ჩემი უფალი ღმერთის მიმართ, ვაღიარე და ვუთხარი:უფალო ჩემო, ღმერთო დიდებულო და საკვირველია, რომელიც უნახავ აღთქმასა დაწყალობას შენს მოყვარულებს და შენი მცნებების შემნახველთ!

⁵ჩვენ შევცოდეთ და უკეთურება ჩავიდინეთ, ურჯულოდვიქცეოდით, ვჯიუტობდით და გადავუხვიეთ შენს მცნებებს და სამართალს.

⁶ყურს არ ვუგდებდით შენს მორჩილთ - წინასწარმეტყველთ,რომელნიც შენი სახელით ელაპარაკებოდნენ ჩვენს მეფეებს, ჩვენს მთავრებს,ჩვენს მამა-პაპას და ქვეყნის ყველა ხალხს.

⁷უფალო, შენია სიმართლე, ხოლო ჩვენ დღეს სირცხვილი გვაქვსსახეზე - ყველა იუდაელს, იერუსალიმის მკვიდრს, მთელს ისრაელს, ახლობელსა დაშორებელს, ყველა იმ ქვეყანაში, სადაც შენ განდევნე იმ ღალატის გამო,რომლითაც შენ გიღალატეს.

⁸უფალო, ჩვენს მეფეებს, ჩვენს მთავრებს, ჩვენს მამა-პაპასსირცხვილი აქვთ სახეზე, რადგან შევცოდეთ შენს წინაშე.

⁹უფლის, ჩვენი ღმერთისგან არის შეწყალება და პატიება, ჩვენკი ვჯიუტობდით მის წინაშე.

¹⁰ყურს არ ვუგდებდით უფალს, ჩვენი ღმერთის ხმას, რომ გვევლო მის რჯულზე, თავის მორჩილთა - წინასწარმეტყველთა ხელით რომ გვიბოძა.

¹¹შენს რჯულს მთელმა ისრაელმა გადაუხვია და ზურგი გაქცია,რათა შენი ხმა არ გაეგონა. ამიტომაც გვიწია იმ წყევლამ და ფიცმა, რომელიცღვთის მორჩილის, მოსეს რჯულში სწერია, რადგან შევცოდეთ მას.

¹²შეასრულა მან თავისი სიტყვა, რომელიც თქვა ჩვენზე და ჩვენს მსაჯულებზე, სამართალს რომ გვიჩენდნენ, და თავს დიდი უბედურება დაგვატეხა; ცისქვეშეთში იმის მსგავსი არაფერი მომხდარა, რაც იერუსალიმში მოხდა.

¹³როგორც მოსეს რჯულში სწერია, ისე დაგვატყდა თავს ყველა ესუბედურება. მაგრამ ჩვენ მაინც არ შევევედრეთ უფალს, ჩვენს ღმერთს, რათამიგვეტოვებინა ჩვენი უკეთურება და შენი ჭეშმარიტება შეგვეგნო.

¹⁴უფალი ინახავდა ამ უბედურებას და თავს დაგვატეხა იგი;რადგან მართალია უფალი, ჩვენი ღმერთი, ყველა თავის საქმეში, რასაც იგიაკეთებს; მაგრამ ჩვენ ყურს არ ვუგდებდით მის ხმას.

¹⁵ახლა კი, ღმერთო ჩვენო, რომელმაც შენი მაგარი ხელით გამოიყვანე შენი ერი ეგვიპტის ქვეყნიდან და სახელი მოიხვეჭე, როგორიც დღესა გაქვს, შევცოდეთ ჩვენ და ურჯულოება ჩავიდინეთ.

¹⁶უფალო, მთელი შენი სიმართლით გაერიდოს შენი რისხვა და წყრომა შენს ქალაქს - იერუსალიმს, შენს წმიდა მთას; ვინაიდან ჩვენი ცოდვებისა და ჩვენი მამა-პაპის უკეთურების გამო არიან იერუსალიმი და შენი ერი შეგინებულნი ყველა ჩვენს გარშემო მყოფთაგან.

¹⁷ახლა კი, ჩვენო ღმერთო, მოუსმინე შენი მორჩილისლოცვა-ვედრებას და, უფლის გულისთვის, მოწყალებით გადმოხედე შენს გატიალებულსაწმიდარს.

¹⁸ღმერთო ჩემო, ყური მომაპყარ და ისმინე, გაახილე თვალებიდა მოხედე ჩვენს ნანგრევებსა და ქალაქს, შენი სახელი რომ ჰქვია. რადგანჩვენი სიმართლის იმედით კი არ მოგვაქვს შენს წინაშე ჩვენი სავედრებელი,არამედ შენი დიდი მოწყალების იმედით.

¹⁹უფალო, ისმინე! უფალო, შეგვინდე! უფალო, შეისმინე და შეასრულე! შენი გულისთვის, ღმერთო ჩემო; რადგან შენი სახელი ეწოდება შენს ქალაქს და შენს ერს.

²⁰ჯერ კიდევ ვლაპარაკობდი, ვლოცულობდი, ვაღიარებდი ჩემი დაჩემი ერის - ისრაელის ცოდვებს და მიმქონდა ჩემი სავედრებელი უფლის, ჩემიღმერთის წინაშე, ჩემი ღმერთის წმიდა მთაზე,

²¹ჯერ კიდევ ლოცვაში ვიყავი, რომ კაცი გაბრიელი, ხილვაშირომ ვნახე პირველად, ანაზდად მოფრინდა და მომიახლოვდა საღამოსმსხვერპლშეწირვის ჟამს.

²²შემაგონებდა იგი და მელაპარაკებოდა, მითხრა: დანიელ! ახლაგამოვედი, რომ ჭკუა დაგარიგო.

²³შენი ვედრების დასაწყისში სიტყვა გამოვიდა და მე მოვედი,რომ შეგატყობინო იგი, რადგან შენ სათნო კაცი ხარ. დაუკვირდი ამ სიტყვას დაგამოიცანი ხილვა.

²⁴შენი ერისთვის და შენი წმიდა ქალაქისთვის სამოცდაათიშვიდეულია დადგენილი შეცოდების დასაფარავად, ცოდვათა დასაბეჭდად,უკეთურების დასაფარავად, სამარადისო სიმართლის დასამყარებლად, ხილვისა დაწინასწარმეტყველების დასაბეჭდავად და წმიდათა წმიდის საცხებად.

²⁵ოღონდ იცოდე და შეიგნე: მას შემდეგ, რაც გამოვა ბრძანებაიერუსალიმის აღსადგენად და ასაშენებლად, შვიდი შვიდეული და სამოცდაორიშვიდეული გავა ცხებული მეფის მოსვლამდე. აღდგება ქუჩა და უბანი, ოღონდძნელბედობის ჟამს.

²⁶სამოცდაორი შვიდეულის შემდეგ მოიკვეთება ცხებული მაგრამბრალი არ ექნება. ქალაქსა და საწმიდარს დაანგრევს მომავალი მთავრის ხალხიდა მისი აღსასრული წარღვნასავით იქნება; ომის ბოლომდეა გადაწყვეტილიგატიალებანი.

²⁷იგი მრავალთან განამტკიცებს აღთქმას ერთ შვიდეულში,შვიდეულის ნახევარში შეცვლის მსხვერპლს და ძღვენს. სიბილწის ფრთებზე იქნებაგამტიალებელი, ვიდრე განგებული დრო არ ეწევა გამტიალებელს.