Read ახალი ქართულით, Modern Georgian Bible, 1982 ოსია წინასწარმეტყველი 7 Bible Online

ოსია წინასწარმეტყველი 7 - ახალი ქართულით, Modern Georgian Bible, 1982 bible

ოსია წინასწარმეტყველი 7

¹როცა ისრაელს ვკურნავდი, გამოაშკარავდა ეფრემის უკეთურებაც და სამარიის ბოროტებაც, რადგან თვალთმაქცურად იქცეოდნენ; მოდის ქურდი, ყაჩაღები დაძრწიან გარეთ!

²არც უფიქრიათ გულში, რომ მე მახსოვს ყოველი მათიბოროტება; ახლა გარემოუცავთ ისინი თავიანთ ავ საქმეებს; აჰა, ჩემს წინაშეარიან.

³თავიანთი ბოროტებით ამხიარულებენ მეფეს და თავიანთიტყუილებით - მთავრებს.

⁴მრუშობენ ყველანი ხაბაზის გახურებულ თონესავით, რომელიცანელებს ცეცხლს, სანამ ახალი ცომი არ გაფუვდება.

⁵ჩვენი მეფის დღეს მთავრები სნეულდებიან ღვინისსიმხურვალისგან, მეფე კი მასხარებისკენ იწვდის ხელს.

⁶რადგან თონესავით გახდა მათი გული მზაკვრობისგან; მთელიღამე სძინავს ხაბაზს, დილით კი ანთია თონე აგიზგიზებული ცეცხლივით.

⁷ყველანი გახურებულნი არიან თონესავით და ჭამენ თავიანთმსაჯულებს; განმდგარია ყველა მათი მეფე, არავინ მიხმობს მათ შორის.

⁸ეფრემი შეერია ხალხებს, გადმოუბრუნებელი კოკორივითშეიქნა.

⁹უცხოთესლი ჭამს მის ძალას, მას კი ვერაფერი შეუტყვია;ჭაღარა შეერია კიდეც, მას კი ვერაფერი შეუტყვია.

¹⁰თავისი ამპარტავნობა ამხილებს ისრაელს, მაგრამ არუბრუნდებიან უფალს, თავიანთ ღმერთს; არა და არ ეძებენ მას.

¹¹ბრიყვი და უგნური მტრედივით იქცა ეფრემი: ეგვიპტესუხმობენ, აშურში კი მიდიან.

¹²როგორც კი წავლენ, ჩემს სათხეველს მოვისვრი მათზე და ცისფრინველებივით ჩამოვბერტყავ; დავსჯი მათ, როგორც გამოეცხადათ მათ.

¹³ვაი მათ, რადგან ზურგი მაქციეს! დაღუპვა მათ, რადგანშემცოდეს მე! მათი გამოსყიდვა მსურს, ისინი კი მზაკვრობენ ჩემს წინააღმდეგ!

¹⁴გულით არ შემომღაღადებენ, არამედ კვნესიან თავიანთსაწოლებში; პურისა და ღვინის გულისთვის იკრიბებიან, მე კი განმიდგნენ.

¹⁵მე დავმოძღვრე, მკლავი გავუმაგრე, ისინი კი ავსმიზრახავენ.

¹⁶არ მიიქცნენ, უზენაესისკენ; მოშვებულ მშვილდსდაემსგავსნენ; მახვილით დაეცემიან მათი მთავრები უტიფარი ენის გამო. ესიქნება მათი სირცხვილი ეგვიპტის ქვეყანაში.