Read ახალი ქართულით, Modern Georgian Bible, 1982 იოველ წინასწარმეტყველი 1 Bible Online

იოველ წინასწარმეტყველი 1 - ახალი ქართულით, Modern Georgian Bible, 1982 bible

იოველ წინასწარმეტყველი 1

¹უფლის სიტყვა, რომელიც იყო იოველ ფეთუელის ძის მიმართ:

²ისმინეთ ეს, უხუცესებო! ყური დაუგდეთ ყველამ, ქვეყნისმკვიდრნო! თუ მომხდარა ეს თქვენს დროს ან თქვენი მამა-პაპის დროს?

³უამბეთ თქვენს შვილებს, თქვენმა შვილებმა თავიანთშვილებს, მათმა შვილებმა კი სხვა თაობას:

⁴მუხლუხოს გადარჩენილი კალიამ შეჭამა, კალიას გადარჩენილიკუტკალიამ შეჭამა, კუტკალიას გადარჩენილი ბოცომკალმა შეჭამა.

⁵გაიღვიძეთ, ლოთებო! იტირეთ და ივალალეთ, ღვინის მსმელნო,ყურძნის წვენის გამო, ბაგეს რომ მოგწყვიტეს!

⁶რადგან მოადგა ჩემს ქვეყანას ძლიერი და ურიცხვი ხალხი,კბილები მისი ლომის კბილებია, ყბები ძუ ლომისა აქვს.

⁷გამიჩანაგა ვენახი და გადამიხმო ლეღვი, ქერქი გააძრო დამიაგდო; გაუფითრდა ტოტები.

⁸იტირე ძაძით მოსილი ქალწულივით, სიყრმის ქმარს რომდასტირის!

⁹შეწყდა შესაწირავი და საღვრელი უფლის სახლში; გოდებენ მღვდლები, უფლის მსახურნი.

¹⁰გაჩანაგდა ყანები, გოდებს მიწა, რადგან გაოხრდა ხორბალი,გაშრა ღვინო, გახმა ზეთისხილი.

¹¹გაწბილდნენ მხვნელები, მოთქვამენ მიწისმუშაკები პურზე და ქერზე, რადგან დაიღუპა სამკალი.

¹²გადახმა ვაზი და დაჭკნა ლეღვი, გახმა მინდორში ბროწეული, ფინიკი, ვაშლი და მთელი ხეხილი. ამიტომაც გაუშრა სიხარული ადამის ძეს.

¹³შემოირტყით ჯვალო და იგლოვეთ, მღვდლებო! ივალალეთ, სამსხვერპლოს მსახურნო! წადით, ჯვალოში გაათიეთ ღამე, ჩემი ღვთის მსახურნო! რადგან შეწყდა თქვენი ღვთის სახლში შესაწირავი და საღვრელი.

¹⁴დათქვით მარხვა, გამოაცხადეთ ჯარობა. შეყარეთ უხუცესნი, ქვეყნის ყოველი მკვიდრი უფლის, თქვენი ღვთის ტაძართან და უფალს შეღაღადეთ.

¹⁵ვაი ჩვენს დღეს! რადგან ახლოვდება უფლის დღე და დაქცევასავით მოდის უზენაესისგან.

¹⁶განა ჩვენს თვალწინ არ შეწყდა საზრდო და უფლის სახლში - სიხარული და ლხინი!

¹⁷ჩალპა მარცვალი კოლბოხების ქვეშ, დაცარიელდა კალოები, დაინგრა ბეღლები რადგან გადახმა პური.

¹⁸რად კვნესის პირუტყვი, რად ბღავის ნახირი? რადგან აღარ აქვთ საძოვარი, ცხვრის ფარაც შეშფოთებულია.

¹⁹შენ შეგღაღადებ, უფალო, რადგან ცეცხლმა გადაჭამა უდაბნოს საძოვრები, ალმა გადაბუგა მინდვრის ხეები.

²⁰ველის მხეცებიც შენ შემოგყურებენ, რადგან დაიშრიტა წყლის სათავეები და ცეცხლმა გადაჭამა უდაბნოს საძოვრები.