Read ახალი ქართულით, Modern Georgian Bible, 1982 ამოს წინასწარმეტყველი 3 Bible Online

ამოს წინასწარმეტყველი 3 - ახალი ქართულით, Modern Georgian Bible, 1982 bible

ამოს წინასწარმეტყველი 3

¹ისმინეთ ეს სიტყვა, რომელიც თქვენზე თქვა უფალმა, ისრაელიანებო, მთელს მოდგმაზე, რომელიც ეგვიპტიდან გამოვიყვანე:

²მხოლოდ თქვენ გცანით მთელი ქვეყნის მოდგმათა შორის,ამიტომაც მოგკითხავთ ყველა თქვენს დანაშაულს.

³აბა, თუ ივლიან ორნი ერთად, თუ ერთმანეთში არშეთანხმდნენ?

⁴აბა, თუ ბრდღვინავს ლომი ტყეში, როცა ნადავლი არ ეგულება?თუ გამოსცემს ხმას ბოკვერი თავისი ბუნაგიდან, როცა არაფერი აქვსშესაპყრობი?

⁵აბა თუ გაებმება ჩიტი ბადეში, თუ მიწაზე მახე არ არისდაგებული?

⁶აბა, თუ ახმიანებულა ბუკი ქალაქში და ხალხს არ შეშინებია?თუ მომხდარა ქალაქში უბედურება უფლის უნებურად?

⁷რადგან არაფერს მოიმოქმედებს უფალი ღმერთი, თუ არაგაუცხადა თავისი საიდუმლო თავის მორჩილთ, წინასწარმეტყველთ.

⁸ლომი ბრდღვინავს - ვინ არ შეშინდება! უფალი ღმერთილაპარაკობს - ვინ არ გაქადაგდება!

⁹გააგონეთ დარბაზებს აშდოდში და დარბაზებს ეგვიპტის ქვეყანაში, უთხარით: შეიკრიბენით სამარიის მთებზე და იხილეთ დიდი შფოთი მათ შორის და ძალადობა მის წიაღში!

¹⁰არ იციან სიმართლის ქმნა, ამბობს უფალი, ძარცვა-გლეჯითავსებენ საგანძურებს თავიანთ დარბაზებში.

¹¹ამიტომ ასე ამბობს უფალი ღმერთი: მტერი შემოადგება ირგვლივ ქვეყანას, დაამხობს შენს ციხე-სიმაგრეს და დარბაზებს გაგიძარცვავს.

¹²ასე ამბობს უფალი: როგორც მწყემსი გადაარჩენს ლომის ხახიდან ორ ბარკალს ან ყურის ნაგლეჯს, ასე გადარჩებიან ისრაელიანები, სამარიაში საწოლის კუთხეში მსხდომნი და დამასკოში სარეცელზე.

¹³ისმინეთ და დაუმოწმეთ იაკობის სახლს, ამბობს უფალი ღმერთი, ცაბაოთ ღმერთი.

¹⁴რადგან იმ დღეს, როცა მოვკითხავ ისრაელს მის შეცოდებებს და მოვკითხავ სამსხვერპლოთა გამო ბეთელში, მოეკვეთება რქები სამსხვერპლოს და მიწად დაემხობა.

¹⁵დავაქცევ ზამთრის სახლს ზაფხულის სახლთან ერთად, განადგურდება სპილოსძვლის სახლები და ბევრი სახლი აღიგვება, ამბობს უფალი.