Read ახალი ქართულით, Modern Georgian Bible, 1982 ამოს წინასწარმეტყველი 4 Bible Online

ამოს წინასწარმეტყველი 4 - ახალი ქართულით, Modern Georgian Bible, 1982 bible

ამოს წინასწარმეტყველი 4

¹ისმინეთ ეს სიტყვა, ბაშანის ფურებო, სამარიის მთებზე რომ ხართ, რომ ავიწროებთ ბეჩავთ და ჩაგრავთ ღარიბ-ღატაკთ, რომ ეუბნებით თქვენს პატრონებს: მოგვიტანე, რომ დავლიოთო!

²დაიფიცა უფალმა ღმერთმა თავისი სიწმიდე და, აჰა,დაგიდგებათ დღე და თქვენ კაუჭებით წაგათრევენ და თქვენს შთამომავლებსთევზის ანკესებით.

³ერთმანეთის მიყოლებით გახვალთ კედლის განანგრევში დადააგდებთ სასახლეს, ამბობს უფალი.

⁴წადით ბეთელში და შესცოდეთ; გილგალში ამრავლეთ ცოდვები,ყოველ დილას მიიტანეთ თქვენი მსხვერპლი და ყოველ მესამე დღეს თქვენიმეათედები.

⁵შესწირეთ სამადლობელი მსხვერპლი საფუვრიანიდან,გაახმაურეთ თქვენი ნებაყოფლობითი შესაწირი და ქვეყანას გააგებინეთ; რადგანეს გიყვართ, ისრაელიანებო, ამბობს უფალი ღმერთი.

⁶აკაწკაწებული კბილები მოგეცით ყველა თქვენს ქალაქში დაუპურობა ყველა თქვენს ადგილზე, მაინც რ მოქცეულხართ ჩემკენ, ამბობს უფალი.

⁷წვიმაც კი შეგიწყვიტე მკამდე სამი თვით ადრე; ვაწვიმებდიერთ ქალაქზე და მეორე ქალაქზე არ ვაწვიმებდი; ერთი ყანა წვიმით ირწყვებოდა,მეორე ყანა კი, უწვიმარი, ხმებოდა.

⁸მიეხეტებოდა ორი, სამი ქალაქი ერთ ქალაქში წყლის სასმელადდა ვერ იკლავდნენ წყურვილს; მაინც არ მოქცეულხართ ჩემკენ, ამბობს უფალი.

⁹მუსრი გაგავლეთ ჟანგით და სიყვითლით; თქვენი უამრავი ბაღები და ვენახები, ლეღვები და ზეთისხილი კალიამ გადაჭამა, და მაინც არ მოქცეულხართ ჩემკენ, ამბობს უფალი.

¹⁰შეგყარეთ ჭირი ეგვიპტის გზაზე, ვხოცავდი მახვილით თქვენსყრმებს, როცა თქვენს ცხენებს ვიტაცებდი და თქვენი ბანაკების სიმყრალეთქვენს ნესტოებს მივაწვდინე; მაინც არ მოქცეულჰართ ჩემკენ, ამბობს უფალი.

¹¹დაგაქციეთ, როგორც ღმერთმა სოდომი და გომორი დააქცია, და მაინც არ მოქცეულხართ ჩემკენ, ამბობს უფალი.

¹²ამიტომ ასე მოგექცევი, ისრაელ, და რაკი ამას დაგმართებ, გაემზადე შენი ღვთის შესახვედრად, ისრაელ!

¹³რადგან, აჰა, მთათა გამომსახველი და ქარის შემქმნელი, კაცისთვის მისი ფიქრის გამომცხადებელი, ნათლის ბნელად გარდამქცეველი და ქვეყნის სიმაღლეთა გამთელავი! უფალი, ცაბაოთ ღმერთია მისი სახელი!