Read ახალი ქართულით, Modern Georgian Bible, 1982 აბდია წინასწარმეტყველი 2 Bible Online

აბდია წინასწარმეტყველი 2 - ახალი ქართულით, Modern Georgian Bible, 1982 bible

აბდია წინასწარმეტყველი 2

¹მოავლინა უფალმა დიდი თევზი და შთაანთქმევინა იონა. სამი დღე და სამი ღამე დაჰყო იონამ თევზის სტომაქში.

²ლოცვა აღუვლინა იონამ უფალს, თავის ღმერთს, თევზისსტომაქიდან.

³თქვა: ჭირში მყოფმა შევღაღადე უფალს და მან ხმა გამცა.ქვესკნელის მუცლიდან შველა ვითხოვე და შენ ისმინე ჩემი ვედრება.

⁴როცა ღურღუმელში, ზღვის გულში ჩამაქანე, როცა მორევმაჩამითრია, თავზე შენი ტალღა და ღვარი გადამდიოდა,

⁵ვთქვი: გაგდებული ვარ შენი პირისგან, ნუთუ ოდესმემეღირსება-მეთქი შენი წმიდა ტაძრის ხილვა?

⁶სულამდე მიწია წყალმა, უფსკრულმა მომიცვა, თავზე ლელიშემომეწნა,

⁷მთების ფესვებამდე ჩავედი; მიწა სამუდამოდ ჩაირაზა ჩემსუკან, მაგრამ შენ ქვესკნელს გამოსტაცე ჩემი სიცოცხლე, უფალო, ღმერთო ჩემო!

⁸როცა სულს ვღაფავდი, ვახსენე უფალი და ჩემმა ვედრებამშენამდე შეაღწია შენს წმიდა ტაძარში.

⁹ამაოებათა მსახურნი ვერ ეღირსებიან წყალობას!

¹⁰მე კი მსხვერპლს შემოგწირავ სამადლობელი სიტყვით;შევასრულებ, რაც აღთქმული მაქვს. უფლისგან არის ხსნა!

¹¹უბრძანა უფალმა თევზს და მან ხმელეთზე გადმოანთხია იონა.