Read ახალი ქართულით, Modern Georgian Bible, 1982 რიცხვნი 11 Bible Online

რიცხვნი 11 - ახალი ქართულით, Modern Georgian Bible, 1982 bible

რიცხვნი 11

¹როცა დაიწყო ხალხმა ბოროტად დრტვინვა უფლის გასაგონად, მოესმა უფალს და აინთო რისხვით. აღიგზნო მათში უფლის ცეცხლი და შთანთქა ბანაკის განაპირი.

²შეჰღაღადა ხალხმა მოსეს და შეევედრა მოსე უფალს და დაცხრაცეცხლი.

³უწოდეს ამ ადგილს სახელად თაბყერა, რადგან იქ აღიგზნოუფლის ცეცხლი.

⁴ჭრელი ბრბო, მათ შორის რომ იყო, აჰყვა გულისთქმას.ატირდნენ ისრაელიანებიც და ამბობდნენ: ვინ გვაჭმევს ხორცს?

⁵გვაგონდება თევზი, მუქთად რომ ვჭამდით ეგვიპტეში,კიტრები, ნესვები, პრასა, ხახვი და ნიორი.

⁶ახლა კი სული გვძვრება, არაფერია მანანის გარდა ჩვენსთვალწინ.

⁷ხოლო მანანა ქინძის თესლივით იყო, ფისს ჰგავდაშესახედავად.

⁸გაიფანტებოდა ხალხი, აგროვებდა და ფქვავდა ხელსაფქვავითან როდინში ნაყავდა. ხარშავდნენ ქვაბში და აცხობდნენ მისგან კვერებს;გემოთი ზეთიან ხავიწს ჰგავდა.

⁹როცა ცვარი დაეფინებოდა ბანაკს ღამღამობით, მანანაცეფინებოდა მას.

¹⁰გაიგო მოსემ, რომ ტირის ხალხი, ყველა თავ-თავისსაგვარეულოებში, თავ-თავის კარვის შესასვლელთან. რისხვით აინთო უფალი. არმოეწონა ეს მოსეს.

¹¹უთხრა მოსემ უფალს: რისთვის უბოროტე შენს მორჩილს? რით ვერ ვპოვე მადლი შენს თვალში, ამ ხალხის ტვირთი რომ ამკიდე?

¹²მე ხომ არ მიტარებია მთელი ეს ხალხი? მე ხომ არგამიჩენია, რომ მეუბნები, ძიძასავით შენი უბით წაიყვანეო იმ ქვეყანაში, მისმამა-პაპას რომ აღუთქვი ფიცით?

¹³სადა მაქვს ხორცი მთელი ამ ხალხისთვის მისაცემად? რადგანშემომტირიან და ამბობენ: მოგვეცი ხორცი, რომ ვჭამოთ.

¹⁴მე ერთი ვერ წავიყვან მთელ ამ ხალხს, რადგან მემძიმება.

¹⁵რაკი ასე მექცევი, მომკალი ბარემ, თუ მადლი მიპოვნია შენსთვალში, რომ არ ვუყურო ჩემს გასაჭირს.

¹⁶უთხრა უფალმა მოსეს: შემოკრიბე სამოცდაათი კაცი ისრაელისუხუცესთაგან, რომელთაც ხალხის უხუცესებად და რჯულისკაცებად იცნობ. მოიყვანეისინი სადღესასწაულო კარავთან, რომ შენთან ერთად იდგნენ იქ.

¹⁷ჩამოვალ და იქ დაგელაპარაკები; ავიღებ ნაწილს სულისაგან,შენზე რომ არის, და მათაც მოვაფენ, რომ შენთან ერთად ზიდონ ამ ხალხისტვირთი და მარტო შენ რომ არ ატარო.

¹⁸ხალხს უთხარი: განიწმიდეთ ხვალისათვის და შეჭამთ ხორცს;რადგან უფლის გასაგონად ტიროდით, ვინ გვაჭმევს ხორცს, რა კარგად ვიყავითოეგვიპტეში. მოგცემთ უფალი ხორცს და შეჭამთ.

¹⁹არა ერთ დღეს იქნებით მისი მჭამელი, არა ორ დღეს, არა ხუთდღეს, არა ათ დღეს და არა ოც დღეს,

²⁰არამედ მთელს ერთ თვეს, ვიდრე ცხვირიდან არ გადმოანთხევთდა არ შეგზიზღდებათ, რადგან შეიძულეთ უფალი, თქვენს შორის მყოფი, დამოთქვამდით მის წინაშე, რისთვის გამოვდიოდით ეგვიპტიდანო?

²¹თქვა მოსემ: ექვსასი ათასია ეს ხალხი, რომელთა შორისაც მე ვიმყოფები; შენ კი ამბობ, ხორცს მივცემ და ერთ თვეს ეყოფათო საჭმელად.

²²იქნებ მთელი ცხვარ-ძროხა დავუკლათ, რომ ეყოთ? ან იქნებზღვის მთელი თევზი შევუგროვოთ, რომ ეყოთ?

²³უთხრა უფალმა მოსეს: იქნებ მოკლეა უფლის ხელი? ახლადაინახავ, აგიხდება თუ არა ჩემი ნათქვამი.

²⁴გავიდა მოსე და უთხრა ხალხს უფლის ნათქვამი. შეჰყარასამოცდაათი კაცი ერის უხუცესთაგან და კარვის ირგვლივ დააყენა ისინი.

²⁵ჩამოვიდა უფალი ღრუბელში და ელაპარაკა მას. აიღო ნაწილისულისაგან, მოსეზე რომ იყო, და გაუნაწილა სამოცდაათ უხუცესს. როცა დაადგამათ სული, ქადაგად დაეცნენ ყოველანი, ოღონდ მცირე ხნით.

²⁶ორი კაცი დარჩენილიყო ბანაკში, ერთს ერქვა ელდადი,მეორეს, - მედადი. მათაც დაადგრა სული (ისინი ჩაწერილთა შორის იყვნენ,მაგრამ არ გასულან კარავთან) და ისინიც დაეცნენ ქადაგად ბანაკში.

²⁷მოირბინა ერთმა ყმაწვილმა და შეატყობინა მოსეს, ელდადი დამედადი ქადაგად დაეცნენო ბანაკში.

²⁸მიუგო იესო ნავეს ძემ, მოსეს მსახურმა, თავისიგულუბრყვილობით, და თქვა: მოსე, ჩემო ბატონო! შეაწყვეტინე!

²⁹უთხრა მოსემ: ხომ არ გშურს ჩემ მაგიერ? ნეტავ მთელი უფლისერი დაეცემოდეს ქადაგად! ნეტავ მათაც მოჰფენდეს უფალი თავის სულს!

³⁰წავიდა მოსე ბანაკში და გაჰყვნენ მას ისრაელის უხუცესები.

³¹ატყდა ქარი უფლისაგან და მორეკა ზღვიდან მწყრები და ერთი დღის სავალზე დაჰყარა ბანაკის ირგვლივ. თითქმის ორ წყრთაზე დაფარეს მიწა.

³²ადგა ხალხი და აგროვა მწყერი მთელი ის დღე, მთელი ღამე,მთელი მეორე დღე; ყველაზე ცოტას შემგროვებელმა ათი ხომერი წაიღო. დაიწყვესთავისთვის ბანაკის გარშემო.

³³ჯერაც კბილებში ჰქონდათ ხორცი, შეჭმა ვერ მოასწრეს, რომაღინთო უფლის რისხვა ხალხზე და მუსრი გაავლო უფალმა ხალხს.

³⁴დაერქვა სახელად ამ ადგილს კიბროთ-ჰათაავა (სიხარბისსამარხები), რადგან აქ დამარხეს დახარბებული ხალხი.

³⁵კიბროთ-ჰათაავადან ხაცეროთისკან დაიძრა ხალხი და მოადგნენხაცეროთს.