Read ახალი ქართულით, Modern Georgian Bible, 1982 რიცხვნი 13 Bible Online

რიცხვნი 13 - ახალი ქართულით, Modern Georgian Bible, 1982 bible

რიცხვნი 13

¹ელაპარაკა უფალი მოსეს და უთხრა:

²გაგზავნე კაცები, რომ დაზვერონ ქანაანის ქვეყანა, რომელიცმივეცი ისრაელიანებს; მამათა შტოდან თითო კაცი გაგზავნეთ, ყველა თავკაციიყოს მათში.

³გაგზავნა მოსემ ისინი ფარანის უდაბნოდან უფლისსიტყვისამებრ; ყველანი ისრაელიანთა მთავრები იყვნენ.

⁴აი, მათი სახელები: რეუბენის შტოდან - შამუაყ ზაქურის ძე;

⁵სიმონის შტოდან - შაფატ ხორის ძე;

⁶იუდას შტოდან - ქალებ იეფუნეს ძე;

⁷ისაქარის შტოდან - იგალ იოსების ძე;

⁸ეფრემის შტოდან - ოსია ნუნის ძე;

⁹ბენიამინის შტოდან - ფალტი რაფუს ძე;

¹⁰ზებულონის შტოდან - გადიელ სოდის ძე;

¹¹იოსების შტოდან, მენაშეს შტოდან - გადი სუსის ძე;

¹²დანის შტოდან - ყამიელ გემალის ძე;

¹³აშერის შტოდან - სეთურ მიქაელის ძე;

¹⁴ნაფთალის შტოდან - ნახში ვოფსის ძე;

¹⁵გადის შტოდან - გეუელ მაქის ძე.

¹⁶ესენია იმ კაცთა სახელები, რომლებიც გაგზავნა მოსემ ქვეყნის დასაზვერავად. დაარქვა მოსემ ოსია ნავეს ძეს იესო.

¹⁷გაგზავნა ისინი მოსემ ქანაანის ქვეყნის დასაზვერავად დაუთხრა მათ: გაემართებით სამხრეთით და ახვალთ მთაზე.

¹⁸მიმოიხილავთ ქვეყანას, როგორია და რა ხალხი ცხოვრობს იქ,ძლიერი თუ სუსტი, ცოტანი თუ ბევრნი.

¹⁹როგორი ქვეყანაა, სადაც ისინი ცხოვრობენ კარგი თუ ცუდი;როგორი ქალაქებია, სადაც ისინი სახლობენ; ბანაკებია თუ ციხე-სიმაგრეები.

²⁰როგორი მიწაა, ნოყიერი თუ მწირი, იზრდება თუ არა იქ ხე;იმარჯვეთ და წამოიღეთ მიწის ნაყოფები, სწორედ ის დრო იყო, ყურძენი რომმწიფდა.

²¹წავიდნენ და დაზვერეს ქვეყანა ცინის უდაბნოდან რეხობამდე,ხამათის მისასვლელთან.

²²გაემართნენ სამხრეთში და მიადგნენ ხებრონს. იქმკვიდრობდნენ ახიმანი, შეშაი და თალმაი - ყანაკის ნაშიერნი. ხებრონიეგვიპტის ცოყანზე შვიდი წლით ადრე იყო აშენებული.

²³მივიდნენ ეშქოლის ხევამდე, მოჭრეს იქ ვაზი თავისიმტევნითურთ და კეტით წამოიღო ორმა; აგრეთვე ბროწეული და ლეღვის ნაყოფები.

²⁴ამ ადგილს უწოდეს ეშქოლის (მტევნის ხევი) იმ მტევნისგამო, რომელიც იქ მოჭრეს ისრაელიანებმა.

²⁵ორმოცი დღის შემდეგ, რომ დაზვერეს ქვეყანა, უკანდაბრუნდნენ.

²⁶წამოვიდნენ და მოვიდნენ მოსესთან, აარონთან და ისრაელიანთა მთელს საზოგადოებასთან, ფარანის უდაბნოში, კადეშში, და მოუტანეს ამბავი მთელს საზოგადოებას, აჩვენეს იმ ქვეყნის ნაყოფები.

²⁷უამბეს და უთხრეს: მივედით იმ ქვეყანაში, სადაცგაგვაგზავნე - მართლაც რძე და თაფლი დის იქ; აჰა, მისი ნაყოფებიც.

²⁸ოღონდ ძლიერი ხალხი ცხოვრობს იმ ქვეყანაში, ქალაქებიცგამაგრებულია და ძალზე დიდი; ყანაკის ნაშიერნიც ვნახეთ იქ.

²⁹ყამალეკი ქვეყნის სამხრეთში ცხოვრობს; ხეთელები,იებუსეველები და ამორეველები მთებში ცხოვრობენ; ქანაანელები კი -ზღვისპირეთში და იორდანეზე.

³⁰ხალხი დაუშოშმინა ქალებმა მოსეს, თქვა: გავილაშქრებთ დადავისაკუთრებთ იმ ქვეყანას, რადგან შეგვიძლია მათი ძლევა.

³¹სხვებმა, კი ვინც მასთან ერთად იყვნენ წასულნი, თქვეს:ვერ შევძლებთ იმ ხალხის წინააღმდეგ გალაშქრებას, რადგან ჩვენზე ძლიერია.

³²ცუდი ხმები გაავრცელეს ისრაელიანებში მათ მიერ დაზვერილქვეყანაზე. ერთმანეთს ჭამენო იმ ქვეანაში, რომელიც ჩვენ მოვიარეთდასაზვერად; მთელი ხალხი, რომელიც იქ ვნახეთ, ბუმბერაზიაო.

³³იქ ვნახეთ დევკაცები, ყანაკის ძენი, დევკაცთაშთამომავალნი. კალია გვეგონა ჩვენი თავი და ასეც ვჩანდითო მათ თვალში.