Read ახალი ქართულით, Modern Georgian Bible, 1982 რიცხვნი 18 Bible Online

რიცხვნი 18 - ახალი ქართულით, Modern Georgian Bible, 1982 bible

რიცხვნი 18

¹უთხრა უფალმა აარონს: შენ და შენმა შვილებმა და შენმა მამისსახლმა შენთან ერთად უნდა იკისროთ დანაშაული საწმიდარში; შენ და შენმა შვილებმა შენთან ერთად უნდა იკისრონ დანაშაული თქვენს მღვდლობაში.

²შენი მოძმეები, ლევიანთა შტო, მამაშენის ტომი, შენ წაიყვანე, თქვენთან იყვნენ განუყრელად და გემსახურონ. შენ და შენი შვილები კი შენთან ერთად აღთქმის კარვის წინ უნდა იყოთ.

³აღასრულონ მოვალეობა შენს მიმართ და მთელი კარვის მიმართ,ოღონდ არ მიეკარონ საწმიდარის ჭურჭელს და სამსხვერპლოს, თორემ ისინიცდაიხოცებიან და თქვენც.

⁴შენთან უნდა იყვნენ განუყრელად და ასრულებდნენ მოვალეობასსადღესასწაულო კარვის მიმართ, კარვის მთელს სამსახურს. უცხო კაცი არ უნდამოგეკაროთ.

⁵შეასრულეთ საწმიდარის წესი და სამსხვერპლოს წესი, რომრისხვა აღარ დაატყდეთ ისრაელიანებს.

⁶აჰა, მე გამოვარჩიე თქვენი მოძმეები - ლევიანებიისრაელიანთაგან, თქვენთვის არიან ისინი მოძღვნილნი საუფლოდ, რათა გასწიონსადღესასწაულო კარვის სამსახური.

⁷შენ და შენმა შვილებმა კი აღასრულეთ მღვდლობის წესისამსხვერპლოსთან და ფარდის უკან, და იმსახურეთ. მღვდლობის სამსახურიმომინიჭებია თქვენთვის. თუ უცხო ვინმე შეუდგება სამსახურს, უნდა მოკვდეს.

⁸ელაპარაკა უფალი აარონს: აჰა, გავალებ ჩემთვის შემოწირულიღალისათვის ყურისგდებას; ისრაელიანთა მთელს შემოწირულობას გაძლევ წილად შენდა შენს შვილებს სამარადისო წესით.

⁹აი, რა გეკუთვნის წმიდათა წმიდადან, საცეცხლომსხვერპლიდან: ყოველი მათი შესაწირავი და ყოველი მათი ძღვენი, ცოდვისა დადანაშაულის გამოსასყიდი ყოველი მსხვერპლი, რასაც მე მიხდიან, წმიდათაწმიდაა შენთვის და შენი შვილებისათვის.

¹⁰წმიდათა წმიდაში ჭამეთ იგი, მხოლოდ მამაკაცებმა ჭამონ,წმიდა უნდა იყოს თქვენთვის.

¹¹აი, რა გეკუთვნის მათი ღალის ძღვენიდან: ისრაელიანთა მთელი შემოწირულობა შენთვის და შენი შვილებისთვის მომიცია სამარადისო წესით. ყოველმა გაწმიდავებულმა შენს სახლში ჭამოს იგი.

¹²საუკეთესო ზეთი, საუკეთესო ღვინო და პური, მათი ღალა, რაც უფალთან მიაქვს, შენთვის მომიცია.

¹³მათი მიწის ყოველი პირველმოწეული ნაყოფი, რომელიც უფალთანმიაქვთ, შენ გეკუთვნის. ყოველმა გაწმიდავებულმა შენს სახლში ჭამოს იგი.

¹⁴ყოველი დარისხებული ისრაელში შენ გეკუთვნის.

¹⁵ყოველი ხორციელის პირველნაშობი, რომელსაც უფალსმიართმევენ, ადამიანი იქნება თუ პირუტყვი, შენ გეკუთვნის. ოღონდ ადამიანისპირმშო გამოისყიდე და უწმიდური პირუტყვის პირველნაშობიც გამოისყიდე.

¹⁶მათი გამოსასყიდია: ერთი თვის შემდეგ გადაიხადედაახლოებით ხუთი შეკელი ვერცხლი, საწმიდარის შეკელით, ანუ ოცი გერა.

¹⁷მხოლოდ ძროხის პირველმოგებულზე ან ცხვრის პირველმოგებულზედა თხის პირველმოგებულზე ნუ გადაიხდი გამოსასყიდს: წმიდა არიან. მათისისხლი სამსხვერპლოს უნდა ასხურო, ხოლო ცხიმი უნდა აკმიო კეთილსურნელებადუფლისათვის.

¹⁸მათი ხორცი შენ გეკუთვნის, ისევე როგორც მისართმეველიმკერდი და მარჯვენა ბეჭი გეკუთვნის შენ.

¹⁹მთელი წმიდა ღალა, რომელსაც ისრაელიანები უხდიან უფალს,შენთვის, შენი ვაჟებისა და ქალიშვილებისთვის მომიცია, სამარადისო წესით. ესარის სამარადისო აღთქმა მარილისა უფლის წინაშე შენთვისა და შენიშთამომავლობისათვის.

²⁰უთხრა უფალმა აარონს: მათ ქვეყანაში ვერაფერს დაიმკვიდრებდა არ გექნება წილი მათ შორის. მე ვარ შენი წილი და შენი სამკვიდროისრაელიანთა შორის.

²¹ლევიანებს კი, აჰა, მივეცი სამკვიდროდ ყველაფრის მეათედი, რაც ისრაელშია, მათი სამსახურის სანაცვლოდ, რასაც სადღესასწაულო კარავთან ასრულებენ.

²²აღარ მიუახლიავდნენ ისრაელიანები სადღესასწაულო კარავს,რომ მომაკვდინებელი ცოდვა არ დაიდონ.

²³თავად ლევიანებმა შეასრულონ სადღესასწაულო კარვისსამსახური და თავადვე იტვირთონ მათი ცოდვა. სამარადისო წესია ეს თქვენსთაობებში. ისრაელიანთა შორის ვერ დაიმკვიდრებენ სამკვიდროს,

²⁴რადგან ლევიანებს სამკვიდროდ ისრაელიანთა მეათედი მივეცი,რომელსაც ღალად უხდიან უფალს; ამიტომ ვუთხარი მათ: ისრაელიანთა შორის ვერდაიმკვიდრებთ-მეთქი სამკვიდროს.

²⁵ასე ელაპარაკა უფალი მოსეს:

²⁶დაელაპარაკე ლევიანებს, უთხარი: როცა ისრაელიანთაგანაიღებთ მეათედს, რომელიც თქვენთვის მაქვს მათგან მოცემული თქვენსსამკვიდროდ, უფალს გადაუხადეთ მისგან ღალა - მეათედი მეათედიდან.

²⁷კალოს პურად და საწნახელის წვენად ჩაგეთვლებათ თქვენიღალა.

²⁸ასე, თქვენც გადაუხდით ღალას უფალს იმ მეათედიდან, რასაცისრაელიანები მოგცემენ; მისგან გადაუხდით საუფლო ღალას აარონ მღვდელს.

²⁹ყველაფრიდან, რასაც მოგიძღვნიან, უნდა გადაიხადოთ საუფლოღალა, ყოველივე საუკეთესოდან ურჩეულესი ნაწილი.

³⁰უთხარი მათ: საუკეთესოს რომ გადაიხდით ღალად, კალოს შემოსავლად და საწნახლის შემოსავლად ჩაეთვლებათ ლევიანებს.

³¹ყველგან ჭამეთ იგი თქვენ და თქვენმა საგვარეულომ, რადგანეს არის გასამრჯელო სადღესასწაულო კარავში თქვენი სამსახურისთვის.

³²არ დაგედებათ ცოდვა, როცა მისგან საუკეთეს გადაიხდითღალად, არ წაბილწავთ ისრაელიანთაგან შემოწირულს და არ მოკვდებით.