Read ახალი ქართულით, Modern Georgian Bible, 1982 რიცხვნი 21 Bible Online

რიცხვნი 21 - ახალი ქართულით, Modern Georgian Bible, 1982 bible

რიცხვნი 21

¹გაიგო ქანაანელმა, ყარადის მეფემ, ნეგების მკვიდრმა, რომ ათარიმის გზით მოდიოდა ისრაელი, შეებრძოლა ისრაელს და მოსტაცა ტყვეები.

²აღთქმა მისცა ისრაელმა უფალს და თქვა: თუ ხელში ჩამაგდებინებ ამ ხალხს, დავარისხებ მათ ქალაქებს.

³უსმინა უფალმა ისრაელის ხმას და ხელში ჩაუგდო ქანაანელნი.მათაც დაარისხეს ისინი და მათი ქალაქები. უწოდეს იმ ადგილს სახელად ხორმა(ნარისხალი).

⁴დაიძრნენ ჰორის მთიდან მეწამული ზღვის გზით, რომშემოევლოთ ედომის ქვეყნისთვის. სულმოკლეობა გამოიჩინა ხალხმა გზაში.

⁵საყვედურით დაუწყო ხალხმა ლაპარაკი უფალს და მოსეს:რისთვის ამოგვიყვანე ეგვიპტიდან მოსაკლავად ამ უდაბნოში. რადგან არ არისპური და არც წყალი, შეგვაღონა უყუათო საჭმელმა.

⁶მიუსია უფალმა ხალხს შხამიანი გველები და მათ დაკბინესხალხი. ბევრი გაწყდა ისრაელში.

⁷მივიდა ხალხი მოსესთან და თქვეს: ვცოდეთ, რომგისაყვედურეთ უფალს და შენ. ილოცე უფლისდმი, რომ მოგცილდეს გველი. ილოცამოსემ ხალხისათვის.

⁸უთხრა უფალმა მოსეს: გააკეთე უნასი და დაამაგრე კეტზე.შეხედავს თუ არა მას ნაკბენი, განიკურნება.

⁹გააკეთა მოსემ სპილენძის გველი და დაამაგრა იგი კეტზე.როცა კი უკბენდა გველი ვინმეს, შეხედავდა კაცი ამ სპილენძის გველს დაიკურნებოდა.

¹⁰დაიძრნენ ისრაელიანები და ობოთში დაბანაკდნენ.

¹¹დაიძრნენ ობოთიდან და დაბანაკდნენ ყიე-ყაბარიმში, უდაბნოში, მოაბის გასწვრივ რომ არის, მზის აღმოსავლეთისკენ.

¹²დაიძრნენ იქიდან და ზარედის ხევში დაბანაკდნენ.

¹³დაიძრნენ იქიდან და დაბანაკდნენ არნონთან, უდაბნოში,სადაც არნონი ამორეველთა საზღვრიდან გამოდის, რადგან იგი მოაბისა დაამორეველთა საზღვარია.

¹⁴ამიტომაც არის ნათქვამი საუფლო ბრძოლების წიგნში: ვაჰებიქარიშხალში და არნონის ღვარები.

¹⁵ეშვება ღვარები და უხვევს, რომ დამდოვრდეს ყართან დამიადგეს მოაბის საზღვარს.

¹⁶იქიდან ბეერში. ეს ის ბეერია (ჭა), რომელზეც უთხრა უფალმამოსეს: შეკრიბე ხალხი და მე მივცემ მათ წყალს.

¹⁷მაშინ იმღერა ისრაელმა ეს სიმღერა: აივსე, ჭაო! უმღერეთმას!

¹⁸ჭა, რომელიც ამოიღეს მთავრებმა, ამოთხარეს ერისთავკაცებმა კვერთხით - თავიანთი არგნებით. უდაბნოდან მათანისკენ.

¹⁹მათანიდან ნახალიელში, ნახალიელიდან ბამოთში.

²⁰ბამოთიდან გავიდნენ დაბლობზე, მოაბის ველზე რომ არის,ფისგას მთასთან, უდაბნოსკენ რომ იყურება.

²¹გაუგზავნა მოციქულები ისრაელმა სიხონს, ამორეველთა მეფეს და შეუთვალა:

²²გამატარე შენს ქვეყანაზე; არ შევალთ ყანებში დავენახებში, არ დავლევთ ჭის წყალს; სამეფო გზაზე ვივლით, ვიდრე შენისაზღვრიდან არ გავალთ.

²³არ დაანება სიხონმა თავის საზღვარზე გავლა; შეკრიბასიხონმა მთელი თავისი ჯარი და გავიდა ისრაელის დასახვედრად უდაბნოში;მივიდა იაჰელაში და შეებრძოლა ისრაელს.

²⁴მოსრა იგი ისრაელმა მახვილით და დაეპატრონა მის ქვეყანასარნონიდან იაბოკამდე, ყამონელთა ქვეყანამდე, რადგან გამაგრებული იყოყამონელთა საზღვარი.

²⁵აიღო ისრაელმა ყველა ეს ქალაქი და დაიწყო ისრაელმაცხოვრება ამორეველთა ყველა ამ ქალაქში, ხეშბონში და მთელს მისდაბა-სოფლებში.

²⁶რადგან ხეშბონი ამორეველთა მეფის, სიხონის ქალაქი იყო.მან ბრძოლა გაუმართა მოაბის წინანდელ მეფეს და წაართვა მთელი ქვეყანაარნონამდე.

²⁷ამიტომაც ამბობენ მეიგავარაკენი: წადით ხეშბონს, აშენდებადა განმტკიცდება სიხონის ქალაქი.

²⁸რადგან ცეცხლი გამოვიდა ხეშბონიდან, ალი სიხონისქალაქიდან, შთანთქა ყარ-მოაბი, არნონის გორაკთა პატრონები.

²⁹ვაი შენ, მოაბო! განადგურდი, ქამოშის ხალხო! თავისივაჟები ლტოლვილებად აქცია, თავისი ქალები ამორეველთა მეფის, სიხონის,ტყვეებად.

³⁰დავამხეთ, განადგურდა ხეშბონი დიბონამდე; გაგაუკაცრიელეთნოფახამდე, მედებას მახლობლად რომ არის!

³¹დაიწყო ცხოვრება ისრაელმა ამორეველთა ქვეყანაში.

³²გაგზავნა კაცები მოსემ იაზერის დასაზვერად და აიღეს მისიდაბა-სოფლები და განდევნეს იქ მცხოვრები ამორეველები.

³³გამობრუნდნენ და დაადგნენ ბაშანის გზას. გამოვიდა მათწინააღმდეგ ყოგი, ბაშანის მეფე, მთელი თავისი ჯარით ედრეიში საბრძოლველად.

³⁴უთხრა უფალმა მოსეს: ნუ გეშინია მისი, რადგან ხელშიჩაგიგდებ მას და მთელს მის ჯარს, მთელს მის ქვეყანას. იმასვე უყოფ მას, რაცუყავი სიხონს, ამორეველთა მეფეს, ხეშბონში რომ ცხოვრობდა.

³⁵მუსრი გაავლეს მას, მის ვაჟებს და მთელს მის ქალაქს, ისერომ არავინ გადარჩენილა, და დაისაკუთრეს მისი ქვეყანა.