Read ახალი ქართულით, Modern Georgian Bible, 1982 რიცხვნი 30 Bible Online

რიცხვნი 30 - ახალი ქართულით, Modern Georgian Bible, 1982 bible

რიცხვნი 30

¹გამოუცხადა მოსემ ისრაელიანებს ყველაფერი ისე, როგორც ნაბრძანები ჰქონდა მოსესთვის უფალს.

²ასე ელაპარაკა მოსე ისრაელიანების შტოთა მეთაურებს: აჰა, რაც ბრძანა უფალმა:

³ვინც აღთქმას მისცემს უფალს ან ფიცით დაიფიცებს, რასმეაღუკვეთს თავისთავს, არ უნდა შეშალოს თავისი სიტყვა, ყველაფერი უნდაშეასრულოს, რაც მისი ბაგეებიდან არის გამოსული.

⁴თუ ქალი ვინმე აღთქმას მისცემს უფალს და რასმე აღიკვეთსმამისეულ სახლში სიყმაწვილისას,

⁵მამამისიც გაიგებს მის აღთქმას და აღკვეთას, რაც მანთავის თავს აღუკვეთა, და არაფერს ეტყვის, უნდა შესრულდეს ყველა აღთქმა დააღკვეთა, რაც თავის თავს აღუკვეთა ქალმა.

⁶თუ დაუშლის მამამისი, როცა გაიგებს, არ უნდა შესრულდესარცერთი მისი აღთქმა და აღკვეთა, რაც თავის თავს აღუკვეთა ქალმა, და უფალიაპატიებს მას, რადგან მამამისმა დაუშალა.

⁷გათხოვებისას, თუ აღთქმები დარჩება მასზე ან წამოცდენილისიტყვა, რითაც რაიმე აღუკვეთა თავის თავს,

⁸გაიგებს მისი ქმარი და, როცა გაიგებს, არაფერს იტყვის,უნდა შესრულდეს მისი აღთქმები და აღკვეთები, რაც თავის თავს აღუკვეთა.

⁹თუ ქმარი გაიგებს და დაუშლის, შეუძლია გააუქმოს მისიაღთქმა, რომელიც მასზეა, და წამოცდენილი სიტყვა, რითაც რაიმე აღუკვეთათავის თავს, და უფალი აპატიებს.

¹⁰ქვრივის ან ქმარგაყრილის აღთქმა და ყოველი აღკვეთა, რითაც რაიმე აღკვეთილი აქვს თავისი თავისთვის, უნდა შესრულდეს მასზე.

¹¹თუ ქმრის სახლში დადებს აღთქმას ან რასმე აღუკვეთს თავის თავს ფიცით,

¹²გაიგებს ქმარი, არაფერს ეტყვის და არ დაუშლის, უნდა შესრულდეს ყველა მისი აღთქმა და ყველა აღკვეთა, რითაც რაიმე აღუკვეთა თავის თავს.

¹³თუ ქმარი გაუუქმებს ყველაფერს ამას, როცა გაიგებს, მაშინყოველი მისი ნათქვამი, აღთქმა თუ აღკვეთა, არ შესრულდება, რადგან ქმრისგაუქმებულია და უფალი აპატიებს მას.

¹⁴ყოველ აღთქმას და აღკვეთის ყოველ ფიცს თავის დასაოკებლადქმარი დაამტკიცებს და ქმარი გააუქმებს.

¹⁵თუ ქმარმა არაფერი უთხრა მას, დაუმტკიცებია ყოველი მისიაღთქმა და ყოველი აღკვეთა, რაც მასზეა, რაკი არაფერი თქვა, როცა გაიგო.

¹⁶თუ გაიგებს და მერე გააუქმებს, მასზე იქნება ქალის ცოდვა.

¹⁷ეს წესებია, რომლებიც უბრძანა უფალმა მოსესცოლ-ქმრისათვის, მამისა და მისი ქალიშვილისათვის, ყმაწვილობისას მამამისისსახლში.