Read ახალი ქართულით, Modern Georgian Bible, 1982 რიცხვნი 31 Bible Online

რიცხვნი 31 - ახალი ქართულით, Modern Georgian Bible, 1982 bible

რიცხვნი 31

²იძიე ისრაელიანთა შური მიდიანელებისგან, მერე კი შეერთე შენს ხალხს.

³ასე ელაპარაკა მოსე ხალხს: საბრძოლოდ დარაზმეთ თქვენიხალხი და დაესხან მიდიანს, რომ უფლის შური მიაგონ მიდიანს.

⁴ათას-ათასი კაცი თითო შტოდან, ისრაელის ყოველი შტოდანგაგზავნეთ სალაშქროდ.

⁵გაწვეული იქნა ისრაელის ათასეულებისგან ათასათასი კაცითითო შტოდან, სულ თორმეტი ათასი სალაშქროდ დარაზმული კაცი.

⁶გაგზავნა ისინი მოსემ, ათასი კაცი თითო შტოდან,სალაშქროდ, აგრეთვე ფინხასი, ელეაზარ მღვდლის შვილი, სალაშქროდ წმიდაჭურჭლითა და საყიჟინო საყვირებით ხელში.

⁷გაილაშქრეს მიდიანზე, როგორც ნაბრძანები ჰქონდა მოსესთვისუფალს, და დახოცეს ყველა მამრი.

⁸დახოცილებში იყვნენ მიდიანის მეფეები: ევი, რეკემი, ცური,ხური და რება - ხუთი მიდიანელი მეფე. აგრეთვე მოკლეს მახვილით ბალაამი,ბეყორის ძე.

⁹ტყვედ წაიყვანეს ისრაელიანებმა მიდიანელი ქალები დაბავშვები და მთელი მათი საქონელი. მოიალაფეს მთელი მათი ქონება და დოვლათი.

¹⁰ცეცხლს მისცეს ყველა მათი ქალაქი მათ საზღვრებში და ყველა დაბა.

¹¹აიღეს მთელი ნადავლი და მთელი ნაალაფარი კაციდან პირუტყვამდე.

¹²მივიდნენ მოსესთან, ელეაზარ მღვდელთან და ისრაელიანთა საზოგადოებასთან ტყვეებით, ნაალაფარითა და ნადავლითურთ, ბანაკში, მოაბის ველზე, იორდანის ნაპირას, იერიქონის პირდაპირ.

¹³გავიდნენ ბანაკიდან მათ შესახვედრად მოსე, ელეაზარმღვდელი და საზოგადოების მთელი თავკაცობა.

¹⁴განურისხდა მოსე ჯარის. უფროსებს, ათასისთავებს დაასისთავებს, რომლებიც ბრძოლის ველიდან მობრუნდნენ.

¹⁵უთხრა მათ მოსემ: ცოცხალი დატოვეთ ყველა ქალი?

¹⁶განა მათი მიზეზით არ განუდგნენ ისრაელიანები უფალს,როგორც თქვა ბალაამმა, და გადაამეტეს ფეღორის ცოდვას, რის გამოც მოხდაგანადგურება უფლის საზოგადოებაში?

¹⁷ახლა გაწყვიტეთ ბავშვებში ყოველი მამროვანი, ყოველი ქალი,რომელსაც შეცნობილი ჰყავს კაცი მამრის საწოლზე, მოკალით.

¹⁸ხოლო ყოველი დედროვანი ბავშვებში, რომელსაც არ შეუცვნიამამაკაცი მამრის საწოლზე, ცოცხალი დაიტოვეთ.

¹⁹შვიდ დღეს ბანაკის გარეთ დარჩით. ყველანი, ვინც კაციმოკლა, ან ვინც მოკლულს მიეკარა, მესამე დღეს და მეშვიდე დღეს გაწმიდავდითთქვენ და თქვენი ტყვეები.

²⁰მთელი ტანისამოსი, ტყავის ყოველი ნივთი, ყველაფერი, რაცთხისურისგან არის ნაკეთები და ხის ყოველი ჭურჭელი, უნდა გააწმიდაოთ.

²¹უთხრა ელეაზარ მღვდელმა მოლაშქრეებს, რომლებიც ომში იყვნენ ნამყოფი: ეს არის რჯულის კანონი, რომელიც ნაანდერძევი აქვს უფალს მოსესთვის.

²²ოღონდ ოქრო-ვერცხლი, სპილენძი, რკინა, თუთა და ტყვია,

²³ყოველი ნივთი, რომელიც უძლებს ცეცხლს, გაატარეთ ცეცხლშიდა გაწმინდავდება. გამაწმიდავებელი წყლითაც გააწმიდავეთ. ყველაფერი, რაცცეცხლს ვერ უძლებს, წყალში გაავლეთ.

²⁴გაირეცხეთ ტანისამოსი მეშვიდე დღეს და გაწმიდავდით. ამისმერე შედით ბანაკში.

²⁵ასე უთხრა უფალმა მოსეს:

²⁶აღრიცხეთ ნადავლი კაციდან პირუტყვამდე შენ, ელეაზარმღვდელმა და საზოგადოების მამამთავრებმა.

²⁷შუაზე გაუყავი ნადავლი ლაშქრობაში ნამყოფ მეომრებს დამთელს საზოგადოებას.

²⁸გამოართვი უფლისთვის ხარკი ლაშქრობაში ნამყოფ მებრძოლებსთითო სული ხუთასზე - ადამიანიდან და პირუტყვიდან, სახედრებიდან დაცხვრებიდან.

²⁹აიღე ეს მათი ნახევრიდან და მიეცი ელეაზარ მღვდელს საუფლოძღვენი.

³⁰ისრაელიანთა ნახევრიდან კი აიღე თითო წილი ორმოცდაათზე, ადამიანიდან, პირუტყვიდან, სახედრებიდან, ცხვრებიდან, საქონელიდან და მიეცით ეს ლევიანებს, რომლებიც უფლის კარვის სამსახურს ასრულებენ.

³¹გააკეთეს მოსემ და ელეაზარ მღვდელმა, როგორც უბრძანა უფალმა მოსეს.

³²მოლაშქრეთაგან დატაცებული ნადავლის გარდა იყო ექვსასსამოცდათხუთმეტი ათასი ცხვარი და თხა,

³³სამოცდათორმეტი ათასი ხარ-ძროხა,

³⁴სამოცდაერთი ათასი სახედარი.

³⁵ხოლო ქალები, რომელთაც არ ჰყავდათ შეცნობილი მამაკაციმამრის საწოლზე, სულ იყვნენ ოცდათორმეტი ათასი სული.

³⁶ლაშქარში ნამყოფთა ნახევარი წილი იყო რიცხვითსამასოცდაჩვიდმეტი ათას ხუთასი ცხვარი და თხა.

³⁷საუფლო ხარკი ფარიდან იყო ექვსას სამოცდათხუთმეტი;

³⁸ხარ-ძროხა ოცდათექვსმეტი ათასი, ხოლო აქედან საუფლო ხარკისამოცდათორმეტი.

³⁹სახედარი ოცდაათი ათას ხუთასი, ხოლო აქედან საუფლო ხარკისამოცდაერთი.

⁴⁰ადამიანი თექვსმეტი ათასი სული, ხოლო აქედან საუფლო ხარკიოცდათორმეტი სული.

⁴¹ჩააბარა მოსემ ხარკი, საუფლო ძღვენი ელეაზარ მღვდელს, როგორც ნაბრძანები ჰქონდა უფალს მოსესთვის.

⁴²აგრეთვე ისრაელიანთა კუთვნილი ნახევრიდან, რომელიცჩამოართვა მოსემ ლაშქარში ნამყოფთ.

⁴³საზოგადოებისათვის განკუთვნილი ნახევარი იყო: სამასოცდაშვიდი ათას ხუთასი ცხვარი და თხა,

⁴⁴ოცდათექვსმეტი ათასი ხარ-ძროხა,

⁴⁵ოცდაათი ათას ხუთასი სახედარი,

⁴⁶და თექვსმეტი ათასი სული ადამიანი.

⁴⁷აიღო მოსემ ისრაელიანთათვის განკუთვნილი ნახევრიდანორმოცდამეათედი წილი - ადამიანი და პირუტყვი - და მისცა ისინი ლევიანებს,უფლის კარვის სამსახურის შემსრულებლებს, როგორც ნაბრძანები ჰქონდა უფალსმოსესთვის.

⁴⁸მივიდნენ მოსესთან ლაშქრის ათასეულთა მეთაურები,ათასისთავები და ასისთავები,

⁴⁹და უთხრეს მოსეს: დაითვალეს შენმა მსახურებმა მეომრები,რომლებიც ჩვენს ხელქვეით არიან, და არცერთი მათგანი არ აკლია.

⁵⁰შემოგვიწირავს საუფლო შესაწირავი, თითოეულმა რაც იპოვა ოქროს ნივთებიდან - სალტეები და სამაჯურები, ბეჭდები, საყურეები და ყელსაბამები, ჩვენი სულის განსაწმედად უფლის წინაშე.

⁵¹ჩაიბარეს მოსემ და ელეაზარ მღვდელმა მათგან ოქროულობა,ყველა ის სამკაული.

⁵²მთელი ოქრო, რომელიც ძღვნად მიუტანეს უფალს ათასისთავებმადა ასისთავებმა, იყო სულ თექვსმეტი ათას შვიდას ორმოცდაათი შეკელი.

⁵³მოლაშქრეებს თითოეულს თავისი წილი ჰქონდა დატაცებული.

⁵⁴მიიღეს მოსემ და ელეაზარ მღვდელმა ოქროულობაათასისთავებისგან და ასისთავებისგან და შეიტანეს სადღესასწაულო კარავშიისრაელიანთა სამახსოვროდ უფლის წინაშე.