Read ახალი ქართულით, Modern Georgian Bible, 1982 რიცხვნი 35 Bible Online

რიცხვნი 35 - ახალი ქართულით, Modern Georgian Bible, 1982 bible

რიცხვნი 35

¹ელაპარაკა უფალი მოსეს მოაბის ველზე, იორდანესთან, იერიხონის მახლობლად:

²ვუბრძანე ისრაელიანებს, რომ მისცენ ლევიანებს თავიანთი საკუთარი სამკვიდროდან ქალაქები საცხოვრებლად. ქალაქგარეთ სანახებიც, ირგვლივ, მიეცით ლევიანებს.

³ჰქონდეთ ქალაქები საცხოვრებლად და სანახები ჰქონდეთპირუტყვისათვის, ქონებისთვის და ყოველგვარი სარჩოსათვის.

⁴ქალაქგარე სანახები, რომლებიც ლევიანებს უნდა მისცეთ,ქალაქის კედლებს იქით ათას წყრთაზე უნდა გადიოდეს ირგვლივ.

⁵გადაზომეთ ორი ათასი წყრთა ქალაქგარეთ აღმოსავლეთისმიმართულებით, ორი ათასი წყრთა სამხრეთის მიმართულებით, ორი ათასი წყრთადასავლეთის მიმარიულებით და ორი ათასი წყრთა ჩრდილოეთის მიმართულებით;შუაში ქალაქი. ეს ჰქონდეთ მათ ქალაქგარე სანახებად.

⁶იმ ქალაქებიდან, რომლებიც ლევიანებს უნდა მისცეთ, ექვსიქალაქი თავშესაფარი იყოს, სადაც დაანებებთ მკვლელს გაქცევას. ამათ ზევითორმოცდაორი ქალაქი მიეცით.

⁷სულ ორმოცდარვა ქალაქი უნდა მისცეთ ლევიანებს თავისისანახებითურთ.

⁸ქალაქები, რომლებიც ისრაელიანთა საკუთრებიდან უნდამისცეთ, მრავალრიცხოვანთ მეტი გამოართვით, მცირერიცხოვანთ - ნაკლები,თითოეულმა თავისი წილხვედრის კვალობაზე უნდა მისცეს თავისი ქალაქებიდანლევიანებს.

⁹ასე ელაპარაკა უფალი მოსეს:

¹⁰ელაპარაკე ისრაელიანებს და უთხარი მათ: როცა გადახვალთ იორდანეს გაღმა ქანაანის ქვეყანაში,

¹¹დაიგულეთ ზოგიერთი ქალაქი, თავშესაფარ ქალაქებად გქონდეთ ისინი, სადაც შეეძლება თავის შეფარება მკვლელს, რომელსაც უნებურად შემოაკვდება კაცი.

¹²გქონდეთ ეს ქალაქები თავშესაფარად შურისმაძიებლისაგან, რათა არ მოიკლას მკვლელი, ვიდრე საზოგდოების წინაშე წარდგებოდეს სამსჯავროდ.

¹³ექვსი უნდა იყოს ქალაქი, რომელსაც თავშესაფრადგანაწესებთ.

¹⁴სამი ქალაქი იორდანეს გაღმა უნდა მისცეთ და სამი ქალაქიქაანანის ქვეყანაში უნდა მისცეთ. თავშესაფარი ქალაქები იქნება ისინი.

¹⁵ისრაელიანებს, მდგმურს და თქვენს შორის დამკვიდრებულსგქონდეთ ეს ექვსი ქალაქი თავშესაფრად, რათა იქ თავი შეაფაროს ყველამ, ვისაცუნებურად შემოაკვდება კაცი.

¹⁶თუ ვინმე კაცს რკინას დაჰკრავს და მოკლავს, მკვლელია იგი.მკელელი სიკვდილით უნდა დაისაჯოს.

¹⁷თუ ვინმე სასიკვდილოდ დაარტყამს ქვას ვინმეს და მოკვდებაკაცი მკვლელია. მკვლელი სიკვდილით უნდა დაისაჯოს.

¹⁸ან ხის იარაღს, რომლითაც შეიძლება მოკვდეს კაცი, დაარტყამს ვინმეს და მოკვდება კაცი, მკვლელია. მკვლელი სიკვდილით უნდა დაისაჯოს.

¹⁹მესისხლეს თავად შეუძლია მოკლას მკვლელი; შეხვდება დათვითონვე მოკლას.

²⁰თუ ვინმე ქიშპობით კაცს ხელს ჰკრავს ან განზრახვით რაიმესესვრის და მოკვდება კაცი,

²¹ან მტრობით ხელს დაარტყამს და მოკვდება, დამრტყმელი უნდა მოკვდეს, რადგან მკვლელია. მესისხლეს შეუძლია მოკლას მკვლელი, როცა შეხვდება.

²²თუკი უნებლიეთ, მტრობის გარეშე, ჰკრავს ხელს ანგანუზრახველად ესვრის რაიმე საგანს,

²³ან ქვა, რომლითაც შეიძლება მოკვდეს კაცი, გადმოუვარდებადა ვინმეს დაეცემა თავში და მოკვდება, ის კი არც მტრობდა მას და არც ავსფიქრობდა მისთვის,

²⁴საზოგადოებამ უნდა განსაჯოს მკვლელისა და მესისხლის საქმეამ წესების მიხედვით.

²⁵უნდა იხსნას საზოგადოებამ მკვლელი მესისხლისაგან დაგააბრუნოს იგი საზოგადოებამ მის თავშესაფარ ქალაქში, სადაც გაქცეული იყო.დარჩეს იქ წმიდა ზეთით ცხებული მღვდელმთავრის სიკვდილამდე.

²⁶თუკი მკვლელი გასცდება თავშესაფარი ქალაქის საზღვრებს,სადაც გაიქცა,

²⁷ნახავს მას მესისხლე თავშესაფარი ქალაქის საზღვრებს გარეთდა მოკლავს მესისხლე მკვლელს, არ მოეკითხება მას სისხლი,

²⁸რადგან თავშესაფარ ქალაქში უნდა დარჩენილიყომღვდელმთავრის სიკვდილამდე. მღვდელმთავრის სიკვდილის შემდეგ კი მკვლელსშეუძლია თავის საკუთარ ქვეყანაში დაბრუნება.

²⁹გქონდეთ ეს სამართლის წესად თქვენს თაობებში. ყველგან,სადაც კი იცხოვრებთ.

³⁰ყოველი მკვლელი მოწმეთა ჩვენებით უნდა მოიკლას, ერთიმოწმის მხილებით კაცს სიკვდილით ვერ დასჯიან.

³¹ნუ აიღებთ გამოსასყიდს მკვლელის გამოსახსნელად, რომელიცსასიკვდილოა, რადგან სიკვდილით უნდა დაისაჯოს.

³²ნუ აიღებთ გამოსასყიდს თავშესაფარ ქალაქშიგაქცეულისთვის, რომ მღვდლის სიკვდილამდე დაბრუნდეს თავის ქვეყანაში.

³³ნუ წაბილწავთ მიწას, სადაც იმყოფებით, რადგან სისხლია,რომ ბილწავს მიწას. ვერ განიწმიდება მიწა მასზე დაღვრილი სისხლისაგან, თუარა თავად მისი დამღვრელის სისხლით.

³⁴ნუ გააუწმიდურებთ მიწას, სადაც თქვენ ცხოვრობთ, სადაც მევარ დავანებული თქვენს შორის, რადგან მე, უფალი, დავანებული ვარისრაელიანთა შორის.