Read ახალი ქართულით, Modern Georgian Bible, 1982 რიცხვნი 36 Bible Online

რიცხვნი 36 - ახალი ქართულით, Modern Georgian Bible, 1982 bible

რიცხვნი 36

¹მივიდნენ გალაად მაქირის ძის, მენაშიანის ძეთა საგვარეულოს მამამთავრები იოსებიანთა საგვარეულოებიდან და ილაპარაკეს მოსეს წინაშე და ისრაელიანთა თავკაცების, მამამთავართა წინაშე,

²თქვეს: ჩვენს ბატონს უბრძანა უფალმა, რომ წილისყრით მისცეს ისრაელიანებს ქვეყანა სამკვიდროდ; ნაბრძანები აქვს უფლისგან ჩვენს ბატონს, რომ მის ქალიშვილებს მისცეს ჩვენი ძმის ცელაფხადის წილი.

³თუ ვისმე მითხოვდნენ ცოლად ისრაელიანთა რომელიმე შტოში,წაერთმევა მათი სამკვიდრო ჩვენი მამაპაპის სამკვიდროს და შეეძინება იმ შტოსსამკვიდროს, სადაც იქნებიან ისინი გათხოვილები. დაიკარგება ჩვენიწილხვედრილი სამკვიდრო.

⁴როცა დაუდგებათ ზეიმის დღე ისრაელიანებს, მაშინაცმიემატება მათი სამკვიდრო იმ შტოს სამკვიდროს, სადაც იქნებიან გათხოვილნიდა ჩამოერთმევა ჩვენი მამა-პაპის სამკვიდროს მათი სამკვიდრო.

⁵ასე გამოუცხადა მოსემ ისრაელიანებს უფლის ბრძანებისამებრ:მართალს ამბობს იოსებიანთა შტო.

⁶აი, რა აქვს ნაბრძანები უფალს ცელაფხადის ასულთა საქმეზე:ვინც მოეწონებათ, იმათ მისთხოვდნენ, ოღონდ მამისეული შტოს საგვარეულოებშიგათხოვდნენ.

⁷არ უნდა გადადიოდეს ისრაელიანთა სამკვიდრო შტოდან შტოში,რადგან მამაპაპისეულ შტოს სამკვიდროს უნდა იყოს მიწებებული თითოეულიისრაელიანი.

⁸ყოველი ასული, რომელიც იმკვიდრებს წილს ისრაელიანთა რომელიმე შტოში, მამისეული შტოს საგვარეულოდან უნდა მისთხოვდეს ვისმე, რათა თითოეულ ისრაელიანს შეეძლოს მამაპაპისეული წილის დამკვიდრება.

⁹არ უნდა გადადიოდეს სამკვიდრო ერთი შტოდან სხვა შტოში,რადგან თითოეული ისრაელიანი თავის სამკვიდროს უნდა იყოს მიწებებული.

¹⁰როგორც უბრძანა უფალმა მოსეს, ისე მოიქცნენ ცელაფხადის ასულები.

¹¹მისთხოვდნენ მახლა, თორცა, ხოგლა, მილქა და ნოყა - ცელაფხადის ასულები - თავიანთ ბიძაშვილებს ცოლად.

¹²იოსებიან-მენაშეანთა საგვარეულოებში იყვნენ გათხოვილნი ისინი და ამიტომაც მათ მამისეულ საგვარეულოს შერჩა მათი სამკვიდრო.

¹³აი, ბრძანებები და წესები, უფალმა რომ გამოცხადებინამოსეს ისრაელიანთათვის მოაბის ველზე, იორდანესთან, იერიხონის გასწვრივ.