Read ახალი ქართულით, Modern Georgian Bible, 1982 რიცხვნი 4 Bible Online

რიცხვნი 4 - ახალი ქართულით, Modern Georgian Bible, 1982 bible

რიცხვნი 4

¹ელაპარაკა უფალი მოსეს და აარონს, უთხრა:

²დაითვალე კეჰათიანები ლევიანებში მათი საგვარეულოების,მათი მამისსახლების მიხედვით,

³ოცდაათი წლიდან მოყოლებული ორმოცდაათ წლამდე, ყველა,ვისაც კი შეუძლია სამსახურში გასვლა, რომ აკეთოს საქმე სადღესასწაულოკარავში.

⁴ეს არის კეჰათიანთა საქმე სადღესასწაულო კარავში, წმიდათაწმიდაში.

⁵შევლენ აარონი და მისი შვილები ბანაკის დაძვრისას,ჩამოხსნიან ჩამოსაფარებელს და მით დაფარავენ მოწმობის კიდობანს.

⁶ზედ დააფენენ თახაშის ტყავის ფარდაგს და ზემოდანგადააფარებენ ლურჯი მატყლის ქსოვილს და გაუყრიან კეტებს.

⁷დასალაგებელ ტაბლაზე გაშლიან ლურჯი მატყლის ქსოვილს დადააწყობენ მასზე ჯამებს, კოვზებს, საწდეებს და თასებს საღვრელად. მუდმივიპური უნდა ეწყოს მასზე.

⁸გაშლიან ზედ ჭიაფერ ქსოვილს და გადააფარებენ მას თახაშისტყავის გადასაფარებელს და გაუყრიან კეტებს.

⁹აიღებენ ლურჯი მატყლის სამოსელს და დაფარავენ სასანთლესდა მის ლამპრებს, მის მაშებს, აქანდაზებს და ზეთის ყველა ჭურჭელს, რომელსაცმისთვის იყენებენ.

¹⁰გამოახვევენ მას და მთელს მის ჭურჭელს თახაშის ტყავისგადასაფარებელში და ტახტრევანზე დადებენ.

¹¹ოქროს სამსხვერპლოზე გაშლიან ლურჯ ქსოვილს და გადააფარებენ მას თახაშის ტყავის გადასაფარებელს, გაუყრიან კეტებს.

¹²აიღებენ ყველა სამსახურებელ ჭურჭელს, რომელსაც საწმიდარშიხმარობენ, დააწყობენ ლურჯ ქსოვილზე და გადააფარებენ თახაშის ტყავისგადასაფარებელს, გაუყრიან კეტებს.

¹³ნაცარს მოაშორებენ სამსხვერპლოს და გადააფარებენ მეწამულქსოვილს.

¹⁴დააწყობენ ზედ ყველა ჭურჭელს, რასაც კი იქ ხმარობენ -აქანდაზებს, ჩანგლებს, ნიჩბებს, სასხურებლებს, სამსხვერპლოს მთელს ჭურჭელსდა გადააფარებენ ზედ თახაშის ტყავის გადასაფარებელს, გაუყრიან კეტებს.

¹⁵როცა მორჩებიან აარონი და მისი შვილები საწმიდარისა დამთელი მისი ჭურჭლის დაფარვას ბანაკის დაძვრისას, მოვლენ კეჰათიანები მისწასაღებად. ოღონდ არ უნდა მიეკარონ საწმიდარს, რომ არ დაიხოცონ. ეს არისკეჰათიანთა სატარებელი ტვირთი სადღესასწაულო კარვის ჭურჭლიდან.

¹⁶ელიაზარს, აარონ მღვდლის ძეს, მინდობილი აქვს სასანთლისზეთი, სურნელოვანი საკმეველი, მუდმივი შესაწირავი და საცხებელი ზეთი,თვალყური მთელს სავანეზე და ყველაფერზე, რაც მასშია, საწმიდარზე და მთელსმის ჭურჭელზე.

¹⁷ელაპარაკა უფალი მოსეს და აარონს, უთხრა:

¹⁸ნუ გადააშენებთ კეჰათის საგვარეულოთა შტოს ლევიანთაშორის.

¹⁹ასე მოიქეცით, რომ ცოცხლები დარჩნენ და არ დაიხოცონ, როცაწმიდათა წმიდას მიუახლოვდებიან. აარონი და მისი შვილები მივიდნენ მათთან დათითოეული თავის საქმეზე და თავის წასაღებ ტვირთთან დააყენონ.

²⁰არ უნდა მივიდნენ საწმიდარის შეფუთვის საყურებლად, თორემდაიხოცებიან.

²¹ასე ელაპარაკა უფალი მოსეს:

²²დაითვალე გერშონიანებიც მათი მამისსახლების დასაგვარეულობების მიხედვით.

²³ოცდაათი წლიდან მოყოლებული, ორმოცდაათ წლამდე, აღრიცხეისინი, ყველა, ვისაც სამსახურში ჩადგომა შეუძლია სადღესასწაულო კარვისსაქმის საკეთებლად.

²⁴ეს არის გერშონის მოდგმის საგვარეულოთა საშრომელისამსახურებლად და სატარებლად:

²⁵უნდა ატარონ სავანის კრეტსაბმელები, სადღესასწაულო კარავიდა მისი გადასახურავი, თახაშის ტყავის გადასახურავი, ზემოდან რომ აფარია,სადღესასწაულო კარვის შესასვლელის ჩამოსაფარებელი,

²⁶ეზოს ფარდები, ეზოს კარიბჭის ჩამოსაფარებელი, სავანისა დასამსხვერპლოს ირგვლივ რომ არის, მისი საბელები და ყველა მისი სამსახურებელინივთი. ყველაფერი, რასაც აკეთებენ და იყენებენ.

²⁷აარონისა და მისი შვილების ბრძანებით უნდა სრულდებოდესგერშონიანთა ყველა საქმე - ყველაფრის ტარება და ყველაფრის კეთება. მათჩააბარე შესანახად ყველაფერი, რაც მათი სატარებელია.

²⁸ეს არის გერშონიანთა საგვარეულოების საქმე სადღესასწაულოკარავში და მათი მოვალეობანი ითამარის, აარონ მღვდლის ძის,ხელმძღვანელობით.

²⁹მერარიანები მათი საგვარეულოებისა და მამისსახლებისმიხედვით აღრიცხე.

³⁰ოცდაათი წლიდან მოყოლებული ორმოცდაათ წლამდე აღრიცხეისინი, ყველა, ვისაც სამსახურში ჩადგომა შეუძლია სადღესასწაულო კარვისსაქმის საკეთებლად.

³¹აი, რისი ტარება ევალებათ მათ (ეს არის მათი საქმე სადღესასწაულო კარვის სამსახურში): სავანის ბოძები, ლარტყები, სვეტები მათი ფეხებითურთ.

³²ეზოს სვეტები, ირგვლივ რომ დგას, მათი ფეხებით, პალოებითადა საბელებითურთ, ყველა მათი ნივთი და ყველა მათი სამსახურებელი, სათითაოდაღრიცხე ყველა ნივთი, რაც სატარებლად ევალებათ.

³³ეს არის მერარიანთა საგვარეულოების საქმე სადღესასწაულოკარავში ითამარის, აარონ მღვდლის ძის, ხელმძღვანელობით.

³⁴აღრიცხეს მოსემ, აარონმა და საზოგადოების თავკაცებმაკეჰათიანები მათი საგვარეულოებისა და მამისსახლების მიხედვით.

³⁵ოცდაათი წლიდან მოყოლებული ორმოცდაათ წლამდე, ყველა,ვისაც სამსახურში ჩადგომა შეეძლო სადღესასწაულო კარვის საქმის საკეთებლად.

³⁶აღირიცხა საგვარეულოთა მიხედვით სულ ორი ათას შვიდასორმოცდაათი კაცი.

³⁷ესენი აღირიცხნენ კეჰათიანთა საგვარეულობებში, ყველა,ვინც სადღესასწაულო კარვის საქმეს აკეთებს, რომლებიც აღრიცხეს მოსემ დააარონმა უფლის სიტყვით და მოსეს ხელმძღვანელობით.

³⁸აღირიცხნენ გერშონიანები მათი საგვარეულობების დამამისსახლების მიხედვით,

³⁹ოცდაათი წლიდან მოყოლებული ორმოცდაათ წლამდე, ყველა,ვისაც კი შეეძლო სამსახურში ჩადგომა სადღესასწაულო კარვის საქმისსაკეთებლად.

⁴⁰აღირიცხა საგვარეულოების მიხედვით და მამისსახლებისმიხედვით სულ ორი ათას ექვსას ოცდაათი კაცი.

⁴¹ესენი აღირიცხნენ გერშონიანთა საგვარეულოებში, ყველა, ვინც სადღესასწაულო კარვის საქმეს აკეთებს, რომლებიც აღრიცხეს მოსემ და აარონმა უფლის სიტყვით.

⁴²აღირიცხა მერარიანთა საგვარეულოები მათი საგვარეულოებისდა მამისსახლების მიხედვით,

⁴³ოცდაათი წლიდან მოყოლებული ორმოცდაათ წლამდე, ყველა,ვისაც კი შეეძლო სამსახურში ჩადგომა სადღესასწაულო კარვის საქმისსაკეთებლად.

⁴⁴აღირიცხა მათი საგვარეულოების მიხედვით სულ სამი ათასორასი კაცი.

⁴⁵ესენი აღირაცხნენ მერარიანთა საგვარეულოებში, რომლებიცაღრიცხეს მოსემ და აარონმა უფლის სიტყვით და მოსეს ხელმძღვანელობით.

⁴⁶ყველა აღრიცხული, ვინც აღრიცხეს მოსემ, აარონმა დაისრაელის თავკაცებმა ლევიანებისგან მათი საგვარეულოების და მამისსახლებისმიხედვით,

⁴⁷ოცდაათი წლიდან მოკიდებული ორმოცდაათ წლამდე, ვისაც კიშეეძლო სამსახურში ჩადგომა და სადღესასწაულო კარვის ტარება,

⁴⁸აღირიცხა სულ რვა ათას ხუთას ოთხმოცი კაცი.

⁴⁹უფლის ბრძანებით და მოსეს ხელმძღვანელობით მიეჩინათითოეულს მისი საქმე და მისი სატარებელი ტვირთი და აღირიცხნენ, როგორცუბრძანა უფალმა მოსეს.