Read ახალი ქართულით, Modern Georgian Bible, 1982 რიცხვნი 6 Bible Online

რიცხვნი 6 - ახალი ქართულით, Modern Georgian Bible, 1982 bible

რიცხვნი 6

¹ასე ელაპარაკა უფალი მოსეს:

²ელაპარაკე ისრაელიანებს და უთხარი: თუ კაცმა ან ქალმააღთქმა დადო, რომ უფლის მოწმიდარი გახდება,

³ღვინისგან და სასმელისგან უნდა იწმიდოს, არც ღვინის ძმარიდა არც თაფლუჭის ძმარი არ დალიოს, არც ყურძნის წვენი არ დალიოს, არცახლადმოკრეფილი ყურძენი და არც ჩამიჩი არ ჭამოს.

⁴თვისი მოწმიდარობის მთელს დროს ყურძნისაგან დამზადებულიარაფერი ჭამოს, წიპწიდან კანამდე.

⁵მოწმიდარობის აღთქმის მთელს დროს სამართებელი არ უნდაშეეხოს მის თავს; ვიდრე არ გაუვა უფლის მოწმიდარობის ვადა, წმიდაა იგი. თმაუნდა მოიზარდოს თავზე.

⁶უფლის მოწმიდარობის მთელს დროს მკვდარს არ უნდა მიეკაროს.

⁷არ უნდა გაუწმიდურდეს მამის, დედის, ძმის და დის გამო,მათ გამოც კი მათი სიკვდილის დროს, რადგან მისი ღმერთის მოწმიდარობაა მისთავზე.

⁸თავისი მოწმიდარობის მთელ დროს უფლის წმიდაა ის.

⁹თუ მოულოდნელად, უცაბედად შეესწრო ვინმეს სიკვდილს და იგიწაიბილწავს სამოწმიდარო თავს, უნდა მოიპარსოს თავი. თავისი განწმედის დღეს,მეშვიდე დღეს მოიპარსოს იგი.

¹⁰მერვე დღეს კი ორი გვრიტი ან ორი მტრედის ხუნდი მიუტანოსმღვდელს სადღესასწაულო კარვის შესასვლელთან.

¹¹გაამზადებს მღვდელი ერთს ცოდვისათვის, მეორეს აღსავლენად და განწმედს მას მკვდრის შეხების ცოდვისაგან, და განათლავს მის თავს ამ დღეს.

¹²უნდა განუახლოს უფალს თავისი მოწმიდარობის დღეები დამიუტანოს წელგამოვლილი ცხვარი დანაშაულისთვის. წინა დღეები დაკარგულია,რადგან წაბილწა თავისი მოწმიდარობა.

¹³ეს არის მოწმიდარის რჯული: როცა გაუვა მოწმიდარობის ვადა,მიიყვანენ მას სადღესასწაულო კარვის შესასვლელთან;

¹⁴შესწირავს უფალს წელგამოვლილ, საღ ცხვარს აღსადგენად, ერთწელგამოვლილ დედალ ცხვარს ცოდვისათვის და ერთ საღ ჭედილას სამადლობელმსხვერპლად,

¹⁵ერთ კალათა გამტკიცული ფქვილის ხმიადს, ზეთში მოზელილნამცხვრებს, ზეთწაცხებულ უსაფუვრო ლავაშებს მათი ძღვენითა და საღვრელით.

¹⁶მიიტანს მღვდელი უფლის წინაშე და გაამზადებს ცოდვისათვისდა აღსავლენად.

¹⁷ხოლო ჭედილას გაამზადებს სამადლობელ, მსხვერპლადუფლისათვის ერთი კალათა ხმიადითურთ და გაამზადებს მღვდელი მათ ძღვენს დასაღვრელს.

¹⁸გადაიპარსავს მოწმიდარი სადღესასწაულო კარვისშესასვლელთან თავის სამოწმიდარო თავს, აიღებს თავისი სამოწმიდარო თავისთმას და ჩააგდებს ცეცხლში, სამადლობელი მსხვერპლის ქვეშ რომ არის.

¹⁹აიღებს მღვდელი ჭედილას მოხარშულ ბეჭს, ერთ უსაფუარონამცხვარს კალათიდან, ერთ უსაფუვრო კვერს და ხელზე დაუდებს მოწმიდარს მასშემდეგ, რაც ის მოიპარსავს თავის მოწმიდარობას.

²⁰შეარხევს მათ მღვდელი შერხევით უფლის წინაშე - ეს არისსიწმიდე მღვდლისთვის, გარდა შესარხევი მკერდისა და აღსამართი ბეჭისა: ამისშემდეგ შეეძლება მოწმიდარს ღვინის სმა.

²¹ეს არის რჯული მოწმიდარისა, რომელმაც აღთქმა დადო, და მისი შესაწირავისა უფლისადმი თავისი მოწმიდარობისთვის, იმის გარდა, რაზეც ხელი მიუწვდება. რა აღთქმაც აქვს დადებული, უნდა შეასრულოს მოწმიდარობის რჯულს ზევით.

²²ასე ელაპარაკა უფალი მოსეს:

²³უთხარი აარონს და მის შვილებს: ასე აკურთხეთისრაელიანები, უთხარით მათ:

²⁴უფალმა გაკურთხოს და დაგიფაროს.

²⁵უფალმა მოგანათოს თვისი სახე და შეგიწყალოს,

²⁶უფალმა მოგაპყრას თავისი სახე და სიმრთელე მოგცეს.

²⁷დასდონ ჩემი სახელი ისრაელიანებზე და მე ვაკურთხებ მათ.